ສຸພາສິດ 8:1-36
8 ສະຕິປັນຍາກຳລັງເອີ້ນຢູ່.
ຄວາມເຂົ້າໃຈກຳລັງຮ້ອງສຽງດັງ.+
2 ເຈົ້າຈະໄດ້ຍິນສຽງຂອງສະຕິປັນຍາຈາກໂນນພູ+ຕາມຫົນທາງແລະຢູ່ຕາມທາງແຍກ.
3 ຢູ່ທາງຂ້າງປະຕູເມືອງແລະຢູ່ທາງເຂົ້າເມືອງສະຕິປັນຍາຮ້ອງສຽງດັງບໍ່ຢຸດບໍ່ເຊົາວ່າ:+
4 “ປະຊາຊົນເອີ້ຍ ຂ້ອຍກຳລັງເອີ້ນພວກເຈົ້າ.ຂ້ອຍກຳລັງຮ້ອງພວກເຈົ້າທຸກຄົນ.
5 ພວກຄົນທີ່ຂາດປະສົບການເອີ້ຍ ໃຫ້ຮຽນຮູ້ທີ່ຈະຄິດຢ່າງຮອບຄອບ.+ພວກເຈົ້າທີ່ເປັນຄົນໂງ່ເອີ້ຍ ໃຫ້ພະຍາຍາມເພື່ອຈະໄດ້ຄວາມເຂົ້າໃຈ.*
6 ໃຫ້ຟັງເດີ້ ຍ້ອນສິ່ງທີ່ຂ້ອຍເວົ້າສຳຄັນຫຼາຍ.ຂ້ອຍເວົ້າແຕ່ສິ່ງທີ່ຖືກຕ້ອງ.
7 ຂ້ອຍເວົ້າຄວາມຈິງກັບຄົນອື່ນດ້ວຍນ້ຳສຽງທີ່ມ່ວນໆ.ປາກຂອງຂ້ອຍຊັງຄຳເວົ້າຫຼອກລວງ.
8 ທຸກສິ່ງທີ່ຂ້ອຍເວົ້າເປັນສິ່ງທີ່ຖືກຕ້ອງ.
ບໍ່ມີສິ່ງໃດບິດເບືອນຫຼືເຮັດໃຫ້ຫຼົງຜິດເລີຍ.
9 ຄຳເວົ້າຂອງຂ້ອຍຈະແຈ້ງສຳລັບຄົນທີ່ມີຄວາມເຂົ້າໃຈແລະຖືກຕ້ອງສຳລັບຄົນທີ່ມີຄວາມຮູ້.
10 ໃຫ້ເລືອກເອົາການສັ່ງສອນຂອງຂ້ອຍແທນທີ່ຈະເລືອກເອົາເງິນແລະເລືອກເອົາຄວາມຮູ້ແທນທີ່ຈະເລືອກເອົາຄຳທີ່ດີທີ່ສຸດ+
11 ຍ້ອນສະຕິປັນຍາດີກວ່າປະກາລັງ*ແລະສິ່ງອື່ນໆທັງໝົດທີ່ຄົນຢາກໄດ້ກໍທຽບກັບສະຕິປັນຍາບໍ່ໄດ້ເລີຍ.
12 ຂ້ອຍແມ່ນສະຕິປັນຍາແລະຂ້ອຍຢູ່ກັບຄວາມຮອບຄອບ.ຂ້ອຍມີຄວາມຮູ້ແລະມີຄວາມສາມາດໃນການຄິດ.+
13 ການຢ້ານຢຳພະເຢໂຫວາໝາຍເຖິງການຊັງສິ່ງຊົ່ວ.+
ຂ້ອຍຊັງການຍົກຍ້ອງໂຕເອງ ຄວາມຍິ່ງ+ ການເຮັດຊົ່ວ ແລະການເວົ້າຕົວະ.+
14 ຂ້ອຍມີຄຳແນະນຳທີ່ດີແລະສະຕິປັນຍາທີ່ໃຊ້ໄດ້ແທ້.+ຄວາມເຂົ້າໃຈ+ແລະອຳນາດ+ກໍເປັນຂອງຂ້ອຍ.
15 ພວກກະສັດທີ່ໄດ້ຮັບຄວາມຊ່ວຍເຫຼືອຈາກຂ້ອຍກໍປົກຄອງໄດ້ຍາວນານແລະພວກເຈົ້າໜ້າທີ່ລະດັບສູງກໍອອກກົດໝາຍທີ່ຍຸຕິທຳ.+
16 ພວກເຈົ້ານາຍທີ່ໄດ້ຮັບຄວາມຊ່ວຍເຫຼືອຈາກຂ້ອຍກໍປົກຄອງໄດ້ດົນແລະພວກເຈົ້າເມືອງກໍຕັດສິນຢ່າງຍຸຕິທຳ.
17 ຂ້ອຍຮັກຄົນທີ່ຮັກຂ້ອຍແລະຄົນທີ່ຊອກຫາຂ້ອຍກໍຈະພົບຂ້ອຍ.+
18 ຄວາມລ່ຳລວຍແລະກຽດຕິຍົດກໍຢູ່ກັບຂ້ອຍ.ຄວາມຮັ່ງມີທີ່ໝັ້ນຄົງ*ແລະຄວາມຍຸຕິທຳກໍຢູ່ກັບຂ້ອຍຄືກັນ.
