Isaya 43:1-28
43 Pano YehovaUmpangi obe, abe Yakoba, Mwine wakupungile, abe Isalela,+ wanena namino’mba:
“Kokikwatwa moyo, mwanda nakukūla.+
Nakwite pa dyobe dijina.
Wi wami.
2 Pokapityila mu mema, nkekala nobe,+Kadi pokapityila mu minonga, keikakutokenyapo.+
Poenda mu mudilo kukatēmapo,Nansha lubimbi kukubaba mpika.
3 Mwanda ami ne Yehova Leza obe,Mwine Ujila wa Isalela, Umpandiji obe.
Napāna Edipito bu kinkūlwa kyobe,Efiopya ne Seba pa kyobe kyaba.
4 Mwanda waikele mulēme ku meso ami,+Walēmekelwe, kadi nakusanswa.+
O mwanda nkapāna bantu pa kyobe kyabaNe mizo nayo pa kyaba kya būmi bobe.*
5 Kokikwatwa moyo, mwanda ngidi nobe.+
Nkasela lutundu* lobe kutundukaKadi nkakubungila pamo kushika.+
6 Nkanena kungala’mba, ‘Wibaleke!’+
Kunshi nako amba, ‘Kokebakwata.
Leta bami bana bana-balume badi kulampe, ne bami bana bana-bakaji badi ku mafulo a ntanda,+
7 Yewa ense wityilwa pa dyami dijina,+Yewa onapangile pa mwanda wa ntumbo yami,Onapungile kadi onalongele.’+
8 Tambija bantu bampofu, nansha byobadi na meso,Ne ba bitwi, nansha byobadi na matwi.+
9 Mizo yonso ibungile mu kifuko kimo,Kadi bantu bakongakanibwe pamo.+
Le i ani mu bukata mwabo ubwanya kusapula kino’ki?
Nansha le babwanya kwitwivwanija bintu bibajinji?*+
Balete batumoni babo mwanda wa kwibingija,Bevwane, ebiya banene amba, ‘I bya bine!’”+
10 “Banwe mwi bami batumoni,”+ i Yehova unena,“Bine, mwingidi wami onatonga,+Amba mundyuke ne kungitabija*Ne kwivwanija’mba ami ne Aye enka.+
Kekudipo Leza walongelwe kumeso kwami,Kadi kupwa ami kekudipo nansha umo.+
11 Ami—Amiwa ne Yehova,+ i kutupu umpandiji poso’nka ami.”+
12 “Amiwa ye Aye wasapwile ne kupandija ne kuyukanyaPokekwadipo leza ungi mu bukata mwenu.+
Nanshi mwi bami batumoni,” i Yehova unena, “kadi ami ne Leza.+
13 Ne kadi, ami ne Aye enka mafuku onso;+I kutupu muntu ubwanya kunsompola kintu mu kuboko kwami.+
Shi nalonga kintu, le i ani ubwanya kwikikankaja?”+
14 Yehova Mukūdi wenu,+ Mwine Ujila wa Isalela+ wanena namino amba:
“Pa mwanda wenu nkatumana ku Babiloni ne kutūkija mikabo yonso ya bibelo,+Kadi bene Kaladea, bakadila tusua mu byombo byabo.+
15 Amiwa ne Yehova, Mwine Ujila+ wenu, Umpangi wa Isalela,+ Mulopwe wenu.”+
16 E mwanenena Yehova,Mwine uloñanga dishinda pa dijibaNe kashinda’nka ne pa mema matomboke,+
17 Mwine utambija dikalo dya divita ne kabalwe,+Kibumbo kya divita pamo ne ba bulwi bakomokomo, namino amba:
“Bakalāla ne kulanguka mpika.+
Bakebabula, kwibabudidila pamo bwa lukamba lwa kinanu lutēma.”
18 “Kemwakavulukai bintu bya kala,Kadi kemwakalangalangai bya pa kala.
19 Talai! Noñanga kintu kipya;+Ne pano kibamweka.
Le kemwikijingulwilepo?
Nkalonga dishinda mu ntanda mutuputupu+Ne minonga mu ntanda mudi zolē.+
20 Nyema wa ntanda ukandēmeka,Mizeu ne makolongo,Mwanda naleta mema mu ntanda mutuputupu,Ne minonga mu ntanda mudi zolē,+A kutoma bantu bami, mutongwe wami,+
21 Bantu bonelongēle ami mwineAmba basapule mitendelo yami.+
22 Ino kwaungityilepo, abe Yakoba,+Mwanda waunkōkele bininge, abe Isalela.+
23 Kundetēlepo mikōko ya byamulambu byobe bisōkwe bituntuluNansha kuntumbija na bitapwa byobe.
Nkikuningilepo undetele kyabuntu,Nansha kukupuñanya na kukulomba ensense itōka.+
24 Kwaumpotēlepo kanele kanunka biya* na lobe lupeto,Kadi kwaungikwishepo+ māni a bitapwa byobe.
Ino ubauntwika bubi bobeKadi ubampungija na bilubo byobe.+
25 Amiwa, ami ne Yewa ubulanga kujilula kobe*+ pa mwanda wami,+Kadi nkikavulukapo bubi bobe.+
26 Mvuluje; tusambe mambo etu;Nena mwanda obe ulombole shi wi mubinge.
27 Mukulutuba obe mubajinji wapile mambo,Kadi ba kukunenena* nabo abauntombokela.+
28 O mwanda nkakobakanya bamfumu ba kifuko kijila,Kadi nkapāna Yakoba ku bonakaniIsalela nandi ke kintu kya kutukwa mutonko.+
Kunshi kwa Dyani
^ Nansha’mba “muya obe.”
^ Kishima pa kishima i, “lukunwa.”
^ Pakwabo kifunkila pa bintu bibajinji bikāya kumeso.
^ Nansha’mba “ne kunkulupila.”
^ Dibungu dinunka biyampe.
^ Nansha’mba “bilongwa byobe bya butomboki.”
^ Pakwabo kifunkila pa bafundiji ba Bijila.
