ສຸພາສິດ 20:1-30
20 ຄົນທີ່ກິນເຫຼົ້າແວງຫຼາຍກາຍເປັນຄົນທີ່ມັກເຍາະເຍີ້ຍ+ແລະຄົນທີ່ກິນເຫຼົ້າຫຼາຍກາຍເປັນຄົນທີ່ຄວບຄຸມໂຕເອງບໍ່ໄດ້.+ຄົນທີ່ເຮັດຜິດຍ້ອນເມົາເຫຼົ້າກໍເປັນຄົນບໍ່ສະຫຼາດ.+
2 ກະສັດເຮັດໃຫ້ຄົນຢ້ານຫຼາຍຄືກັບໂຕສິງທີ່ກຳລັງແຜດສຽງຮ້ອງ.+ຄົນທີ່ໄປຍົວະໃຫ້ລາວໃຈຮ້າຍກໍເຮັດໃຫ້ໂຕເອງສ່ຽງຊີວິດ.+
3 ຄົນທີ່ຫ້າມໂຕເອງໄວ້ບໍ່ໃຫ້ໄປຜິດຖຽງກັບຄົນອື່ນກໍເປັນຄົນທີ່ໜ້ານັບຖື+ແຕ່ຄົນໂງ່ທຸກຄົນມັກໄປຜິດຖຽງກັບຄົນອື່ນ.+
4 ຄົນຂີ້ຄ້ານບໍ່ຍອມໄຖນາໃນລະດູໜາວ.ລາວຈຶ່ງຕ້ອງໄປຂໍຄົນອື່ນກິນໃນລະດູເກັບກ່ຽວຕອນທີ່ລາວບໍ່ມີຫຍັງ.*+
5 ຄວາມຄິດ*ໃນໃຈຂອງຄົນເປັນຄືກັບນ້ຳເລິກແຕ່ຄົນທີ່ມີຄວາມເຂົ້າໃຈຈະຕັກຂຶ້ນມາໄດ້.
6 ຫຼາຍຄົນບອກວ່າໂຕເອງມີຄວາມຮັກທີ່ໝັ້ນຄົງແຕ່ມັນຍາກທີ່ຈະຊອກຫາຄົນທີ່ສະແດງຄວາມຮັກແບບນັ້ນແທ້ໆ.
7 ຄົນທີ່ເຮັດສິ່ງທີ່ຖືກຕ້ອງຈະໃຊ້ຊີວິດຢ່າງສັດຊື່.+
ລູກຫຼານ*ຂອງລາວຈະມີຄວາມສຸກ.+
8 ເມື່ອກະສັດນັ່ງເທິງບັນລັງເພື່ອຕັດສິນຄະດີ+ລາວໃຊ້ຕາຂອງລາວເພື່ອໄຈ້ແຍກ*ສິ່ງຊົ່ວຮ້າຍທັງໝົດອອກໄປ.+
9 ໃຜຈະເວົ້າໄດ້ວ່າ: “ຂ້ອຍເຮັດໃຫ້ຫົວໃຈຂອງຂ້ອຍສະອາດແລ້ວ.+ຂ້ອຍບໍລິສຸດແລະບໍ່ມີບາບແລ້ວ”?+
10 ພະເຢໂຫວາຂີ້ດຽດຕາຊິງແລະຕຸ້ມນ້ຳໜັກທີ່ບໍ່ທ່ຽງ.*+
11 ການກະທຳຂອງເດັກນ້ອຍ*ເຮັດໃຫ້ຄົນອື່ນຮູ້ໄດ້ວ່າລາວເປັນຄົນທີ່ບໍລິສຸດແລະສັດຊື່ຫຼືບໍ່.+
12 ຫູທີ່ໄດ້ຍິນແລະຕາທີ່ເບິ່ງເຫັນພະເຢໂຫວາເປັນຜູ້ສ້າງທັງສອງຢ່າງນີ້.+
13 ຢ່າຊູ່ມັກນອນຫຼາຍ ຄັນບໍ່ຊັ້ນເຈົ້າຈະກາຍເປັນຄົນທຸກ.+
ໃຫ້ມືນຕາແລະລຸກຂຶ້ນມາ ເຈົ້າຈະໄດ້ມີອາຫານກິນຈົນໜຳໃຈ.+
14 ຄົນຊື້ມັກເວົ້າວ່າ: “ມັນບໍ່ດີຈັ່ງຊັ້ນ ມັນບໍ່ດີຈັ່ງຊີ້!”ຫຼັງຈາກຊື້ແລ້ວ ລາວກໍໄປເວົ້າອວດຄົນອື່ນວ່າໂຕເອງໄດ້ມາໃນລາຄາຖືກ.+
15 ຄຳກໍມີຫຼາຍແລະປະກາລັງ*ກໍມີຫຼາຍແຕ່ຄຳເວົ້າທີ່ສະຫຼາດກໍມີຄ່າຫຼາຍກວ່າສິ່ງເຫຼົ່ານັ້ນອີກ.+
16 ຖ້າຜູ້ໃດໄປຄ້ຳປະກັນໃຫ້ຄົນແປກໜ້າກໍໃຫ້ຍຶດເອົາເຄື່ອງນຸ່ງຂອງລາວໄປ.+ຖ້າຜູ້ໃດໄປຄ້ຳປະກັນໃຫ້ຜູ້ຍິງຕ່າງຊາດ*ກໍໃຫ້ຍຶດເອົາເຄື່ອງຂອງຂອງລາວໄປ.+
17 ເຂົ້າຈີ່ທີ່ລັກມາກໍມີລົດຊາດແຊບແຕ່ຫຼັງຈາກນັ້ນປາກຂອງຄົນທີ່ກິນກໍຈະເຕັມແຕ່ຂີ້ຫີນ.+
18 ຖ້າມີການປຶກສາກັນ* ແຜນການກໍຈະສຳເລັດ*+ແລະຖ້າມີຄຳແນະນຳຈາກຄົນທີ່ເກັ່ງໆ*ກໍຈະຊະນະສົງຄາມ.+
19 ຄົນທີ່ມັກໃສ່ຮ້າຍມັກເລາະໄປແພ່ຄວາມລັບ.+ຢ່າໄປຄົບກັບຄົນທີ່ມັກເວົ້າຂວັນຄົນອື່ນ.
