Bibila diatitêla ti, mu bilumbu bia mansukina mbo kwaketi bâ epidemi, wuzololo tâ bimbevo biyanlanganaka mu ntinu, ntiana pandémie (bimbevo biyanlanganaka mu nza ya mukaka). (Like 21:11) Pandémies zango ka zena nsembolo ya Nzambi ko. Diangana, mu nzila ya Timfumu tiandi Nzambi mbo sukisa misamu miamiansoni mia bantu, na pandémie mpe.

•  Ngano Bibila diatitêla ti pandémies zibâ kô?

•  Ngano Nzambi bantu ba keka semba mu nzila ya bimbevo?

•  Bwawu bu, ngano pandémies nsembolo ya Nzambi yena?

•  Ngano tilumbu tie kô pandemies ziwâ?

•  Verse za Bibila zizonzelaka bimbevo

 Bibila ka diatitêla nkumbu za bimbevo ko ntiana Covid-19 (Coronavirus), Sida peleko grippe espagnole. Kâ Bibila diatitêla ti mbo kubâ “epidemi” na “bimbevo bihondaka.” (Like 21:11; Nzabukusu 6:8) Misamu mio lweka lwena lwa tidimbu tia “bilumbu bia mansukina,” bi batâka mpe “nsuka ya tinsamu tia nza.”​—2 Timote 3:1; Matie 24:3.

 Bibila ka dizonzelaka mbala zazingi ko Nzambi zi kasembela bantu mu nzila ya bimbevo. Mu tifwani, bantu bakaka kasemba bu kabatâ bwazi. (Lutangu 12:1-16; 2 Mitinu 5:20-27; 2 Ntangu 26:16-21) Kâ, ka beri’â bantu babingi ko. Ka zeri’â pandémies ko zihondaka bantu balembolo zaba misamu. Nsembolo zo bantu bayizi kolama kwe Nzambi zeri tarilaka.

 Kâni. Bantu bakaka batâka ti Nzambi pandémies kasarilaka na bimbevo biakaka mu semba bantu bwawu bu. Kâ, Bibila ka ditâka bô ko. Mu bungu dia nti?

 Ku lweka lumosi, bisari bia Nzambi bia mu ntama na bia bwawu bu, bimbevo biayizi bâ nawu. Timote, mu tifwani, ‘bimbevo bieri vulu mu kwamisaka.’ (1 Timote 5:23) Kâ Bibila ka ditâka ko ti tidimbu tieri tia nsembolo ya Nzambi. Bwawu bu mpe bisari bia kwikama bia Nzambi bimvevo bibakaka. Vula-vula, mu bungu ti bantu bango ha mbuka ya mbi babâka mu ntangu ya mbi.​—Ekleziaste 9:11.

 Ku lweka lwakaka, Bibila ditêle ti ntangu ka yiyi’â ko Nzambi kafukisa bantu basarilaka mbi. Kâ, mu “tilumbu tia mvûkulu” twena peleko ntangu Nzambi yi kata lomba kwe bantu babâ ndiku zandi ngatu bavûka. (2 Bisi-Korente 6:2) Mu nzila ya tisalu tia samuna tia mu nza yayansoni kasilaka bo, bu kabahanaka “nsangu za mbote za Timfumu”​—Matie 24:14.

 Yee. Bibila diatizonzela ntangu yita kwiza bantu yi balembo vutu bâ na bimbevo. Mu lutumu lwa Timfumu tiandi, Nzambi mbo kawasisa bimbevo biabiansoni. (Izaya 33:24; 35:5, 6) Yandi mbo kakatula mpasi, nkwamusu na lufwa. (Nzabukusu 21:4) Mpe Yandi mbo kavumbula bantu ba fwa ngatu bazinga ha mutoto na tikolela tia mbote, mu mpila ya lunga.​—Mikunga 37:29; Bisalu 24:15.

 Nzabukusu 6:8: “Taleno! balu die ni tsukulu. Yandi wayuluka dio nkumbu’andi Lufwa. Mboko Bitinda ni keri kwe mu landi. Mpe ni babahana lenda [. . .] dia honda mu [. . .] epidemi.”

 Nsasa: Mbikukulu zitariri binati bia mabalu bia mukanda wa Nzabukusu zatâ ti epidemi zibâ mu ntangu ya beto.