Kuna Kwa Ayibere 2:1-18
2 Muna kuma kiaki, diamfunu twatoma sianga e sungididi muna mambu twawa,+ kimana twalembi vukumunua.+
2 Kadi, avo diambu diavovelwa muna mbasi+ diasikila, konso sumu ye ukolami watambula tumbu kiansongi,+
3 aweyi tuvengela e tumbu avo tubembwele luvuluku lwalu lwanene?+ Kadi lwateka vovelwa kwa Mfumu eto+ ye awana bawa lo, batusikidisila lo,
4 ekolo Nzambi kabayikama muna sia umbangi muna sinsu ye masivi ye mavangu ma mpila mu mpila ma nkuma+ ye muna mwand’avelela una kakayanesa mun’owu wa luzolo lwandi.+
5 Kadi ke mu ambasi ko kasakidikila e nza ikwiza,+ ina tuvovelanga.
6 Kansi vena yo muntu wasia kimbangi mu sono kimosi, oku vo: “O muntu nki, kimana wanyindula? Yovo mwan’a muntu nki, kimana wanlunga-lunga?+
7 Wansakidika kikilu vana vena ambasi; wamvuika kolow’a nkembo yo zitu, wamvana kiyekwa kia salu ya moko maku.
8 Wasakidika lekwa yawonso kuna nsi a tambi yandi.”+ Wau kasakidika lekwa yawonso kwa yandi,+ Nzambi kasisa lekwa ko kilembi kunsakalela.+ Kansi owau, ke tumwene ntete ko vo lekwa yawonso insakalele.+
9 Kansi tumonanga Yesu, ona wasakidikwa vana vena mbasi,+ wavuikwa kolow’a nkembo yo zitu wau kamona e mpasi yamuna lufwa,+ kimana muna nsambu za Nzambi kayeleka lufwa mu kuma kia wantu awonso.+
10 Kadi diansongi kwa ndiona una vo muna kuma kiandi ye muna yandi mpe lekwa yawonso inina, muna twasa wana ayingi kuna nkembo,+ kazikula o Ntu a luvuluzu+ lwau muna mpasi.+
11 Kadi, ndiona ovaulanga y’awana bevaulwanga,+ yau awonso kwa se dimosi batuka,+ muna kuma kiaki ke monanga nsoni ko za kubayikila vo mpangi,+
12 kadi wavova vo: “Samuna isamuna nkumbu aku kwa mpangi zame; ikukembelela muna nkutakani muna nkunga.”+
13 Wavova diaka vo: “Isia vuvu kiame kwa yandi.”+ Wavova diaka vo: “Nutala! Omono yo wana ana kampana o Yave.”*+
14 Wau vo o “wana” bena e ntwadi muna menga ye nitu, oyandi mpe una e ntwadi muna menga ye nitu,+ kimana muna lufwa lwandi kafwasa ndiona una yo nkuma wa twasa lufwa,+ i sia vo, Nkadi ampemba,+
15 kimana kakûla awonso ana babundunua kwa wonga wa lufwa,+ zingu kiau kiawonso.
16 Kadi ke yikamanga ambasi ko, kansi mbongo ya Abarayama kaka keyikamanga.+
17 I kuma kafwananena ye “mpangi” zandi muna mambu mawonso,+ kimana kakituka se ngang’ambuta wa nkwa nkenda ye kwikizi muna mambu ma Nzambi, kimana katambika kimenga kia luloloko+ lwa masumu ma wantu.+
18 Wau vo yandi kibeni wamona e mpasi vava katontwa,+ wafwana mu sadisa awana betontwanga.+