20 ຖ້າໃຜສາບແຊ່ງພໍ່ແມ່ຂອງໂຕເອງເມື່ອຄວາມມືດມາ ຕະກຽງຂອງລາວກໍຈະຖືກມອດ.+
21 ຖ້າຜູ້ໃດໄດ້ມູນມໍລະດົກມາດ້ວຍວິທີທີ່ບໍ່ຖືກຕ້ອງໃນທີ່ສຸດລາວກໍຈະບໍ່ໄດ້ຮັບພອນ.+
22 ຢ່າເວົ້າວ່າ: “ຂ້ອຍຈະແກ້ແຄ້ນລາວ”+
ແຕ່ໃຫ້ລໍຖ້າພະເຢໂຫວາ+ແລະເພິ່ນຈະຊ່ວຍເຈົ້າ.+
23 ພະເຢໂຫວາຂີ້ດຽດຕຸ້ມນ້ຳໜັກທີ່ບໍ່ທ່ຽງແລະການໃຊ້ຕາຊິງທີ່ຂີ້ໂກງກໍເປັນເລື່ອງທີ່ຜິດ.
24 ພະເຢໂຫວາຊີ້ນຳບາດກ້າວຂອງມະນຸດ+ຍ້ອນມະນຸດບໍ່ຮູ້ຈັກທາງທີ່ຈະໄປ.*
25 ຖ້າຜູ້ໃດຟ້າວສັນຍາກັບພະເຈົ້າ+
ແລ້ວຫຼັງຈາກນັ້ນຈຶ່ງມາຄິດຄັກໆກ່ຽວກັບຄຳສັນຍານັ້ນ ລາວກໍຈະຕົກຢູ່ໃນອັນຕະລາຍ.+
26 ກະສັດທີ່ສະຫຼາດຈະໄຈ້ແຍກຄົນຊົ່ວອອກມາ+ແລ້ວລາວກໍຈະເອົາກົງລໍ້ລົດກ່ຽວເຂົ້າຢຽບເຂົາເຈົ້າ.+
27 ລົມຫາຍໃຈຂອງມະນຸດເປັນຄືກັບຕະກຽງຂອງພະເຢໂຫວາທີ່ໃຊ້ເພື່ອກວດເບິ່ງສ່ວນທີ່ເລິກທີ່ສຸດໃນໂຕມະນຸດ.
28 ຄວາມຮັກທີ່ໝັ້ນຄົງແລະຄວາມສັດຊື່ຈະປົກປ້ອງກະສັດ.+ຄວາມຮັກທີ່ໝັ້ນຄົງເຮັດໃຫ້ບັນລັງຂອງລາວໝັ້ນຄົງ.+
29 ຄວາມງາມຂອງຄົນໜຸ່ມແມ່ນເຫື່ອແຮງຂອງເຂົາເຈົ້າ+ແລະຄວາມສະຫງ່າງາມຂອງຜູ້ເຖົ້າແມ່ນຜົມຫງອກຂອງເຂົາເຈົ້າ.+
30 ຮອຍຊ້ຳແລະບາດແຜຊ່ວຍກຳຈັດ*ຄວາມຊົ່ວ+ແລະການໃຊ້ແສ້ຟາດຊ່ວຍເຮັດໃຫ້ໃຈສະອາດ.
ຂໍ
^ ຫຼືອາດແປວ່າ “ລາວຈະໄປຊອກຫາໃນລະດູເກັບກ່ຽວ ແຕ່ຈະບໍ່ເຈິຫຍັງ”
^ ຫຼື “ເຈຕະນາ.” ແປຕາມໂຕວ່າ “ຄຳແນະນຳ.”
^ ແປຕາມໂຕວ່າ “ພວກລູກຊາຍ”
^ ຫຼື “ກັ່ນຕອງ”
^ ຫຼື “ຫີນທີ່ໃຊ້ຊັ່ງນ້ຳໜັກແລະແນວຜອງສອງຊຸດທີ່ຕ່າງກັນ”
^ ຫຼື “ເດັກນ້ອຍຜູ້ຊາຍ”
^ ເບິ່ງສ່ວນອະທິບາຍຄຳສັບ
^ ຫຼື “ຄົນຕ່າງຊາດ”
^ ຫຼື “ຄຳແນະນຳ”
^ ຫຼື “ແນ່ນອນ”
^ ຫຼື “ການຊີ້ນຳທີ່ສະຫຼາດ”
^ ຫຼື “ບໍ່ເຂົ້າໃຈທາງຂອງໂຕເອງ”
^ ຫຼື “ຂັດ; ລ້າງ”
