“Tuo mar korona ok e tuo mogik ma biro kwako piny ngima. . . . Tuoche mamoko ma kamago pod biro sieko, omiyo, nyaka waikre.”​—Dr. Tedros Adhanom Ghebreyesus, dairekta maduong’ mar World Health Organization, Mei 22, 2023.

 Ji mang’eny pod nyagore gi tuoche mopogore opogore ma ne giyudo nikech korona, moriwo nyaka tuoche mag paro. Be sirkende kod osiptende biro ikore ne tuo machielo ma nyalo muoch e piny ngima, ka kata tuoche ma chando ji sani e ma pok gitieko?

 Muma wuoyo kuom sirkal moro ma biro tieko tuoche chuth. Owacho ni “Nyasaye manie polo nochung pinyruoth,” kata sirkal moro. (Daniel 2:44) E bwo sirkandno, “onge japiny ma nowachi niya: ‘Atuo.’” (Isaya 33:24) Ji duto biro bedo gi ngima maber kod teko mang’eny.​—Ayub 33:25.