ບົດທີ 01
ຄຳພີໄບເບິນຈະຊ່ວຍເຈົ້າໄດ້ແນວໃດ?
ເຮົາທຸກຄົນຢາກຮູ້ຫຼາຍຂຶ້ນໃນເລື່ອງຊີວິດ ຄວາມທຸກ ຄວາມຕາຍ ແລະອະນາຄົດ. ເຮົາຍັງກັງວົນກັບບັນຫາໃນແຕ່ລະມື້ນຳເຊັ່ນ ເຮັດແນວໃດຈຶ່ງຈະມີເງິນພໍໃຊ້ຫຼືເຮັດແນວໃດຄອບຄົວຈຶ່ງຈະມີຄວາມສຸກ. ຫຼາຍຄົນພົບວ່າຄຳພີໄບເບິນບໍ່ພຽງແຕ່ຊ່ວຍໃຫ້ເຂົາເຈົ້າໄດ້ຮັບຄຳຕອບຂອງຄຳຖາມທີ່ສຳຄັນໃນຊີວິດເທົ່ານັ້ນແຕ່ຍັງໃຫ້ຄຳແນະນຳທີ່ໃຊ້ໄດ້ແທ້ໃນຊີວິດແຕ່ລະມື້ນຳ. ເຈົ້າຄິດວ່າຄຳພີໄບເບິນຈະຊ່ວຍເຈົ້າແລະຄົນທີ່ເຈົ້າຮູ້ຈັກໄດ້ບໍ?
1. ຄຳພີໄບເບິນຕອບຄຳຖາມຫຍັງແດ່?
ຄຳພີໄບເບິນຕອບຄຳຖາມທີ່ສຳຄັນເຫຼົ່ານີ້ເຊັ່ນ: ສິ່ງມີຊີວິດເກີດຂຶ້ນມາໄດ້ແນວໃດ? ເຮົາເກີດມາເຮັດຫຍັງ? ເປັນຫຍັງຄົນດີຈຶ່ງເຈິຄວາມທຸກ? ຕາຍແລ້ວເປັນແນວໃດ? ເຮົາທຸກຄົນຢາກໃຫ້ມີຄວາມສະຫງົບສຸກ ແຕ່ເປັນຫຍັງຈຶ່ງມີສົງຄາມ? ໃນອະນາຄົດໂລກຈະເປັນແນວໃດ? ຄຳພີໄບເບິນກະຕຸ້ນເຮົາໃຫ້ຊອກຫາຄຳຕອບຂອງຄຳຖາມເຫຼົ່ານີ້ແລະຫຼາຍລ້ານຄົນກໍໄດ້ພົບຄຳຕອບທີ່ເຮັດໃຫ້ພໍໃຈຫຼາຍ.
2. ຄຳພີໄບເບິນຈະຊ່ວຍເຮົາໃຫ້ມີຊີວິດທີ່ມີຄວາມສຸກໃນແຕ່ລະມື້ໄດ້ແນວໃດ?
ຄຳພີໄບເບິນໃຫ້ຄຳແນະນຳທີ່ດີກັບເຮົາ. ຕົວຢ່າງເຊັ່ນ ຄຳພີໄບເບິນສອນວິທີທີ່ຄອບຄົວຈະມີຄວາມສຸກຫຼາຍຂຶ້ນ. ຄຳພີໄບເບິນແນະນຳວິທີຮັບມືກັບຄວາມເຄັ່ງຕຶງແລະວິທີທີ່ເຮົາຈະມີຄວາມສຸກກັບການເຮັດວຽກ. ເຮົາຈະມາລົມກັນວ່າຄຳພີໄບເບິນແນະນຳເຮົາແນວໃດໃນເລື່ອງເຫຼົ່ານີ້ແລະເລື່ອງອື່ນໆ. ເຈົ້າຈະເຫັນດີກັບຄຳເວົ້າທີ່ວ່າ: “ພະຄຳພີທຸກຕອນ [ທຸກສິ່ງໃນຄຳພີໄບເບິນ] . . . ມີປະໂຫຍດ.”—2 ຕີໂມທຽວ 3:16
ປຶ້ມນີ້ບໍ່ໄດ້ມາແທນຄຳພີໄບເບິນ. ແຕ່ປຶ້ມນີ້ກະຕຸ້ນເຈົ້າໃຫ້ກວດເບິ່ງຄຳພີໄບເບິນດ້ວຍໂຕເອງ. ດັ່ງນັ້ນ ເຮົາຂໍສະໜັບສະໜູນເຈົ້າໃຫ້ເປີດຄຳພີໄບເບິນອ່ານໄປນຳຕອນທີ່ຮຽນປຶ້ມນີ້.
