Wéi vill Nimm huet Gott?
D’Äntwert aus der Bibel
Gott huet nëmmen een Numm. Am Hebräesche besteet den Numm aus de Buschstawen יהוה. An eise Géigende gëtt dat oft mat Jehova erëmginn. a Duerch säi Prophéit Jesaja huet Gott iwwer sech selwer gesot: „Ich bin Jehova. Das ist mein Name“ (Jesaja 42:8). Dësen Numm fënnt ee méi ewéi 7 000 Mol an ale Bibelmanuskripter, vill méi oft ewéi soss iergendeen Ausdrock, dee fir Gott an der Bibel gebraucht gëtt. Och soss keen aneren Numm gëtt esou oft an der Bibel erwäänt. b
Gëtt Jehova och nach anescht genannt?
An der Bibel gëtt et zwar nëmmen een Eegennumm fir Gott, awer si gebraucht och verschidden Titelen a Beschreiwungen. An dëser Lëscht fënnt ee muench Titelen a Bezeechnungen, déi d’Perséinlechkeet vu Jehova beschreiwen.
Bezeechnung |
Bibelvers |
Bedeitung |
|---|---|---|
Allah |
(Keen) |
Aus dem Arabeschen. Keen Numm, mee en Titel, dee Gott bedeit. A Bibeliwwersetzungen op Arabesch an an anere Sprooche gëtt „Allah“ amplaz vu Gott gebraucht. |
Der Allerhöchste |
Den héchste souveränen Herrscher. |
|
Allmächtiger |
Huet onbegrenzte Muecht a kee kënnt géint hien un. Den hebräeschen Ausdrock ʼEl Schaddáj („Gott der Allmächtige“) kënnt siwemol an der Bibel vir. |
|
Alpha und Omega |
„Der Erste und der Letzte“ oder „der Anfang und das Ende“. Dat heescht, datt Jehova deen eenzegen allmächtege Gott ass. Et gouf ni een aneren an et gëtt och ni een aneren (Jesaja 43:10). Den Alpha an den Omega sinn den éischten an de leschte Buschstaf vum griicheschen Alphabet. |
|
Der Alte an Tagen |
Huet keen Ufank. Existéiert schonn éiweg, laang ier iergendeppes oder iergendeen aneren do war (Psalm 90:2). |
|
Eifersüchtiger, Eiferer |
2. Mose 34:14, Einheitsübersetzung |
Hie wëll, datt just hien ugebiet gëtt. Gëtt och iwwersat mat „Ich ... dulde keinen neben mir!“ an „ein Gott, der ausschließliche Ergebenheit fordert“ (Hoffnung für alle, Neue Welt Übersetzung, Foussnout). |
Fels |
Do, wou ee Schutz sicht a Rettung fënnt. |
|
Der Glückliche Gott |
Ass frou a glécklech (Psalm 104:31). |
|
Gott |
Géigestand fir unzebieden; e Staarken. Dat hebräescht Wuert ʼElohím ass am Pluriel a weist op Jehova seng héich Stellung als Majestéit hinn. |
|
Gott der Götter |
Den héchste Gott, deen am Kontrast steet zu deene Gëtter, déi näischt daachen, awer vu muenchen ugebiet ginn (Jesaja 2:8). |
|
Großer Erschaffer |
Huet alles erschafen (Offenbarung 4:11). |
|
Großer Unterweiser |
Vermëttelt nëtzlech Uleedung a beléiert (Jesaja 48:17, 18). |
|
Der Heiligste |
Hien ass méi helleg (am Sënn vu moralesch reng a propper) ewéi soss iergendeen. |
|
Herr |
Besëtzer oder Meeschter. Op Hebräesch ʼA·dhṓn oder ʼAdhoním. |
|
Herr der Heere, Herr Zebaoth |
Jesaja 1:9, Einheitsübersetzung; Römer 9:29, Lutherbibel, 2017 |
Kommandant vun enger mächteger Arméi vun Engelen. Den Titel „Herr Zebaoth“ kann och mat „Jehova der Heerscharen“ oder „Herr der himmlischen Heere“ iwwersat ginn (Römer 9:29, Neue Welt Übersetzung, Einheitsübersetzung). |
Hirte |
Suergt fir déi, déi hien ubieden. |
|
Der Höchste |
Steet iwwer alles. |
|
Hörer des Gebets |
