Лука 22:1—71
22 Пасах деп аталган калама майрамы+ жакындап келаткан эле.
2 Жогорку дин кызматчылар менен китепчилер Исаны өлтүрүүнүн амалын издеп жатышты+, бирок элден коркушту+.
3 Ошол убакта он эки шакирттин бири Жүйүт Искариоттун ичине Шайтан кирди+.
4 Ошондо Жүйүт жогорку дин кызматчылар менен ибадаткананын күзөт башчыларына барып, Исаны алардын колуна кантип салып берери жөнүндө сүйлөштү+.
5 Алар кубанып, ага күмүш акча берүүнү сунуш кылышты+.
6 Жүйүт макул болуп, Исаны алардын колуна эл жокто салып бериш үчүн ыңгайлуу учурду издей баштады+.
7 Ошентип, пасах курмандыгы союла турган калама майрамынын биринчи күнү келди+.
8 Иса Петир менен Жаканды жөнөтүп жатып: «Барып, бизге пасах тамагын даярдагыла»,— деди+.
9 Алар: «Кайсы жерге даярдашыбызды каалайсың?» — деп сурашты.
10 Ал: «Шаарга барганыңарда, алдыңардан кумурага суу көтөргөн киши чыгат+. Анын артынан ээрчип барып, ал кирген үйгө киргиле+.
11 Анан үйдүн ээсине: „Устат сенден: “Мен шакирттерим менен пасах тамагын жей турган конок бөлмөсү каерде?” — деп сурап жатат“,— деп айткыла+.
12 Ал силерге үстүнкү кабаттагы чоң бөлмөнү көрсөтөт. Анда керектүүнүн баары болот. Пасах тамагын ошол жерге даярдагыла»,— деди+.
13 Шакирттер барганда, бардыгы Иса айткандай болуп чыкты. Алар пасах тамагын даярдашты+.
14 Тамак иче турган убак келгенде, Иса шакирттери менен дасторконго отурду+.
15 Анан аларга: «Азап чегеримдин алдында силер менен ушул пасах тамагын жегенди самап жүргөм.
16 Анткени, силерге айтып коёюн, Кудайдын Падышалыгында бардыгы аткарылганга чейин пасах тамагын жебейм»,— деп айтты+.
17 Иса чөйчөктү алып+, Кудайга ыраазычылык билдирди да, шакирттерине: «Муну алып, ар бириңер ичкиле.
18 Силерге айтып коёюн, Кудайдын Падышалыгы келгенге чейин, шарап ичпейм»,— деди+.
19 Андан кийин нанды алып+, Кудайга ыраазычылык билдирген соң аны сындырды да, шакирттерине узатып жатып: «Бул силер үчүн бериле турган+ денемди билдирет+. Муну мени эскериш үчүн кылгыла»,— деп айтты+.
20 Кечки тамактан кийин чөйчөктү да алып+, мындай деди: «Бул чөйчөк силер үчүн төгүлө турган+ канымдын+ негизинде түзүлүүчү жаңы келишимди билдирет+.
21 Мага чыккынчылык кыла турган киши+ мени менен бир дасторкондо отурат+.
22 Дегинкиси, адам Уулу алдын ала айтылган жол менен баратат+, бирок ага чыккынчылык кыла турган кишинин башына каран түн түшөт!»+
23 Ошондо шакирттери андай ишке кимиси барышы мүмкүн экенин өз ара талкуулай башташты+.
24 Анан алар кимиси баарынан чоң экени тууралуу катуу талашып киришти+.
25 Иса аларга мындай деди: «Падышалар элге үстөмдүк кылышат, элдин үстүнөн бийлик жүргүзгөндөр жакшылык кылуучулар* деп аталат+.
26 Бирок силер андай болбогула+. Араңардан ким чоң болсо, ал кичүүдөй болсун+, ал эми ким башчы болсо, ал кызматчыдай болсун+.
27 Кимиси чоң: дасторкондо отурганыбы же кызмат кылганыбы? Дасторкондо отурганы эмеспи? Мен болсо силердин араңарда кызматчыдаймын+.
28 Анткен менен силер, сыноолорго кабылганымда+, жанымда болдуңар+.
29 Атам мени менен Падышалык келишимин түзгөндөй+, мен да силер менен Падышалык келишимин түзөм+.
30 Ошентип, силер Падышалыгымда менин дасторконумдан+ ичип-жейсиңер+, тактыларга отуруп+, Ысрайылдын он эки уруусун соттойсуңар.
31 Симон, Симон, Шайтан+ силерди калбырдан буудай сыяктуу өткөрүүнү талап кылды+.
32 Бирок мен сенин ишенимиңдин алсырап калбашын сурап жалындуу тилендим+. Өкүнгөнүңдөн кийин бир туугандарыңды бекемде»+.
33 Ошондо Петир: «Мырзам, сени менен түрмөгө отурганга да, өлгөнгө да даярмын»,— деди+.
34 Буга Иса: «Петир, сага айтып коёюн, бүгүн короз кыйкырганга чейин, мени билбейм деп үч жолу танасың»,— деп айтты+.
35 Андан кийин Иса шакирттеринен: «Силерди капчыксыз, баштыксыз, бут кийимсиз жөнөткөнүмдө+, бир нерсеге муктаж болдуңар беле?» — деп сурады. Алар: «Жок»,— дешти.
