Nani Kieleka Oyalanga e Nza?
Adieyi obenze, nga . . .
-
Nzambi?
-
wantu?
-
Satana?
ADIEYI E BIBILA KIVOVANGA?
“E nza yawonso ina muna wisa kia ndiona wambi.”—1 Yoane 5:19, Nsekola ya Nz’ampa.
‘Mwan’a Nzambi wasengomonua, kimana kafwasa mavangu ma Nkadi ampemba.’—1 Yoane 3:8, Nsekola ya Nz’ampa.
NKIA NLUTA DILENDA KUTWASILA?
O zaya e ludi mu kuma kia mpasi bemonanga o wantu.—Lusengomono 12:12.
O kala ye kuma kiasikila mu kwikila vo e nza yayi isinga toma.—1 Yoane 2:17.
NGA TULENDA KWIKILA KIKILU MU MANA BIBILA KIVOVANGA?
Elo, kadi vena ye kuma tatu yamfunu:
-
Luyalu lwa Satana lufwaswa. Yave una ye kani dia sukisa Satana yo katula wantu muna wisa kiandi. Wasia nsilu vo ‘ofwasa emvimba . . . Nkadi ampemba’ yo fokola e mpasi zawonso Satana ketwasanga.—Ayibere 2:14, Nsekola ya Nz’ampa.
-
Nzambi wasola Yesu Kristu mu yala e nza. Yesu waswaswana kikilu yo nyadi ambi a nza yayi wazala ye loko. Muna kuma kia luyalu lwa Yesu, Nzambi wasia nsilu vo: “Ofwila mumbona-mpasi e nkenda yo nsukami . . . Okubakûla muna lubangamu ye nsoki.”—Nkunga 72:13, 14.
-
Nzambi kalendi vuna ko. Bibila kivovanga vo: “Nzambi kalendi vuna ko.” (Ayibere 6:18) Vava Yave kesianga o nsilu wavanga diambu, dikalanga nze diau divangamene kala. (Yesaya 55:10, 11) “O nyadi a nza yayi se keyinganeswa.”—Yoane 12:31.
KIUVU OLENDA BADIKA
Aweyi ukala e nza yayi vava nyadi andi kekatulwa?
Bibila kivananga e mvutu za kiuvu kiaki muna NKUNGA 37:10, 11 ye LUSENGOMONO 21:3, 4.
Nanga Oyangalela Mpe Malongi Mama
EYINGIDILU DIA NKANGU
Ekuma Wantu ke Belendanga Twasa Luvuvamu ko ova Nza?
Kana una vo wantu bevanganga ngolo kansi, ke belendanga twasa luvuvamu ko mu nza yawonso. Zaya ekuma.
ESSENTIAL BIBLE TEACHINGS
Ekuma Nzambi Keyambulwilanga e Mpasi?
Wantu ayingi beyuvulanga e kuma e nza izadidi ye kimpala ye mpasi. E Bibila kivananga e mvutu za kiese ye lufiaulwisu muna kiuvu kiaki.
MVUTU ZA YUVU YA BIBILA
Nga Nkadi Ampemba Una Kieleka?
Nga Nkadi ampemba i mbi ina muna kati kwa wantu yovo muntu kieleka?
EYINGIDILU DIA NKANGU
Nga Tufwete Mwena Satana Wonga?
TU AKI NANI
Ekuma Ofwete Longokela Bibila?
Bibila kisadisanga ulolo wa wantu mu nz’amvimba mu solola mvutu za yuvu yamfunu mu kuma kia zingu. Nga zolele kala mosi muna yau?
TU AKI NANI
Lomba Beza Kukingula
Zaya e mvutu za Bibila mu kuma kia kiuvu kiaku, yovo zaya mayingi mu kuma kia Mbangi za Yave.
