Nkunga 55:1-23
Kuna kwa ntwadisi a nkunga; uyimbidilwa muna masikilu ma nsinga. Maskile.* Nkung’a Davidi.
55 Wá sambu kiame, e Nzambi.+
Kuvezi ndomb’ame ko ya kumfwila e nkenda.*+
2 Ungwinikina yo kumpana e mvutu.+
O ntim’ame uyangamene mu kuma kia ntokani zame,+Kizeye dina mpanga ko
3 Muna kuma kia dina bevovanga mbeniYo lubangamu lwa kimpumbulu.
Kadi basakisi e mpasi zame,
Bandundidi makasi kuna nsita zawonso.+
4 O ntim’ame uyangamene kikilu ,+Wonga wa lufwa umbakidi.+
5 E wonga ye zakamu dindwakidi,E kiozi kimbakidi.
6 Mpovele vo: “Ekwe kele vo yakala yo mave nze yembe!
Yadi tilumuka kwandá, ngienda zingila vana fulu kiasikila.
7 Nga ntinini kwandá.+
Yo kala muna makanga.+ (Sela)
8 Nzaki yadi kwenda muna tininuYavavuka e tembwa kiangolo ye kimbongela.”
9 Ubatungianisa, e Yave, fungisa makani mau,*+Kadi mbwene nsoki ye ntantani muna mbanza.
10 Bezietanga vana ntandu a yaka ya mbanza fuku yo mwini;E mbi ye nsoki una muna kati.+
11 O lufwasakanu luna muna kati kwandi;O lubangamu ye luvunu ke lukatukanga vana ntanda* andi ko.+
12 Kadi ke mbeni ko untiangwini;+Kele vo i wau, yadi zizidila.
Ndiona untelamene ke ntantu ko;Kele vo i wau, yadi kunswama.
13 Kansi i ngeye, muntu nze mono,*+Nkundi ame ona ntomene zaya.+
14 Ngwizani ambote twakala yau;Twayendanga kumosi ye ndonga yakuna nzo a Nzambi.
15 Yambula lufwasu lwabalwakila!+
Bakulumuka kimoyo muna Ziami;*Kadi e mbi ina muna yau ye vana bena.
16 Vo i mono, kwa Nzambi iboka,Yave okumpuluza.+
17 Ngiangamene ntima yo buma, muna nkokela yamuna mene-mene ye midi,+Nzambi owidi nding’ame.+
18 Okumpuluza* yo kumpana luvuvamu vana vena awana bekundwanisanga,Kadi ndonga bantelamene.+
19 Nzambi owá yo kubavutulwila,+Ndiona ovuende vana kunda kiandi tuka kuna nz’ankulu.+ (Sela)
Awana ke bevuminanga Nzambi ko,+Ke bezola soba ko.
20 Onuanisi* awana bakala yandi muna luvuvamu;+Okulwidi e kangu diandi.+
21 E mvovo miandi mialeboka lutila manteka,+Kansi, muna ntim’andi muzele ye ntantani.
E mvovo miandi milutidi lelomoka ke mu mazi ko,Kansi i nsosolo miavolwa.+
22 Yekeka e zitu diaku kwa Yave,+Oyandi okusadisa.+
Kesinga yambula ko vo nsongi kabwa.+
23 Vo i ngeye, e Nzambi, okubakulumuna muna wulu diakoboka;+Abungudi a menga awaya ye akwa luvunu ke bezinga kana bula-kati kwa lumbu yau ko.+
Vo i mono, kwa ngeye ibunda e vuvu.
Mvovo vana yand'a lukaya
^ Tala Nsas’a Mvovo.
^ Yovo “Kuswekama ko vava ilomba lusadisu muna sambu.”
^ Mvovo wa sina: “swaswanesa e ndinga zau.”
^ Yanzala kiakutakenanga nkangu mu teka, sumba lekwa yo tela mambu.
^ Yovo “nkwame muntu.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Okunkûla.”
^ I sia vo, nkundi ankulu ona oyikilu muna tini kia 13 ye 14.
