ສຸພາສິດ 12:1-28
12 ຄົນທີ່ຮັກການສັ່ງສອນກໍຮັກຄວາມຮູ້+ແຕ່ຄົນທີ່ຊັງການຕັກເຕືອນກໍເປັນຄົນທີ່ບໍ່ມີເຫດຜົນ.+
2 ຄົນດີຈະໄດ້ຮັບຄວາມພໍໃຈຈາກພະເຢໂຫວາແຕ່ຄົນທີ່ວາງແຜນຮ້າຍຈະຖືກເພິ່ນລົງໂທດ.+
3 ຄົນທີ່ເຮັດຊົ່ວຈະບໍ່ສາມາດເຮັດໃຫ້ໂຕເອງປອດໄພໄດ້+ແຕ່ຄົນທີ່ເຮັດສິ່ງທີ່ຖືກຕ້ອງເປັນຄືກັບຕົ້ນໄມ້ທີ່ຈະບໍ່ຖືກຫຼົກຖິ້ມ.
4 ເມຍທີ່ມີຄວາມສາມາດເປັນຄືກັບມົງກຸດຂອງຜົວ+ແຕ່ເມຍທີ່ເຮັດສິ່ງທີ່ເປັນຕາອາຍເປັນຄືກັບພະຍາດທີ່ເຮັດໃຫ້ກະດູກຂອງຜົວຜ່ອຍ.+
5 ຄວາມຄິດຂອງຄົນທີ່ເຮັດສິ່ງທີ່ຖືກຕ້ອງກໍຍຸຕິທຳແຕ່ຄຳແນະນຳຂອງຄົນຊົ່ວເຊື່ອຖືບໍ່ໄດ້.
6 ຄຳເວົ້າຂອງຄົນຊົ່ວເປັນຄືກັບກັບດັກທີ່ເຮັດໃຫ້ເຖິງຕາຍ+ແຕ່ຄຳເວົ້າຂອງຄົນສັດຊື່ຊ່ວຍປົກປ້ອງຈາກອັນຕະລາຍ.+
7 ເມື່ອຄົນຊົ່ວຖືກທຳລາຍ ຄົນຊົ່ວກໍບໍ່ມີອີກຕໍ່ໄປແຕ່ເຮືອນຂອງຄົນທີ່ເຮັດສິ່ງທີ່ຖືກຕ້ອງຈະຕັ້ງຢູ່ຢ່າງໝັ້ນຄົງ.+
8 ຄົນທີ່ຄິດຮອບຄອບກ່ອນເວົ້າຈະໄດ້ຮັບການຍ້ອງຍໍ+ແຕ່ຄົນທີ່ມີໃຈຄົດໂກງຈະຖືກດູຖູກ.+
9 ເປັນຄົນທຳມະດາທີ່ບໍ່ສຳຄັນແຕ່ມີຄົນຮັບໃຊ້ກໍດີກວ່າເປັນຄົນຍົກຍ້ອງໂຕເອງແລະບໍ່ມີຫຍັງຈະກິນ.*+
10 ຄົນທີ່ເຮັດສິ່ງທີ່ຖືກຕ້ອງເບິ່ງແຍງສັດລ້ຽງຂອງລາວ+ແຕ່ຄວາມເມດຕາຂອງຄົນຊົ່ວກໍຍັງໂຫດຮ້າຍ.
11 ຄົນທີ່ປູກຝັງຈະມີອາຫານກິນຈົນພໍໃຈ+ແຕ່ຄົນທີ່ແລ່ນນຳສິ່ງທີ່ບໍ່ມີຄ່າກໍເປັນຄົນບໍ່ຮູ້ຈັກຄິດ.
12 ຄົນຊົ່ວຢາກໄດ້ສັດທີ່ຄົນຊົ່ວອີກຜູ້ໜຶ່ງຈັບໄດ້ແຕ່ຄົນທີ່ເຮັດສິ່ງທີ່ຖືກຕ້ອງເປັນຄືກັບຕົ້ນໄມ້ທີ່ມີຮາກແຂງແຮງແລະເກີດໝາກ.
13 ຄົນຊົ່ວຕິດກັບດັກຄຳເວົ້າຂອງໂຕເອງຍ້ອນລາວເວົ້າແນວຊົ່ວໆ+ແຕ່ຄົນທີ່ເຮັດສິ່ງທີ່ຖືກຕ້ອງກໍລອດພົ້ນຈາກຄວາມຍາກລຳບາກ.
