Isaya 11:1-16
11 Kamusambo+ kakashipuka ku kitako kya Yese,+Kadi mutombo+ wa ku miji yandi ukapa bipa.
2 Mushipiditu wa Yehova ukekala pādi,+Mushipiditu wa tunangu+ ne wa ñeni,Mushipiditu wa madingi ne wa bukomokomo,+Mushipiditu wa buyuki ne wa kutyina Yehova.
3 Kadi ukaloelelwa kutyina Yehova.+
Kakatyibepo mambo mwendele byobya bimweka ku meso andi,Nansha kudingila’tu mungya byobya bivwana matwi andi.+
4 Ukatyibila bapēlulwe mambo na boloke,*Kadi ukadingila na boloke pa mwanda wa betyepeje ba pano pa ntanda.
Ukakupila ntanda na lusonde lwa kyakanwa kyandi+Ne kwipaya babi na umpuya* wa milomo yandi.+
5 Boloke bukekala mukaba mu kifuka kyandi,Bubinebine nabo mukaba wa mu kifuka kyandi.+
6 Mpumpi ukekala mu kitatyi kampanda na kana ka mukōko,+Kana ka mbuji kakalāla pamo na ngé,Kyana kya ñombe ne ntambo* ne nyema munune bakekala bonso pamo;*+Kadi mwana mutyetye ukebendejanga.
7 Ñombe ne uluse bakadya pamo,Kadi babo bana bakalāla pamo.
Ntambo ukadya biyombo pamo bwa ñombe mulume.+
8 Mwana wamwa ukakaila pa mutá wa ntambwa-ntanda,*Mwana muleke mabele nandi ukatūla kuboko kwandi pa kīna kya nyoka wa bulembe.
9 Kebakasanshijapo nansha dimo+Nansha konakanya mu lūlu lwami lonso lujila,+Mwanda ntanda ikayula buyuki bwa Yehova bya binebinePamo bwa mema apūta dijiba.+
10 Mu dyodya difuku muji wa Yese+ ukemana pamo bwa kiyukeno* ku bantu.+
Mizo ikakimba buludiki kwadi,*+Kadi kifuko kyandi kya kukōkolokwa kikekala kya ntumbo.
11 Mu dyodya difuku Yehova ukōlola monka kuboko kwandi, musunsa wa bubidi, mwanda wa kulomba bashele’ko ba bantu bandi bashele ku Ashidia,+ ku Edipito,+ ku Patalose,+ ku Kusha,+ ku Elama,+ ku Shinadi,* ku Hamata, ne ku bisanga bya dijiba.+
12 Ukashimikila mizo kiyukeno* ne kukongakanya bantu ba Isalela+ bapalakene, kadi ukakongakanya pamo bantu ba Yuda bakusankene ku mafinko aná a ntanda.+
13 Mukao wa Efelaimi ukapwa,+Kadi boba bashikilwe Yuda bakepaibwa.
Efelaimi kakakwatyilwapo Yuda mukao,Yuda nandi kakashikwepo Efelaimi.+
14 Kadi bakatūkila pa matēlo* a bene Fidishitia kushika;Abo bonso pamo bakatūta bantu ba Kutunduka.
Bakōlola kuboko kwabo padi* Edoma+ ne Moabu,+Bene Amone nabo bakekala ke babikalwa babo.+
15 Yehova ukakalañanya* mfyonko* ya dijiba dya Edipito+Ne kubeleñenya kuboko kwandi pa Munonga.*+
Ukeukupila mu tuminonga twayo* tusamba-tubidi na umpuya* wandi wa kyanga,Kadi ukalengeja bantu babuke’mo na bikwabilo byabo.
16 Kadi kukekala dishinda dikatampe+ ditamba ku Ashidia dya bashele’ko ba ku bantu bandi bashele,+Na mobyaikadile kudi Isalela mu difuku dyawatambile mu ntanda ya Edipito.
Kunshi kwa Dyani
^ Nansha’mba “mushipiditu.”
^ Nansha’mba “bululame.”
^ Nansha’mba “ntambo mwana wa manyenze.”
^ Bibwanika padi i, “Kyana kya ñombe ne ntambo bakadya pamo.”
^ Nansha’mba “ñando.”
^ Nansha’mba “Mizo ikamukimba.”
^ Nansha’mba “mutyi wa kiyukeno.”
^ Ko kunena’mba, Babiloni.
^ Nansha’mba “mutyi wa kiyukeno.”
^ Kishima pa kishima i, “kipuji.”
^ Nansha’mba “Bakatandabula lupusa lwabo pa.”
^ Bibwanika padi i, “ukomija.”
^ Kishima pa kishima i, “ludimi.”
^ Ko kunena’mba, Ufalete.
^ Bibwanika padi i, “Ukewabanya mu.”
^ Nansha’mba “mushipiditu.”