ຮຽນຮູ້ຫຼາຍຂຶ້ນ
ມາເບິ່ງວ່າຄຳພີໄບເບິນໄດ້ຊ່ວຍຜູ້ຄົນແນວໃດ ເຈົ້າຈະມ່ວນກັບການອ່ານຄຳພີໄບເບິນໄດ້ແນວໃດ ແລະເປັນຫຍັງຈຶ່ງຕ້ອງມີຄົນຊ່ວຍອະທິບາຍເພື່ອຈະເຂົ້າໃຈຄຳພີໄບເບິນຫຼາຍຂຶ້ນ.
3. ຄຳພີໄບເບິນມີຄຳແນະນຳໃຫ້ເຮົາ
ຄຳພີໄບເບິນເປັນຄືກັບແສງໄຟແຍງທາງ ເຊິ່ງຊ່ວຍເຮົາໃຫ້ຮູ້ວິທີຕັດສິນໃຈຢ່າງສະຫຼາດແລະຮູ້ວ່າໃນອະນາຄົດຈະເປັນແນວໃດ.
ອ່ານຄຳເພງ 119:105 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ຜູ້ຂຽນຄຳເພງຂໍ້ນີ້ເບິ່ງຄຳພີໄບເບິນແນວໃດ?
-
ເຈົ້າເບິ່ງວ່າຄຳພີໄບເບິນເປັນປຶ້ມແນວໃດ?
4. ຄຳພີໄບເບິນຕອບຄຳຖາມຂອງເຮົາໄດ້
ຜູ້ຍິງຄົນໜຶ່ງໄດ້ຄຳຕອບຈາກຄຳພີໄບເບິນສຳລັບຄຳຖາມທີ່ລາວສົງໄສມາຫຼາຍປີ. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ໃນວິດີໂອ ຜູ້ຍິງຄົນນີ້ມີຄຳຖາມຫຍັງແດ່?
-
ການສຶກສາຄຳພີໄບເບິນໄດ້ຊ່ວຍລາວແນວໃດ?
ຄຳພີໄບເບິນບອກໃຫ້ເຮົາພະຍາຍາມຊອກຫາຄຳຕອບ. ອ່ານມັດທາຍ 7:7 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ມີຄຳຖາມຫຍັງແດ່ທີ່ເຈົ້າຢາກຮູ້ແຕ່ຍັງບໍ່ໄດ້ຄຳຕອບ?
5. ເຈົ້າຈະມ່ວນກັບການອ່ານຄຳພີໄບເບິນ
ຫຼາຍຄົນມ່ວນກັບການອ່ານຄຳພີໄບເບິນແລະກໍໄດ້ຮັບປະໂຫຍດນຳ. ເປີດວິດີໂອ ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ໃນວິດີໂອ ໄວລຸ້ນຮູ້ສຶກແນວໃດກັບການອ່ານ?
-
ເຖິງວ່າບໍ່ມັກອ່ານແຕ່ເປັນຫຍັງເຂົາເຈົ້າມັກອ່ານຄຳພີໄບເບິນ?