36 Ошондо Иса: «Бирок азыр кимдин капчыгы бар болсо, ал аны да, баштыгын да алсын. Кимдин кылычы жок болсо, ал сырт кийимин сатып, кылыч сатып алсын.
37 Силерге айтып коёюн: „Кылмышкер катары эсептелди“+,— деген сөздөр мага байланыштуу аткарылышы керек. Анткени мен жөнүндө жазылгандар аткарылып жатат»,— деп айтты+.
38 Шакирттери ага: «Мырзам, бул жерде эки кылыч бар»,— дешти. «Ошол жетет»,— деди Иса.
39 Анан сыртка чыгып, адатынча Зайтун тоосун көздөй бет алды. Шакирттери артынан жөнөдү+.
40 Ал жакка жеткенде Иса аларга: «Азгырыкка алдырбаш үчүн тиленгиле»,— деди+.
41 Өзү болсо таш ыргытым жерге барды да, чөгөлөп, мындай деп тилене баштады:
42 «Ата, эгер кааласаң, бул чөйчөктү менден алыстата көр. Бирок мен каалагандай эмес+, сен каалагандай болсун»+.
43 Ошондо асмандан периште келип, аны бекемдеди+.
44 Жан дүйнөсү кыйналгандыктан, Иса ого бетер жалындуу тилене баштады+. Анын тери кан тамчыларындай жерге таамп жатты+.
45 Тиленип бүткөндөн кийин шакирттерине келди. Алардын кайгыдан улам чарчап, уктап калышканын көрүп+:
46 «Эмне үчүн уктап жатасыңар? Тургула, азгырыкка алдырбаш үчүн тиленгиле»,— деп айтты+.
47 Ал сүйлөп жатканда, он эки шакирттин бири Жүйүт бир топ кишини баштап келди да+, Исаны өбүш үчүн жанына барды+.
48 Ошондо Иса: «Жүйүт, адам Уулун өөп туруп сатканы жатасыңбы?» — деди+.
49 Эмне болорун түшүнгөндө жанындагылары Исага: «Мырзам, кылыч менен чаап салалыбы?» — дешти+.
50 Алардын бири башкы дин кызматчынын кулунун оң кулагын шылый чапты+.
51 Иса болсо: «Токтоткула, жетишет»,— деди да, кулдун кулагына колун тийгизип, айыктырып койду+.
52 Анан өзүн кармаганы келген жогорку дин кызматчыларга, ибадаткананын күзөт башчыларына жана аксакалдарга: «Каракчыны кармачудай болуп, кылыч, союл көтөрүп келгениңер кандай?+
53 Күн сайын ибадатканада силер менен жүргөндө+ мага тийген жок элеңер го+. Бирок азыр силердин убагыңар+, караңгылык+ бийлик+ кылган убак»,— деди.
54 Алар Исаны кармап, башкы дин кызматчынын үйүнө+ алып кетишти+. Петир болсо аларды алыстан ээрчип барды+.
55 Ошол жердегилер короонун ортосуна от жагып, чогуу отурушканда, Петир да алардын арасына барып отурду+.
56 Ошондо бир күң оттун жанында отурган Петирди көрүп, тигиле карады да: «Бул да аны менен чогуу жүргөн»,— деди+.
57 Бирок Петир: «Мен аны тааныбайм»+,— деп танып койду+.
58 Бир аздан кийин аны дагы бирөө көрүп: «Сен да ошолордун бирисиң»,— деп айтты. Бирок Петир: «Жок, андай эмес»,— деди+.
59 Бир сааттай өткөндөн кийин, дагы бирөө: «Чын эле, бул да аны менен жүргөн, анткени бул галилеялык!» — деп ишендире айта баштады+.
60 Петир болсо: «Эмне деп жатканыңды түшүнгөн жокмун»,— деди. Ал сүйлөп бүтө электе, короз кыйкырды+.
61 Иса бурулуп, Петирди карады. Ошондо Петир анын: «Короз кыйкырганга чейин, сен менден үч жолу баш тартасың»,— деген сөздөрүн эстеди+.
62 Анан сыртка чыгып, өксөп ыйлады+.
63 Исаны кайтарып турган кишилер аны+ шылдыңдап+, уруп-сого башташты+.
64 Анан бетин жаап: «Пайгамбар болсоң, айтчы, сени ким урду?» — деп сурап жатышты+.
65 Алар аны дагы башка көптөгөн жаман сөздөр менен кордошту+.
66 Таң атканда, эл аксакалдары: жогорку дин кызматчылар менен китепчилер чогулуп+, Исаны Синедриондун залына алып келишти да, ага+:
67 «Эгер Машаяк болсоң+, айт бизге»,— дешти. Ал: «Айтсам деле, баары бир ишенбейсиңер+.
68 Сурасам, жооп бербейсиңер+.
69 Бирок ушундан тартып адам Уулу+ кудуреттүү Кудайдын+ оң жагына отурат»+,— деп айтты.
70 Ошондо алардын баары: «Демек, сен Кудайдын Уулу экенсиң да?!» — дешти. «Муну өзүңөр айтып жатасыңар»,— деди Иса+.
71 Алар: «Бизге дагы башка кандай далил керек?+ Муну азыр эле өз оозунан укпадыкпы»,— дешти+.
Шилтемелер
^ «Жакшылык кылуучу» деген сөз айкашы бул жерде ардактуу наам катары колдонулган.
