KĨTHOOMO 02
Bibiria nĩ ĩejanaga wĩrĩgĩĩro
Antũ babaingĩ barĩ na mathĩĩna jarĩa jatũmĩte bakeethĩrwa na mũthũũro, kũmaka, ona kinya ũrũrũ. Ũragwatwa nĩ ũntũ bwatũma wigua mantũ ta jau? Mbuga nĩ ũkũthangĩkua nĩ mbajua kana gũkuĩrwa nĩ muntũ wendeete. No ũciũrie, ‘Ũtũũro-rĩ, bũkoroagĩra?’ Bibiria nĩ ĩcookagia kĩũria kĩu na njĩra ya kũboreria.
1. Nĩatĩa Bibiria ĩejanaga wĩrĩgĩĩro?
Bibiria nĩtaraagĩria nĩkĩ kũrĩ na mathĩĩna jamaingĩ, kinya nĩtwejaga nkuma ĩnjega atĩ Mũrungu akeeja kũthiria mathĩĩna jaja jonthe kagiita gatĩ kũraaja. Mawĩrane ja Bibiria joomba gũkwaa “wirigiriro” bwa kagĩĩta kejĩte. (Thooma Jeremia 29:11, 12.) Mawĩrane jau nĩ jatũtethagia kũrũa na mathĩĩna jeetũ na kwĩthĩrwa na kũgwĩrua kinya nandĩ, na nĩjatwejaga ũrikithia atĩ tũkeethĩrwa na kũgwĩrua kenya na kenya.
2. Wĩrane bwa Bibiria bũrĩonania ĩgiita rĩĩjĩte rĩkeethĩrwa rĩkari atĩa?
Bibiria nĩ ĩtaaragĩĩria ĩgiita rĩĩjĩte rĩrĩa “gikuu gutirio gigacoka gukara o kairi, na gutirio gugacoka kugita kieba kana kiriro kana kinya murimo.” (Thooma Kugwurirwa 21:4.) Mathĩĩna jarĩa jatũmaga antũ bathangĩka ntukũne cietũ—ta ũkĩa, waagi bwa ĩota, mbajua na gĩkuũ—jatĩĩthĩrwa o kaĩrĩ. Bibiria nĩejanĩte wĩrĩgĩĩro atĩ antũ bakagwĩrĩrua ũtũũro kenya na kenya Paradiso nthĩgũrũne.
3. Nĩatĩa ũũmba kwĩthĩrwa na mma atĩ mawĩrane ja Bibiria jakoojũra?
Antũ babaingĩ berĩgagĩĩra mantũ jaamega jakarĩka, ĩndĩ batĩĩthagĩrwa na mma kethĩra mawĩrĩgĩĩro jau jao jakoojũrua. Mawĩrane jarĩa Bibiria ĩejanĩte nĩ mwanya. Twomba gwĩtĩkia jarĩa yugaga na njĩra ya “gucunkuna maandiko bwega.” (Mathithio 17:11-The Kimeru Bible 2010) Wairitana Bibiria, ũkoomba kwithurĩra wengwa kethĩra ũgetĩkia jarĩa yugĩte jegie ĩgiita rĩĩjĩte.
ĨNJA NKŨRŨKI
Cũnkũũna jamwe ja mantũ jarĩa Bibiria ĩĩranĩrĩte jegie ĩgiita rĩĩjĩte. Ona ũrĩa mawĩrane jarĩa Bibiria ĩejanaga jateethagia antũ ntukũne cietũ.
4. Bibiria nĩtwejaga wĩrane bwa gũtũũra kenya na kenya tũtĩ na mĩthangĩko
Tega mawĩrane jaja jathingatĩte jarĩa jaumanĩtie na Bibiria. Nĩ bũrĩkũ kĩrĩ jo bũgũgũkucĩĩria nkũrũki? Na nĩkĩ?