14 ສິ່ງທີ່ຄົນໜຶ່ງເວົ້າ*ສາມາດເຮັດໃຫ້ເລື່ອງດີໆເກີດຂຶ້ນກັບລາວ+ແລະສິ່ງທີ່ລາວເຮັດຈະເຮັດໃຫ້ລາວໄດ້ຮັບລາງວັນ.
15 ຄົນຊົ່ວຄິດວ່າໂຕເອງເຮັດຖືກແລ້ວ+ແຕ່ຄົນສະຫຼາດຍອມຮັບຄຳແນະນຳ.+
16 ຄົນໂງ່ສະແດງທັນທີ*ວ່າລາວລຳຄານ+ແຕ່ຄົນສະຫຼາດບໍ່ຊາ*ຄຳດູຖູກ.
17 ພະຍານທີ່ສັດຊື່ຈະເວົ້າຄວາມຈິງແຕ່ພະຍານຕົວະຈະບໍ່ເວົ້າຄວາມຈິງ.
18 ຄຳເວົ້າທີ່ບໍ່ຄິດເປັນຄືກັບດາບທີ່ສຽບແທງແຕ່ຄຳເວົ້າຂອງຄົນສະຫຼາດຈະຊ່ວຍປິ່ນປົວໄດ້.+
19 ປາກທີ່ເວົ້າຄວາມຈິງຈະຢູ່ຕະຫຼອດໄປ+ແຕ່ລີ້ນທີ່ເວົ້າຕົວະຈະຢູ່ໄດ້ບໍ່ດົນ.+
20 ການຫຼອກລວງຢູ່ໃນໃຈຂອງຄົນທີ່ວາງແຜນຮ້າຍແຕ່ຄົນທີ່ຊ່ວຍໃຫ້ມີສັນຕິສຸກ*ຈະມີຄວາມຍິນດີ.+
21 ຄົນທີ່ເຮັດສິ່ງທີ່ຖືກຕ້ອງຈະບໍ່ເຈິອັນຕະລາຍຫຍັງ+ແຕ່ຄົນຊົ່ວຈະເຈິຄວາມຈິບຫາຍ.+
22 ພະເຢໂຫວາຊັງຄົນທີ່ເວົ້າຕົວະ+ແຕ່ເພິ່ນມັກຄົນທີ່ສັດຊື່.
23 ຄົນຮອບຄອບຈະບໍ່ເປີດເຜີຍສິ່ງທີ່ລາວຮູ້ແຕ່ຄົນໂງ່ເວົ້າແຕ່ແນວໂງ່ໆອອກມາແບບບໍ່ຄິດ.+
24 ຄົນດຸໝັ່ນຈະໄດ້ເປັນຜູ້ປົກຄອງ+ແຕ່ຄົນຂີ້ຄ້ານຈະຕ້ອງເປັນທາດ.+
25 ຄວາມອຸກໃຈເຮັດໃຫ້ໜັກໃຈ*+ແຕ່ຄຳເວົ້າດີໆເຮັດໃຫ້ມີກຳລັງໃຈ.+
26 ຄົນທີ່ເຮັດສິ່ງທີ່ຖືກຕ້ອງຊອກຫາທົ່ງຫຍ້າທີ່ດີທີ່ສຸດແຕ່ຄົນຊົ່ວຍ່າງໄປຕາມໃຈແລະເຈີດອອກຈາກທາງ.
27 ຄົນຂີ້ຄ້ານບໍ່ແລ່ນໄລ່ເຫຍື່ອ+ແຕ່ຄວາມດຸຫມັ່ນເປັນຊັບສົມບັດທີ່ມີຄ່າ.
28 ການເຮັດສິ່ງທີ່ຖືກຕ້ອງເປັນທາງທີ່ເຮັດໃຫ້ໄດ້ຊີວິດ+ແລະຢູ່ຕາມທາງນັ້ນບໍ່ມີຄວາມຕາຍເລີຍ.
ຂໍ
^ ແປຕາມໂຕວ່າ “ເຂົ້າຈີ່”
^ ແປຕາມໂຕວ່າ “ປາກ”
^ ຫຼື “ໃນມື້ນັ້ນເລີຍ”
^ ແປຕາມໂຕວ່າ “ປົກຄຸມ”
^ ແປຕາມໂຕວ່າ “ຄົນທີ່ເປັນທີ່ປຶກສາຂອງສັນຕິສຸກ”
^ ຫຼື “ຊຶມເສົ້າ”
