Nkunga 37:1-40
Nkung’a Davidi.
א [Alefe]
37 Kufungi makasi ko mu kuma kia yimpumbuluNgatu mwena mimpanga-mambi e kimpala.+
2 Kadi nzaki beyuma nze titi,+Belengela nze titi yankunzu.
ב [Bete]
3 Bunda Yave e vuvu, vanga o wete;+Zingila va ntoto,* songa e kwikizi.+
4 Yangalela muna Yave,
Yandi olungisa zolela ya ntim’aku.
ג [Ngimele]
5 Yekeka nzil’aku kwa Yave;+Umbunda e vuvu, yandi ovanga mambu muna wete diaku.+
6 Otemesa unsongi waku nze ntemo wa nkielelo,E ziku kiaku nze mwini a midi.
ד [Dalete]
7 Kala pi-i vana vena Yave+Umvingila kuna luzindalalu.
Kutokani ko mu kuma kia ndiona
Osikidi muna makani mandi mambi.+
ה [He]
8 Yambula makasi, tina e nganzi;+Kukadi ye nsita ko, kuvangi mbi ko.*
9 Kadi yimpumbulu fwaswa befwaswa,+Kansi awana bevingilanga muna Yave, bevua nza.+
ו [Wau]
10 Fioti kaka fisidi, yimpumbulu ke bekala diaka ko;+Otala vana bakala,
Ke bekala vo diaka ko.+
11 Kansi alembami bevua nza,+Bezingila muna luvuvamu ye kiese kiayingi.+
ז [Zayine]
12 Yimpumbulu besokelanga ansongi mambu mambi;+Bekubakweteselanga meno.
13 Kansi Yave okubasevanga,Kadi ozeye wo vo e lumbu kiau se kilwaka.+
ח [Hete]
14 E yimpumbulu bavolele nsosolo yo fumbika mfumba miauKimana babwisa mumbona-mpasi ye nsukami,
Bavonda awana bekangalelanga muna nzil’a unsongi.
15 Kansi, e nsosolo au utobola e ntima miau;+E mfumba miau mitololwa.
ט [Tete]
16 Efi lekwa kena fiau o nsongi fisundidi o weteKe mu ulolo wa yimpumbulu yayingi ko.+
17 Kadi moko ma yimpumbulu metololwa,Kansi, Yave osadisa ansongi.
י [Yoda]
18 Yave ozeye mambu mebwilanga minkwikizi,*E vua diau dizingila yakwele mvu.+
19 Ke befusuka nsoni ko muna ntangw’a mpasi;Muna lumbu ya mvengele, bekala ye ulolo wa madia.
כ [Kafe]
20 Kansi yimpumbulu befukiswa;+E mbeni za Yave bevila nze wete wa madilu;Belala nze mwisi.
ל [Lamede]
21 E kimpumbulu odevanga, kansi yandi kavutudi,Vo i nsongi okayanga kuna mvevo.*+
22 Awana basambulwa kwa Nzambi bevua nza,Kansi, awana basibwa kwa yandi fukiswa befukiswa.+
מ [Meme]
23 Yave odiatisanga* ntambi za muntu+Avo oyangalele nzil’andi.+
24 Kana una vo otele sakuba, ke bwa ko,+Kadi Yave okunsimba muna koko.+
נ [Nune]
25 Toko yakala, owau ndunini,Kansi kisidi mona nsongi ko kabembolwa,+Ngatu wan’andi bavava madia.*+
26 Ntangwa zawonso osompekanga kuna mvevo,+Wan’andi besambulwa.
ס [Sameke]
27 Vengomoka muna mbi, vanga o wete,+Wasikila yakwele mvu.
28 Kadi Yave ozolanga unsongi,Ke yambula minkwikizi miandi ko.+
ע [Ayini]
Okubatanina ntangwa zawonso;+Kansi, e mbongo a yimpumbulu fwaswa ifwaswa.+
29 Ansongi bevua nza,+Bezingila vo yakwele mvu.+
פ [Pe]
30 O nu’a ansongi mambu ma ngangu uvovanga,O lubini lwandi luvovanga mambu ma ziku.+
31 O nsiku a Nzambi andi una muna ntim’andi;+E tambi yandi ke yita sakuba ko.+
צ [Tsade]
32 E kimpumbulu kikondelelanga o nsongi,Muna vava kumvonda.
33 Kansi Yave ke kunyambula vana moko mandi ko+Ngatu kumvana ngielele vava kefundiswa.+
ק [Kofe]
34 Sia vuvu muna Yave, landa nzil’andi,Okutundidika kimana wavua e nza.
Vava yimpumbulu befwaswa,+ ngeye omona wo.+
ר [Rese]
35 Mbwene kimpumbulu una vo nkwa nsokiWayalangana nze nti wasavuka vana ntoto andi.+
36 Kansi, ovididi kuna kinsalukisa, kena diaka ko;+Imvavidi, kansi kilendele kunsolola ko.+
ש [Sin]
37 Tala o munkondwa tumbu,*Sia sungididi muna nsongi,+Kadi e zingu kiandi kuna ntwala kia luvuvamu.+
38 Kansi, asumuki awonso fwaswa befwaswa;E zingu kia yimpumbulu kuna ntwala sukiswa kisukiswa.+
ת [Tau]
39 O luvuluzu lwa nsongi kwa Yave lutuka;+Yandi i swekameno diandi muna ntangw’a mpasi.+
40 Yave okubasadisa yo kubakûla.+
Okubakûla vana moko ma kimpumbulu yo kubavuluza,Kadi kwa yandi batinini.+
Mvovo vana yand'a lukaya
^ Yovo “nsi.”
^ Nanga, “Kufwemi ko, kadi mfwilu kaka ditwasa.”
^ Mvovo wa sina: “ozeye lumbu ya minkwikizi.”
^ Yovo “nkwa nkenda.”
^ Yovo “osikidisanga.”
^ Yovo “mbolo.”
^ Yovo “nkwa kwikizi.”
