“Malemba etene kalembiwe mosogoleliwa na Mulungu.”— 2 Timoteyu 3:16, Baibulo la Dziko Latsopano.

Vinatanthauza ira munokoza fwanya mayankho a mafuso ofuneya vinjinji va moywinyu.​—Miyambo 2:1-5.

Munokoza fwanya malangizo odalileya okami-a va moyo wa dambo na dambo.​—Salimo 119:105.

Munokoza kala na chiyembekezo ya imbarimbari ya usogolo.​—Aroma 15:4.

Ee, ninokoza viroromela va vifukwa viraaru vi:

• Khani diwa tidogwilizana mopangi-a chidwi. Baibulo lalembiwe chaka dokwaranya 1 600 na athu o-iyana-iyana okwakwana 40. Anjinji mwa athu anala, kataiziwanile. Komave Baibulo letene tilogwilizana, teto khani diwa kadina-iyana.

• Olemba Baibulo koolemba moona murima. Athu olemba khani thawi dinjinji kanoomeliwa bisa vyongo vyevyo vyaireile na athu a tundwiwa monga gonja wu kondo. Koma athu olemba Baibulo koolemba moona murima vyolepela viwa koma teto vya athu a tundwiwa.—2 Limbili 36:15, 16; Salimo 51:1-4.

• Thawi detene maulosi a m’Baibulo kanokwakwaneli-ediwa. Baibulo loovaela onga vyokuza onongiwa wa mzinda wawale wa Babulo unga-alile chaka 200 ira vyevi viireye. (Yesaya 13:17-22) Loofotokoza mwemo mzindoyo unazeathu uwonongiwele koma teto muthu unoyo unaze asogolele asilikali odowa ononga mzindoyo.—Yesaya 45:1-3.

  Maulosi amo-i anjinji kookwakwaneli-ediwa moi iliyetene ineyo yaongiwe m’maulosayo yooireya. Vi pivyevyo ninaembekezele iyo kumela m’Mawu a Mulungu.—2 Petulo 1:21.