19 ສິ່ງທີ່ຂ້ອຍເອົາໃຫ້ດີກວ່າຄຳທີ່ດີທີ່ສຸດແລະສິ່ງທີ່ເຈົ້າໄດ້ຈາກຂ້ອຍກໍດີກວ່າເງິນທີ່ດີທີ່ສຸດ.+
20 ຂ້ອຍຍ່າງຢູ່ໃນທາງທີ່ຖືກຕ້ອງ.ຂ້ອຍຍ່າງຢູ່ກາງຫົນທາງຂອງຄວາມຍຸຕິທຳ.
21 ຂ້ອຍໃຫ້ມໍລະດົກທີ່ມີຄ່າຫຼາຍກັບຄົນທີ່ຮັກຂ້ອຍແລະຂ້ອຍເຮັດໃຫ້ສາງຂອງເຂົາເຈົ້າເຕັມ.
22 ຂ້ອຍເປັນຜູ້ທຳອິດທີ່ພະເຢໂຫວາສ້າງ.+ຂ້ອຍເປັນຜົນງານທຳອິດຂອງເພິ່ນຕັ້ງແຕ່ດົນນານມາແລ້ວ.+
23 ຕັ້ງແຕ່ບູຮານເພິ່ນໃຫ້ຕຳແໜ່ງທີ່ມີກຽດກັບຂ້ອຍ+ຕັ້ງແຕ່ຕອນເລີ່ມຕົ້ນ ກ່ອນຈະມີໂລກນີ້.+
24 ຂ້ອຍເກີດມາຕັ້ງແຕ່ຕອນທີ່ຍັງບໍ່ມີນ້ຳເລິກ+ຕັ້ງແຕ່ຕອນທີ່ຍັງບໍ່ມີນ້ຳພຸ.
25 ຂ້ອຍເກີດມາກ່ອນໂນນພູຕ່າງໆທັງໝົດກ່ອນທີ່ພູຕ່າງໆຈະຖືກຕັ້ງໃນບ່ອນຂອງພວກມັນ
26 ກ່ອນທີ່ພະເຈົ້າຈະສ້າງແຜ່ນດິນແລະທົ່ງພຽງແລະກ່ອນທີ່ເພິ່ນຈະສ້າງຂີ້ດິນເມັດທຳອິດ.
27 ຂ້ອຍຢູ່ກັບເພິ່ນຕອນທີ່ເພິ່ນສ້າງ*ສະຫວັນ+ຕອນທີ່ເພິ່ນກຳນົດເສັ້ນຂອບຟ້າ*ເທິງໜ້ານ້ຳ+
28 ຕອນທີ່ເພິ່ນສ້າງ*ຂີ້ເຝື້ອເທິງຟ້າຕອນທີ່ເພິ່ນສ້າງນ້ຳອອກບໍ່ຢູ່ບ່ອນເລິກໆ
29 ຕອນທີ່ເພິ່ນກັ້ນຂອບເຂດໃຫ້ທະເລແລະສັ່ງຄື້ນນ້ຳບໍ່ໃຫ້ໄປກາຍບ່ອນທີ່ເພິ່ນກຳນົດໄວ້+ຕອນທີ່ເພິ່ນວາງຮາກຖານຂອງໂລກ
30 ຕອນນັ້ນຂ້ອຍຢູ່ຂ້າງໆເພິ່ນແລະເປັນນາຍຊ່າງຂອງເພິ່ນ.+
ຂ້ອຍເຮັດໃຫ້ເພິ່ນມີຄວາມສຸກ+ທຸກໆມື້.ຂ້ອຍມີຄວາມສຸກຕະຫຼອດເວລາທີ່ໄດ້ຢູ່ນຳເພິ່ນ.+
31 ຂ້ອຍດີໃຈຫຼາຍທີ່ເພິ່ນກຽມໂລກໃຫ້ຄົນຢູ່ແລະຂ້ອຍຮັກມະນຸດຫຼາຍ.
32 ລູກເອີ້ຍ ຕອນນີ້ໃຫ້ຟັງຂ້ອຍເດີ້.ຄົນທີ່ເຮັດຕາມສິ່ງທີ່ຂ້ອຍເວົ້າຈະມີຄວາມສຸກ.
33 ໃຫ້ຟັງການສັ່ງສອນ+ແລະເປັນຄົນສະຫຼາດຂຶ້ນແລະຢ່າປະຖິ້ມມັນເດັດຂາດ.
34 ຄົນທີ່ມາເຮືອນຂອງຂ້ອຍແຕ່ເຊົ້າໆທຸກມື້ແລະມາຖ້າຢູ່ປະຕູຂອງຂ້ອຍເພື່ອຈະຟັງຂ້ອຍກໍມີຄວາມສຸກ.
35 ຄົນທີ່ຊອກຫາຂ້ອຍຈະໄດ້ຊີວິດ+ແລະພະເຢໂຫວາຈະພໍໃຈລາວ
36 ແຕ່ຄົນທີ່ບໍ່ສົນໃຈຂ້ອຍກໍທຳຮ້າຍໂຕເອງແລະຄົນທີ່ຊັງຂ້ອຍກໍເອົາຄວາມຕາຍມາໃຫ້ໂຕເອງ.”+
ຂໍ
^ ຫຼື “ຫົວໃຈທີ່ເຂົ້າໃຈ”
^ ເບິ່ງສ່ວນອະທິບາຍຄຳສັບ
^ ຫຼື “ສິ່ງທີ່ຕົກທອດມາຈາກປູ່ຍ່າຕານາຍ”
^ ແປຕາມໂຕວ່າ “ວົງມົນ”
^ ຫຼື “ຕັ້ງ”
^ ແປຕາມໂຕວ່າ “ເຮັດໃຫ້ແຂງແຮງ”