Thooma Maandĩko jarĩa joonanĩtue kĩrĩ mawĩrane jau, na ũthũgaanĩrie biũria bibi:
-
Nũkwona teka Maandĩko jaja jagũkwaa wĩrĩgĩĩro? No joombe kwaa antũ ba nja na acoore wĩrĩgĩĩro kinya bo?
Ũthũgaania ũgĩtũũraga nthĩgũrũ ĩrĩa
GŨTĨ MUNTŨ . . . |
O MUNTŨ WONTHE . . . |
---|---|
|
|
|
|
|
|
|
|
|
|
5. Mawĩrane ja Bibiria joomba kũgarũra ũtũũro
Antũ babaingĩ nĩ bauni nkoro kana bakaigua bũbũĩ tontũ bwa mathĩĩna jarĩa jabathiũrũkĩte. Bamwe nĩ baciũmagia mono kwagĩrithia mantũ. Ona ũrĩa wĩrane bwa Bibiria atĩ mantũ jakaagĩra bũtethagia antũ narua. Tega VIDIO, na bwarĩĩrie biũria birĩa bithingatĩte.
-
Kĩrĩ vidio, nĩ waagi bwa ĩota bũrĩkũ bwacumbũraga Rafika?
-
Kinya kethĩra waagi bwa ĩota bũrĩa oonaga bũtathirĩre, nĩatĩa Bibiria yamũteetherie?
Wĩrane bwa Bibiria bwa kagiita kejĩte no bũtũtethie kũrũa na mantũ ja gũtuuna nkoro na kũrũa na mathĩĩna jarĩa tũgũkũrũkĩĩra na njĩra ĩnjega. Thooma Njuno 17:22 na Aroma 12:12, na bwarĩĩre biũria bibi:
-
Jarĩa Bibiria yuugĩte jegie ĩgiita rĩĩjĩte no joombe kwagĩrĩthia ũtũũro bwaku? Na nĩkĩ?
ANTŨ BAMWE BAUGAGA: “Mawĩrane ja Bibiria jegie ĩgiita rĩĩjĩte jarĩ na inya mono kũũjũra.”
-
Ũrĩthũgaania nĩkĩ bũrĩ ũntũ bwa bata gwicũnkũũnĩra mma gwengwa?
NA NJĨRA ĨNKUĨ
Bibiria nĩĩtwejaga wĩrĩgĩĩro na ĩgatũteethia kũrũa na mathĩĩna na njĩra ya gũtwaa wĩrĩgĩĩro bwa ĩgiita rĩĩjĩte rĩrĩ na kũgwĩrua.
Gũcookera
-
Nĩkĩ antũ bakũbatara wĩrĩgĩĩro?
-
Nĩatĩa Bibiria yugaga bwegie kagiita kejĩte?
-
Nĩatĩa kwĩthĩrwa na wĩrĩgĩĩro bwa kagiita kejite kũũmba gũgũteethia naarua?
CŨNKŨŨNA
Iritane nkũrũki ũrĩa wĩrĩgĩĩro bũũmba gũgwĩkĩra inya.
Ona ũrĩa wĩrĩgĩĩro bwa ĩgiita rĩĩjĩte bũũmba gũteethia barĩa batũũraga na mbajua indito.
“Je, Bibilia Inaweza Kunisaidia Ikiwa Nina Ugonjwa wa Kudumu?” (Thooma intanetine)
Watega rwĩmbo rũrũ kĩrĩ vidio, ringa mbica ũkĩgwĩragĩrua ũtũũro amwe na antũ ba nja yaaku kĩrĩ paradiso ĩrĩa ĩĩranĩri Bibiriene.
Iritane ũrĩa ũtũũro bwa mũteteeri wa kĩoto kĩa ũmuntũ bwagarũkĩre arĩkwiritana wĩrĩgĩĩro bwa Bibiria bwegie ĩgiita rĩĩjĩte.
“Sitamani Tena Kuubadili Ulimwengu” (Mnara Wa Mlinzi, Julai 1, 2013)