Nkia Vuvu una Kiau mu Kuma kia Kusentu?
Nga mambu ova nza yayi . . .
-
wau kaka mekala?
-
mekwamanana yiva?
-
metoma?
ADIEYI E BIBILA KIVOVANGA?
“Nzambi . . . okunguna mansanga mawonso muna meso mau, o lufwa ke lukala diaka ko, ngatu kala diaka dilu, yovo kazu ngatu mpasi. O mambu mantete maviokele.”—Lusengomono 21:3, 4, Nsekola ya Nz’ampa.
NKIA NLUTA DILENDA KUTWASILA?
Okala ye salu kiambote kikutwasila e kiese.—Yesaya 65:21-23.
Ke vekala diaka muntu oyela ko yovo mona konso mpasi.—Yesaya 25:8; 33:24.
Okala ye zingu kiakiese ye kiakwele mvu kumosi ye esi nzo aku ye akundi.—Nkunga 37:11, 29.
NGA TULENDA KWIKILA MU MANA BIBILA KIVOVANGA?
Elo, kadi vena ye kuma yole yamfunu:
-
Nzambi una yo nkuma wa lungisa nsilu miandi. Muna Bibila, Yave wa Nzambi kaka oyikilwanga vo ‘Mpungu-ngolo,’ kadi o nkum’andi ke ulendi tezakana ko. (Lusengomono 15:3) Muna kuma kiaki, Yave una yo nkuma wa lungisa nsilu miandi yo soba e nza yayi yo kitula yo se fulu kiambote. Nze una Bibila kivovanga “kuna kwa Nzambi, mawonso malendakana.”—Matai 19:26.
-
Nzambi una y’etima dia lungisa e nsilu miandi. Kasikil’owu, Yave una ye luzolo lwa fula awana mafwa.—Yobi 14:14, 15.
E Bibila kisonganga mpe vo Yesu wa Mwan’a Nzambi, wawuka ambevo. Ekuma kavangila wo? E kuma kadi wazola wo vanga. (Maku 1:40, 41) Yesu watanginina kiwuntu kia Se diandi mu mpila yalunga muna kala ye luzolo lwa sadisa awana bakala mu mpasi.—Yoane 14:9.
Muna kuma kiaki, tulenda kala ye ziku vo Yave yo Yesu bazolele kutusadisa kimana twakala ye zingu kiakiese kusentu.—Nkunga 72:12-14; 145:16; 2 Petelo 3:9.
KIUVU OLENDA BADIKA
Aweyi Nzambi ketomesena nza yayi?
Bibila kivananga e mvutu za kiuvu kiaki muna MATAI 6:9, 10 ye DANIELE 2:44.
Nanga Oyangalela Mpe Malongi Mama
EYINGIDILU DIA NKANGU
Ludi mu Kuma kia Kusentu
Kumika e vuvu kiaku muna mambu kevovanga o Nzambi mu kuma kia mana mevangama ova ntoto kuna sentu ye mu kuma kia wantu bezingila vo.
MAMBU MANKAKA
Vuvu Kiasikila kia Kusentu
Ekuma nsilu mina mu Bibila miaswaswanena ye nsilu mina besianga wantu?
ESSENTIAL BIBLE TEACHINGS
Nki i Kintinu kia Nzambi?
Muna salu kiandi kia umbangi, Yesu watoma vovela oma ma Kintinu kia Nzambi ke mu mambu mankaka ko. Tuka kolo, alongoki andi besambanga kimana e Kintinu kiza.
EYINGIDILU DIA NKANGU
E Kintinu kia Nzambi Nkia Mambu Kilungisa?
Yesu wazaya wo vo Kintinu kia Nzambi i luyalu kaka lulenda fokola e mpasi ova ntoto. Kintinu kia Nzambi nkia mambu kivangidi kala muna kumika e vuvu kieto?
TU AKI NANI
Lomba Beza Kukingula
Zaya e mvutu za Bibila mu kuma kia kiuvu kiaku, yovo zaya mayingi mu kuma kia Mbangi za Yave.
