Ngana 24:1-34
24 Kumweni wantu ambi kimpala ko,Ngatu zinukina kikundi kiau,+
2 Kadi ntima miau nsoki kaka miyindulanga,E befo yau mambu mambi ivovanga.
3 Muna ngangu i mutungilwa e nzo,*+Muna umbakuzi isikidila.
4 Muna zayi i muzadisilwa masuku mandiYe tusalu twawonso twa ntalu yo wete.+
5 O nkwa ngangu nkwa ngolo,+Muna zayi o muntu owokesanga e ngolo zandi.
6 Muna luludiku lwa ngangu onuanina vita,+Muna ulolo wa aludiki i mwina e nsundidi.*+
7 O zowa kalendi vua ngangu zakieleka ko;+Kena ye diambu diavova ko vana vitu dia mbanza.
8 Ona okananga e mbiOyikilwa vo nkwa ntantani.+
9 O makani ma uzowa* i sumu,O mvezi wangemi kwa wantu.+
10 Avo okendalele muna lumbu kia mpasi,E ngolo zaku zikuluka.
11 Vuluza awana se benatwa kuna lufwa,Vuluza awana se bevondwa.+
12 Avo nuvovele vo, “Ediadi ke tuzeye dio ko,”Nga ndiona ofimpanga ntima* ke bakula dio ko e?+
Elo, ndiona okunutalanga, ozaya dioYo senda konso muntu mun’owu wa mavangu mandi.+
13 E mwan’ame, dia wiki kadi wambote;O wiki wa sasala, wazenza muna nua.
14 Diau dimosi mpe, zaya wo vo e ngangu zambote kwa ngeye.*+
Avo solwele zo, okala ye zingu kiambote kuna sentu
E vuvu kiaku ke kikatulwa ko.+
15 Kukondelela lukufi ye nzo a nsongi ko nze kimpumbulu;Kufwasi vundilu diandi ko.
16 Kadi, o nsongi kana nkutu obwidi nkumbu nsambwadi, telama ketelama,+Kansi e yimpumbulu bebwa mvimba muna kuma kia mpasi.+
17 Avo mbeni aku obwidi, kuyangalala ko,Avo otele sakuba, kumoni kiese ko muna ntima;+
18 Ozevo, Yave omona wo yo kendalala,Ovilula makasi mandi muna yandi.*+
19 Kukendalala ko mu kuma kia wantu ambi;Kumweni yimpumbulu kimpala ko,
20 Kadi yimpumbulu ke bena ye vuvu kia kusentu ko;+E minda mia yimpumbulu zimwa mizimwa.+
21 E mwan’ame, vumina Yave yo ntinu.+
Kukadi ntwadi ye akolami* ko.+
22 Kadi e mpasi zau ku kinsalukisa zikwizila.+
Nani ozeye mpasi bekubatwasila?*+
23 E diambu diadi mpe dia nkwa ngangu:
O tala e ndose ke diambu diambote ko muna mfundu.+
24 Ndiona ovovesa kimpumbulu vo: “Ngeye u nsongi,”+Sibwa kesibwa kwa minkangu yo tumbwa kwa zula.
25 Awana bekuntumba bemona o wete;+Sambulwa besambulwa ye lekwa yambote.+
26 O nkangu ufiba e befo ya ndiona ovana mvutu za ziku.*+
27 Kubika salu kiaku kuna mbazi, sisa mawonso makubama kuna mpatu;I bosi otunga nzo aku.*
28 Kusidi nkwaku kimbangi ko kondwa ziku.+
Kuvunginiki ankaka muna befo yaku ko.+
29 Kuvovi ko vo: “Ikumvanga una kampangidi;Ikumvutula dina kavangidi.”*+
30 Mviokele muna mpatu ya molo,+Muna mpatu a vinyu ya munkondwa-ngangu.*
31 Mbwene vo mpatu yawonso yazala ye mbundu;O ntoto wazala ye nkeka za mfinda,E yaka kiandi kia matadi kiafwasakana.+
32 Mbwene ediadi, nsidi dio mu ntima;Mbwene dio, ndongokele diambu edi:*
33 Fitulu-tulu, finimba-nimba,Finzinga-nzinga moko muna leka,
34 Usukami waku ukwiza nze mwivi,E nkondelo aku nze muntu una ye nuaninua.+
Mvovo vana yand'a lukaya
^ Yovo “esi nzo.”
^ Yovo “luvuluzu.”
^ Yovo “Makani mazowa.”
^ Yovo “makani.”
^ Yovo “za nzenzo muna moyo aku.”
^ I sia vo, mbeni.
^ Yovo “ana bevavanga nsobani.”
^ I sia vo, Yave yo ntinu.
^ Nanga, “Ovana mvutu zambote difwanane ye mfibu.”
^ Yovo “osikidisa esi nzo aku.”
^ Yovo “Kunda ikunlanda.”
^ Mvovo wa sina: “munkondwa-ntima.”
^ Mvovo wa sina: “ntambwidi longi.”
