Isaya 42:1-25
42 Talai! Mwingidi wami,+ mwine onkwasha!
Mutongwe wami,+ ondoelelwe!*+
Natūla mushipiditu wami mwadi;+Aye ukatyibila mizo mambo.+
2 Kakelapo lubila nansha kutulula diwi dyandi,Kadi kakalekapo diwi dyandi divwanikwe mu kipito.+
3 I kutupu dibungu difyotoke dyakatyumuna,Nansha lukamba lwa kinanu lufituka mwishi lwakabula.+
Ukatyiba mambo na bubinebine.+
4 Kakabumbudimapo nansha kuvingakanibwa kufika ne byatūla boloke pa ntanda;+Kadi bisanga bikungile’nka kukungila kijila kyandi.*
5 Leza wa bine, Yehova,Umpangi wa madiulu kadi Mukatampe Mwine wiatamwine,+Mwine utandabwile ntanda ne bipa byayo,+Mwine upanga bantu badi’po umpuya+Ne boba bananga’po mushipiditu, wanena namino amba:+
6 “Ami Yehova, nakwite mu boloke;Nakwata kuboko kobe.
Nkakulama ne kukupāna bu kipwano kya bantu+Ne bu kitōkeji kya mizo,+
7 Amba upūtule meso a bampofu,+Ne kutambija mukutwe mu kifungoNe kutambija mu kifungo boba bashikete mu fukutu.+
8 Ami ne Yehova. Dyo dyami dijina;Nkipengapo muntu mukwabo ntumbo yami,*Nansha bankishi basōnge mitendelo yami.+
9 Talai, bintu bibajinji bibapite;Pano nsapulanga bintu bipya.
Kumeso kwa kumweka’byo, nemulombola’byo.”+
10 Imbilai Yehova lwimbo lupya,+Mitendelo yandi ku mafulo a ntanda,+Banwe batūkila ku dijiba ne byonso biyudile’mo,Byanwe bisanga ne bekadi babyo.+
11 Mu ntanda mutuputupu ne bibundi byamo bitulule diwi dyabyo,+Bīkalo bikele’mo Kedala.+
Bekadi ba mu kidibwe bele nsadi ya tusepo;Bele lubila ku nsongo ya ngulu.
12 Bape Yehova ntumboNe kusapula mitendelo yandi mu bisanga.+
13 Yehova ukatamba pamo bwa muntu mukomokomo.+
Ukalangula bupyasakane bwandi pamo bwa muntu wa bulwi.+
Ukela lwanji, bine, ukela lubila lwa divita;Ukelombola bu mukomokomo kupita balwana nandi.+
14 “Naube talala kitatyi kilampe.
Naikele talala ne kwīfula.
Pamo bwa mwana-mukaji ubutula,Nkabinza, nkesakana ne kutwima pamo.
15 Nkasala ngulu ne mikunaNe kūmija munamuna yayo yonso.
Nkalamuna minonga ke bisanga*Ne kūmija bijiba bya mabungu.+
16 Nkendeja bampofu mu dishinda dyokebayukilepo,+Nkebalengeja bende mu tushinda ketuyukenepo.+
Nkalamuna fukutu ke kitōkeji ku meso abo+Kadi nkalamuna nshi ya binkulunkulu ke mutantanshi.+
Bino’bi e byonkebalongela, kadi nkikebelapo.”
17 Bakajoka ne kufwijibwa bumvu bya binebine,Boba bakulupile bankishi basōnge,Boba banena bankishi ba byuma* amba: “Banwe mwi baleza betu.”+
18 Tejai, banwe ba bitwi;Talai mumone, banwe bampofu.+
19 Le i ani mpofu, shi ke mwingidi wamipo,Nansha wa kitwi pamo bwa mukendi ontumine?
Le i ani mpofu pamo bwa yewa mupadibwe mpalo,Nansha mpofu pamo bwa mwingidi wa Yehova?+
20 Abe umonanga bintu bivule, ino kubandila’byo mpika.
Ushitulanga matwi obe, ino kwivwana mpika.+
21 Pa mwanda wa boloke bwandi,Yehova wasangela kutumbija kijila* ne kwikyalamuna ke kya ntumbo.
22 Ino bano i bantu batūtwe ne kuselwa;+Abo bonso i bakwatwe mu bīna kadi bafyeme mu bifungo.+
I batūtwe, kekudipo nansha umo wa kwibakūla,+I baselwe, kekudipo nansha umo wa kunena’mba: “Mwibajokejei!”
23 Le i ani momudi ukevwana kino?
Le i ani ukata mutyima ne kuteja mu kitatyi kīya’ko?
24 Le i ani waseleja YakobaNe kutūtyija Isalela?
Mwene i Yehova, Mwine otwapile mambo?
Bapelele kunangila mu mashinda andi,Kadi kebakōkelepo kijila kyandi.*+
25 O mwanda wadi’nka umupungulwila bukalabale,Bulobo bwandi ne bukalabale bwa divita.+
Bwaloteje kintu kyonso kimujokolokele, ino aye kuta’ko mutyima mpika.+
Bwamwakīle, ino aye kalamine’kyopo ku mutyima.+
Kunshi kwa Dyani
^ Nansha’mba “muya wami umuloelelwe!”
^ Nansha’mba “bulombodi bwandi.”
^ Nansha’mba “Nkiabilangapo ntumbo yami na muntu mukwabo.”
^ Nansha’mba “ntanda ya kwijiba.”
^ Nansha’mba “bankishi basungululwe.”
^ Nansha’mba “bulombodi.”
^ Nansha’mba “bulombodi bwandi.”
