Nkunga 10:1-18
ל [Lamede]
10 E Yave, ekuma otelamene kwandá?
Ekuma oswekamene muna ntangw’a mpasi?+
2 Muna lulendo lwandi kimpumbulu olakamene munkondwa nsadisi,+Kansi obakamena muna makani mandi mambi.+
3 Kadi e kimpumbulu okuyisanina muna maketo mandi*+Osambula nkwa loko;*נ [Nune]Okondwa Yave luzitu.
4 Muna umvuania wandi, e kimpumbulu ke vavanga Nzambi ko;Ezazi i ngindu zandi zawonso: “Ke vena Nzambi ko.”+
5 Mana kevanganga mesikilanga,+Kansi, e mfundisa zaku kalendi zo bakula ko;+Ovezanga* mbeni zandi zawonso.
6 Ovovele muna ntim’andi vo: “Kinikunua ko;*Kadi muna mbandu ke mbanduKisinga mona mpasi ko.”+
פ [Pe]
7 E nu’andi uzele ye sibu, luvunu ye mavumisa;+Kuna nsi a lulaka lwandi kuzele mpasi ye mbi.+
8 Oswekamene muna mafula ma mavata;Muna swekameno diandi ovondele munkondwa-kuma.+
ע [Ayine]
Meso mandi mevavanga muntu kekota nsoki.+
9 Olangidilanga muna swekameno diandi nze nkosi muna nduk’andi.*+
Olangidilanga kimana kabaka munkondwa nsadisi.
Obaka munkondwa nsadisi vava kelekanga konde diandi.+
10 Obwisa mbakami vana ntoto yo kunkosomona;E nkondami obwidi vana moko mandi.
11 Ovovele muna ntim’andi vo: “Nzambi ovilakene.+
Oswekele ndose andi.
Kamwene kwandi ko.”+
ק [Kofe]
12 Telama, e Yave.+ E Nzambi, zangula koko kwaku.+
Kuvilakani munkondwa nsadisi ko.+
13 E kimpumbulu nkia kuma kavezele Nzambi?
Ovovele muna ntim’andi vo: “Ke kumfundisa ko.”
ר [Rese]
14 Kansi ngeye omonanga e nsoki ye mpasi.
Otadidi, osidi diambu diadi vana koko.+
Ndiona okotelo nsoki ovilukidi kwa ngeye;+
Ongeye u nsadisi a mwan’a nsona.*+
ש [Sime]
15 Tolola koko kwa kimpumbulu,+Kadi avo otombele mbi andi,Kusolola yo ko.
16 Yave i Ntinu a mvu ya mvu.+
E zula ivididi ova nza.+
ת [Tau]
17 Kansi, owá e ndomba za nlembami, e Yave.+
Okumika ntima miau+ yo kubatamba o matu.+
18 Ozenga diambu dia wan’a nsona ye mimbona-mpasi muna unsongi,+Kimana muntu una vo wa nza kalembi kubamwesa diaka wonga.+
Mvovo vana yand'a lukaya
^ Yovo “zolela ya moyo andi.”
^ Nanga, “Nkwa loko okuyisambula.”
^ Yovo “Okufununanga.”
^ Yovo “Kilendi bwa ko.”
^ Yovo “vana fulu kiandi kialeka.”
^ Yovo “munkondwa se.”