ຄຳພີໄບເບິນໃຫ້ຄຳແນະນຳທີ່ໃຫ້ກຳລັງໃຈແລະຄວາມຫວັງກັບເຮົາ. ອ່ານໂຣມ 15:4 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ເຈົ້າຢາກຮູ້ຄຳສັນຍາທີ່ໃຫ້ກຳລັງໃຈແລະຄວາມຫວັງໃນຄຳພີໄບເບິນຫຼາຍຂຶ້ນບໍ?
6. ຖ້າມີຄົນຊ່ວຍອະທິບາຍເຈົ້າກໍຈະເຂົ້າໃຈຄຳພີໄບເບິນໄດ້ຫຼາຍຂຶ້ນ
ນອກຈາກການອ່ານຄຳພີໄບເບິນດ້ວຍໂຕເອງແລ້ວ ການມີຄົນຊ່ວຍອະທິບາຍກໍເຮັດໃຫ້ເຂົາເຈົ້າເຂົ້າໃຈຫຼາຍຂຶ້ນ. ອ່ານກິດຈະການ 8:26-31 ແລ້ວລົມກັນກ່ຽວກັບຄຳຖາມຕໍ່ໄປນີ້:
-
ເຮົາຈະເຂົ້າໃຈຄຳພີໄບເບິນໄດ້ແນວໃດ?—ເບິ່ງຂໍ້ 30 ແລະ 31
ບາງຄົນເວົ້າວ່າ: “ຮຽນຄຳພີໄບເບິນໄປເຮັດຫຍັງເສຍເວລາລ້າໆ.”
-
ເຈົ້າຈະວ່າແນວໃດ? ເປັນຫຍັງຈຶ່ງວ່າແນວນັ້ນ?
ສະຫຼຸບ
ຄຳພີໄບເບິນມີຄຳແນະນຳທີ່ໃຊ້ໄດ້ແທ້ສຳລັບການໃຊ້ຊີວິດໃນແຕ່ລະມື້ ຕອບຄຳຖາມທີ່ສຳຄັນ ໃຫ້ກຳລັງໃຈແລະຄວາມຫວັງກັບຜູ້ຄົນ.
ຄຳຖາມທົບທວນ
-
ຄຳພີໄບເບິນມີຄຳແນະນຳເລື່ອງຫຍັງແດ່?
-
ຄຳພີໄບເບິນຕອບຄຳຖາມຫຍັງແດ່?
-
ເຈົ້າຢາກຮູ້ເລື່ອງຫຍັງຈາກຄຳພີໄບເບິນ?
ເບິ່ງເພີ່ມເຕີມ
ເບິ່ງວ່າຄຳແນະນຳໃນຄຳພີໄບເບິນຍັງໃຊ້ໄດ້ແທ້ແນວໃດໃນທຸກມື້ນີ້.
“ຄຳສອນໃນຄຳພີໄບເບິນ—ຄວາມຮູ້ທີ່ບໍ່ເຄີຍຫຼ້າສະໄໝ” (ຫໍສັງເກດການ ສະບັບທີ 1, 2018)
ເບິ່ງວ່າຄຳພີໄບເບິນຊ່ວຍຄົນທີ່ເຄີຍຂາດຄວາມໝັ້ນໃຈແລະຮູ້ສຶກວ່າໂຕເອງບໍ່ມີຄ່າຕັ້ງແຕ່ຍັງນ້ອຍແນວໃດ.
ເບິ່ງຄຳແນະນຳທີ່ໃຊ້ໄດ້ແທ້ຈາກຄຳພີໄບເບິນສຳລັບຄອບຄົວ.
“12 ເຄັດລັບທີ່ເຮັດໃຫ້ຄອບຄົວມີຄວາມສຸກ” (ຕື່ນເຖີດ! ສະບັບທີ 2, 2018. ບໍ່ມີໃນພາສາລາວ)
ຄຳພີໄບເບິນຊ່ວຍໃຫ້ຮູ້ຄວາມຈິງວ່າໃຜແມ່ນຜູ້ປົກຄອງໂລກ.