Timfumu tia Nzambi mbo tiyingasa guvernema zazansoni za bantu mpe mbo tiyâla mutoto wa mukaka. (Daniele 2:44; Nzabukusu 16:14) Musamu wo bu wuyilama, Timfumu tia Nzambi mbo . . .

•   Tikatula bankwa-mbi na bwimi bu tumwisaka mpasi. “Bankwa-mbi mbo babakatula ha mutoto, mpe bambaki mbo baba vuza ha mutoto.”​—Bingana 2:22.

•   Timanisa mizingu. “[Nzambi] mbo kamanisa mizingu tee kwa sukina nza.”​—Mikunga 46:9.

•   Tinata tidzunu na kondo kwa bunkuta ha mutoto. “Muna muntu mbo kazakala ku nsia muti’andi wa vinu mpe ku nsia muti’andi wa fige, mpe ka kubâ muntu wu ba tâ bunkuta ko.”​—Mika 4:4.

•   Tisa ti mutoto wabâ paradi. “Sese na hata die na mutoto wa yuma biayangalala. Tibiti tia sese mbo tibâ mu nsayi mpe mbo tifula ntiana Safrane.”​—Izaya 35:1.

•   Tisa ti muna muntu wabâ na tisalu ti kazololo mpe tia mbote. “Bô ba nsolele mbo bamona bubote mu tisalu tiawu. Ka bafwatika mpamba ko.”​—Izaya 65:21-23.

•   Tikatula bimbevo. “Ka kuvutuʼâ bâ muntu ko wutâ ti: “Timbevo tie nani”.”​—Izaya 33:24.

•   Tikatula bununu. “Bika mukanda nitu’andi wakala wa mona ntiana mu bumwana bandi. Kakâla mu ngolo za buntwenia bwandi.”​—Yobe 33:25.

•   Tisa ti bantu bafwwa ba vumbuka. “Bantu babansoni be mu kati dia mpiema za mbambukulu, mbo bawa zu diandi [dia Yezu], mpe mbo baduka.”​—Za 5:28, 29, NWT.