Zis bann ki pres regilierman bon nouvel lor Rwayom Bondie sak mwa ki konte antan ki Temwin Zeova. (Matie 24:14) Li inplik bann ki finn pran batem antan ki Temwin Zeova ek bann ki pankor pran batem me ki kalifie pou partisip dan travay predikasion.

 Non. Pa parski enn dimounn inn fer bann donasion ki li pou vinn enn Temwin ouswa pou gagn bann responsabilite spesial dan nou relizion. (Zistwar Bann Apot 8:18-20) An realite, laplipar bann donasion fer dan enn fason anonim. Sak Temwin donn so letan, lenerzi ek seki li ena pou nou travay ki fer dan lemond antie volonterman ek dapre so sitiasion.​—2 Korintien 9:7.

 Sak mwa, bann Temwin donn enn rapor lor seki zot inn fer ek zot donn sa zot lasanble lokal. Ek zot fer sa dan enn fason volonter.

 Bann lasanble konpil bann rapor ek zot avoy total bann rapor biro nasional. Biro nasional avoy biro mondial bann total pou sak pei ouswa teritwar.

 Alafin sak lane servis, a nou kalkil maximum Temwin pou sak pei pou sa lane-la ek nou azout sa bann sif-la ansam pou kone kantite Temwin ki ena dan lemond antie. Nou pibliye bann rapor an detay pou sak pei dan seksion “Partou dan Lemond” lor nou sit internet. Sa bann rapor-la ankouraz nou parey kouma bann rapor ti ankouraz bann premie Kretien.​—Zistwar Bann Apot 2:41; 4:4; 15:3.

 Mem si nou pa kont zot dan kantite bann Temwin, nou akeyir zot dan nou bann lasanble. Laplipar parmi zot asiste Memoryal lamor Zezi Kris sak lane, alor nou kapav kone apepre komie zot ete kan retir kantite ki asiste memoryal avek kantite Temwin ki ena. An 2023, lasistans pou Memoryal ti 20,461,767.

 Boukou ki pa asiste nou bann renion kapav profit nou program letid Labib gratis. Pandan lane 2023, nou ti kondir an mwayenn 7,281,212 letid Labib sak mwa ek parmi ena letid ki ti fer avek plizir dimounn anmemtan.

 Biro resansman gouvernman souvan determinn zot kantite kan zot demann bann dimounn dan ki relizion zot ete. Par exanp, Biro Resansman Letazini dir ki zot fer enn lanket pou gete si bann dimounn konsider zot kouma enn manb enn group relizie ek bann rezilta ki zot ti gagne ti plis baze lor lopinion personel bann dimounn. Alor ki nou kont zis bann ki pres avek lezot kouma enn Temwin Zeova ek ki donn enn rapor konsernan zot laktivite, pa bann ki dir ki zot enn Temwin.