Lauschtert perséinlech no, wann ee voller Glawen zu him biet. |
|
Ich bin, der ich bin |
2. Mose 3:14, Elberfelder Bibel |
Hie gëtt zu deem, wat néideg ass, fir säi Virsaz ze realiséieren. Och iwwersat mat „Ech ginn zu deem, wat ëmmer mir gefält“ oder „Ich werde, was ich werden möchte“ (The Emphasised Bible, Neue Welt Übersetzung). Dës Beschreiwung hëlleft d’Bedeitung vu Gott sengem Numm, Jehova, am nächste Vers ze verstoen (2. Mose 3:15). |
König der Ewigkeit |
Seng Herrschaft huet keen Ufank a keen Enn. |
|
Retter |
Befreit aus (Liewens-) Gefor. |
|
Rückkäufer, Erlöser |
Jesaja 41:14, Herder-Bibel |
Befreit d’Mënschheet duerch d’Léisegeld (den Doud vu Jesus Christus) vu Sënn an Doud (Johannes 3:16). |
Schöpfer |
Huet alles erschafen. |
|
Souveräner Herr |
Déi héchsten Autoritéit, op Hebräesch ’Adhonáj. |
|
Töpfer |
Huet Gewalt iwwer eenzel Mënschen a ganz Natiounen, genee ewéi een, dee Leem beschafft (Römer 9:20, 21). |
|
Vater |
Deen, dee Liewe gëtt. |
Uertsnimm an den Hebräesche Schrëften
Muench Uertsnimm an der Bibel enthale Gott säin Eegennumm, awer déi ersetzen net Gott säin Numm.
Uertsnumm |
Bibelvers |
Bedeitung |
|---|---|---|
Jehova-Jire |
„Jehova wird dafür sorgen.“ |
|
Jehova-Nissi |
„Jehova ist meine Signalstange“ oder „mein Feldzeichen“ (Einheitsübersetzung). Jehova ass déi zentral Figur, wou seng Dénger Schutz an Hëllef fannen (2. Mose 17:13-16). |
|
Jehova-Schalom |
„Jehova ist Frieden.“ |
|
Jehova-Schamma |
Hesekiel 48:35, Rbi8, Foussnout |
„Jehova ist dort.“ |
Firwat soll ee Gott säin Numm kennen a gebrauchen?
Fir Gott muss säin Numm, Jehova, wichteg sinn, well hien huet dofir gesuergt, datt en Dausende Mol an der Bibel steet (Maleachi 1:11).
Jesus, Gott säi Jong, huet ëmmer erëm gewisen, wéi wichteg Gott säin Numm ass. Zum Beispill huet hien zu Jehova gebiet: „Dein Name soll geheiligt werden.“ (Matthäus 6:9; Johannes 17:6).
Gott säin Numm kennen ze léieren an ze gebrauchen sinn déi éischt Schrëtt, fir eng Frëndschaft mat Jehova opzebauen (Psalm 9:10; Maleachi 3:16). Duerch dës Frëndschaft huet ee perséinlech eppes vun deem, wat Gott versprécht: „Ich werde ihn beschützen, weil er meinen Namen kennt“ (Psalm 91:14).
D’Bibel seet, datt „et sougenannte Gëtter am Himmel an op der Äerd gëtt (esou wéi et jo vill „Gëtter“ a vill „Hären“ gëtt)“ (1. Korinther 8:5, 6, BFL). Awer si identifizéiert deen eenzeg richtege Gott duerch säin Numm: Jehova (Psalm 83:18).
a Muench Geléierter ginn den Numm léiwer mat „Jahwe“ erëm.
b Déi Kuerzform vu Gott sengem Numm „Jah“ kënnt ongeféier 50 Mol an der Bibel vir, ënner anerem an deem Wuert „Halleluja“, oder „Alleluja“, wat esou vill heescht ewéi „Preiset Jah!“ (Offenbarung 19:1; Einheitsübersetzung, BFL).
Méi gewuer ginn
ÄNTWERTEN OP FROEN ZU DER BIBEL
Wien ass Jehova?
Ass hien nëmmen de Gott vun engem Vollek, zum Beispill dee vun den Israelitten?
WICHTEG LÉIEREN AUS DER BIBEL
Huet Gott en Numm?
Gott huet vill Bezeechnungen: Allmächtegen, Schöpfer oder Här. Awer och e Numm. Dëse Numm steet bal 7000 mol an der Bibel.
IWWER EIS
E Besuch ufroen
Eng Fro aus der Bibel beschwätzen oder méi iwwer d’Zeie vu Jehova gewuer ginn.