Inona no Antony Mety Tsy Hamalian’Andriamanitra ny Vavaka Ataontsika?
Valiny ara-baiboly
Mety tsy hamaly ny vavaka ataontsika Andriamanitra. Ireto misy antony roa mety hahatonga izany:
1. Tsy mifanaraka amin’ny sitrapon’Andriamanitra ilay zavatra angatahina
Tsy valian’Andriamanitra ny vavaka raha tsy mifanaraka amin’izay takiny ao amin’ny Baiboly. (1 Jaona 5:14) Milaza, ohatra, ny 1 Korintianina 6:9, 10 fa ratsy ny manana faniriana tsy mety afa-po. Lasa tsy mety afa-po anefa isika raha miloka. Tsy hamaly antsika àry Andriamanitra raha mangataka aminy isika mba hahazo amin’ny loteria. Soa ihany koa fa tsy izay rehetra angatahintsika aminy dia tanterahiny daholo satria hoe mpanao fahagagana izy. Raha tsy izany mantsy, dia mety hatahotra foana isika hoe sao hisy vokany ratsy amintsika izay angatahin’olon-kafa.—Jakoba 4:3.
2. Minia tsy mankatò azy isika
Tsy mamaly ny vavaka ataon’ny olona manao fanahy iniana tsy mankatò azy Andriamanitra. Izao, ohatra, no nolazainy tamin’ny olona nihambo ho nanompo azy: “Na manao vavaka maro aza ianareo, dia tsy hihaino aho, fa feno ran’olona ny tananareo.” (Isaia 1:15) Raha niova anefa izy ireo ka nanaiky “hifandamina” tamin’Andriamanitra, dia ho nihaino ny vavaka nataony izy.—Isaia 1:18.
Mety ho Tianao Koa
NY TILIKAMBO FIAMBENANA
Nahoana no Tsy Misy Valiny ny Vavaka Sasany?
Vavaka hoatran’ny ahoana no valian’Andriamanitra ary hoatran’ny ahoana no tsy valiany? Mamaly an’izany ny Baiboly.
VALIN’IREO FANONTANIANA ARA-BAIBOLY
Inona no Azoko Angatahina Amin’ny Vavaka?
Tsy misy dikany amin’Andriamanitra ve ny zavatra mampiady saina anao, ka tsy mila resahina amin’ny vavaka?
NY TILIKAMBO FIAMBENANA
Mamaly ny Vavaka Rehetra ve Andriamanitra? Tokony ho Hoatran’ny Ahoana ny Paozintsika Rehefa Mivavaka?
Hihaino sy hamaly ny vavaka ataonao ve Andriamanitra?
NY TILIKAMBO FIAMBENANA
Inona no Tokony Hataonao?
Afaka miresaka amin’Andriamanitra ianao na aiza na aiza ary na rahoviana na rahoviana. Henony na dia ny vavaka ao am-ponao aza. Nampianarin’i Jesosy antsika mihitsy aza izay tokony holazaina.
FAMPIANARAN’NY BAIBOLY TENA ILAINA
Henoin’Andriamanitra ve ny Vavaka Rehetra?
Ahoana raha fitiavan-tena fotsiny no mahatonga ny olona iray hivavaka? Ahoana indray raha mampijaly vady ny lehilahy iray, dia avy eo mangata-pitahiana amin’Andriamanitra? Henoin’Andriamanitra ve ny vavaka hoatr’izany?
FAMPIANARAN’NY BAIBOLY
Hanandrana An’ilay Fianarana
Afaka mianatra Baiboly maimaim-poana miaraka amin’ny mpampianatra iray ianao.