Биз Жахабанын Күбөлөрү деп Кудайдын Падышалыгы жөнүндөгү жакшы кабарды ай сайын айткандарды гана эсептейбиз (Матай 24:14). Бул санга Жахабанын Күбөсү катары чөмүлгөндөр жана жакшы кабар айтуу ишине катышууга жарактуу деп табылгандар, бирок али чөмүлө электер да кирет.

 Жок. Кимдир бирөөнүн Жахабанын Күбөсү болуп эсептелишине, уюмда кандайдыр бир жоопкерчиликтерди аркалашына тартуулардын эч кандай тиешеси жок (Элчилер 8:18—20). Тартуу бергиси келгендер аны эч кимге билгизбей эле атайын орнотулган кутуга салып коюшат. Ар бир Жахабанын Күбөсү бүткүл дүйнө жүзү боюнча жүргүзүлүп жаткан ишке убактысын, күчүн, каражатын өз каалоосу менен жагдай-шартына жараша жумшайт (2 Корунттуктар 9:7).

 Жахабанын Күбөлөрү кабар айтуу ишине канча убакыт жумшаганы тууралуу өздөрү барган жыйналышка ай сайын отчёт тапшырып турушат. Отчёт тапшырууга аларды эч ким мажбурлабайт.

 Бардык отчёттор чогултулуп, алардын жалпы саны жергиликтүү филиалга жөнөтүлүп турат. Филиалдар болсо өлкө боюнча чогулган отчёттун жалпы санын башкы башкармалыгыбызга жөнөтүшөт.

 Ар бир кызмат жылынын a аягында ар бир өлкөдөгү Жахабанын Күбөлөрүнүн жогорку саны аныкталат. Ушул сандар кошулуп дүйнө жүзүндөгү Жахабанын Күбөлөрүнүн саны чыгарылат. Филиалдар майда-баратына чейин жазылган отчёттор менен бирге кабар айтуу ишинде болгон кызыктуу окуяларды жазып жиберишет, алар Жахабанын Күбөлөрүнүн «Жылдык китебине» чыгат. Ушу сыяктуу отчёттор, Кудайдын 1-кылымдагы кызматчыларын бекемдегендей эле, бизди да бекемдейт (Элчилер 2:41; 4:4; 15:3).

 Алар Жахабанын Күбөлөрүнүн санына кошулбаса да, эшигибиз алар үчүн дайыма ачык. Алардын көбү Иса Машаяктын өлүмүн Эскерүү кечесине келишет. Алардын канча экенин билгиңиз келсе, ошол аземге келген кишилердин жалпы санынан Жахабанын Күбөлөрүнүн санын кемитиңиз. 2022 өткөрүлгөн Эскерүү кечесине 19 721 672 киши келген.

 Жыйналыштарыбызга келбегендердин көбү Ыйык Китепти үйүнөн акысыз изилдешет. 2022 ай сайын орто эсеп менен 5 666 996 изилдөө өткөрдүк. Андай изилдөөлөргө кээде бир эле учурда бир нече киши катышат.

 Өкмөт ким өзүн кайсы диндин мүчөсү деп эсептээрин сурамжылап, санакты ошонун негизинде чыгарат. Мисалы, АКШдагы ушундай сурамжылоо жүргүзгөн уюмдардын бири сурамжылоонун жыйынтыгы кандайча чыгарылары жөнүндө мындай деп жазган: «Санактын жыйынтыгы ким өзүн кайсы диний топко таандык деп эсептегенине жараша чыгарылат, ошондуктан ал так эмес, болжолдуу болот». Биз болсо кабар айтуу ишине катышкандарды гана санакка киргизебиз.