Ngana 14:1-35
14 O nkento a ngangu otunganga nzo andi,+Kansi nkento azowa obangulanga yo muna moko mandi.
2 Ndiona okangalelanga muna unsongi Yave kevuminanga,Kansi ona okangalelanga muna nzila zabendomoka okumvezanga.
3 O lubamba lwa umvuania luna muna nua mia mazowa,Kansi e befo y’akwa ngangu tanina ikubatanina.
4 Vana vakondelo ngombe, e dikilwa kiavelela,Kansi o nkum’a ngombe uwokesanga nsâlu.
5 E mbangi aziku ke vunanga ko,Kansi mbangi aluvunu, vuna kaka kevunanga.+
6 O mvezi ovavanga ngangu, ke solola zo ko,Kansi o zayi sazu ukwiza kwa nkwa umbakuzi.+
7 Vavuka vana vena e zowa dia muntu,Kadi kumona zayi muna befo yandi ko.+
8 E ngangu zifilanga nlungaladi kabakula nzil’andi,Kansi mazowa bevunginikinua* muna uzowa wau.+
9 O mazowa besevanga e ngielele,*+Kansi luzolo lwa vanga ungudi luna vana vena ansongi.
10 Konso ntima uzeye mpasi zandi,Ke vena muntu ko olenda kala ntwadi muna kiese kiandi.
11 E nzo a yimpumbulu fwaswa ifwaswa,+Kansi e saba kia ansongi sakumuka kisakumuka.
12 Vena ye nzila imonekanga kwa muntu vo yambote,+Kansi e mbaninu andi i lufwa.+
13 Kana muna tusevo, o ntima ulenda mona e mpasi,E kiese kilenda manina muna ntantu.
14 O nkolami muna ntima, obaka mfwilu mia nzila zandi,+Kansi muntu ambote obaka nsendo a mavangu mandi.+
15 O muntu wakondwa ngangu okwikilanga konso diambu,Kansi nlungaladi otoma kebanga konso lutambi.+
16 O nkwa ngangu walungalala, ovengomokanga muna mbi,Kansi o zowa ke nlungaladi ko* ye okuyibundanga vuvu kiasaka.
17 Ndiona ofunganga makasi mu nzaki dia uzowa kevanganga,+Kansi muntu otoma yindulanga, omengwanga.
18 Wantu bakondwa ngangu kizowa bevua,Kansi, alungaladi bevuikwanga kolowa kia zayi.+
19 Wantu ambi befukama vana ntadisi a wantu ambote,Kansi, yimpumbulu befukama muna mielo mia ansongi.
20 O nsukami omengwanga kana nkutu kwa akwandi,+Kansi akundi a mvuama ayingi.+
21 Ndiona ovezanga nkwandi, sumu kenatanga,Kansi ndiona ofwilanga asukami e nkenda, nkwa kiese.+
22 Awana bekananga e mbi, nga ke bevila ko e?
Kansi awana bevanganga o wete besongwa walakazi ye ziku.+
23 Muna mfuntu wawonso muna ye nluta,Kansi e moko yankatu, sukamesa isukamesanga.+
24 E kolowa y’akwa ngangu i kimvuama kiau;Kansi uzowa wa mazowa i uzowa kaka.+
25 O mbangi akieleka mioyo kevuluzanga,Kansi o mbangi aluvunu, luvunu kaka kevovanga.
26 Muna vumi wa Yave o muntu osolola vuvu kiasikila,+Ye tininu kuna kwa wan’andi.+
27 O vumi wa Yave i nto a moyo,Uvengomonanga muntu muna masokolo ma lufwa.
28 Muna ulolo wa wantu i mwina nkembo a ntinu,+Kansi o mfumu wakondwa nkangu, mpavala kwandi.
29 Ndiona olembi funganga makasi mu nzaki, umbakuzi wayingi kena wau,+Kansi ndiona ofunganga makasi mu nzaki, uzowa wandi kesonganga.+
30 Ntim’a vuvama i moyo* muna nitu,Kansi e kimpala kiwolesa e visi.+
31 Ndiona oyiyanga nsukami, Mvangi andi ketiangunanga,+Kansi ndiona ofwilanga nsukami e nkenda Mvangidi andi kekembelelanga.+
32 E kimpumbulu obwisilwa muna mbi andi,Kansi o nsongi osolola tininu muna kwikizi kiandi.+
33 E ngangu zivuende pi-i muna ntim’a nkwa umbakuzi,+Kansi vana vena mazowa senzeka zikuyisenzekanga.
34 Unsongi utundidikanga e zula,+Kansi e sumu i nsoni kuna kwa nkangu.
35 O ntinu oyangalela ntaudi a ngangu,+Kansi makasi mandi mefusukila ndiona o vanganga mambu mansoni.+
Mvovo vana yand'a lukaya
^ Nanga, “bevunanga akaka.”
^ Yovo “ngindu zasingika diambu.”
^ Yovo “o zowa nkwa lulendo.”
^ Yovo “vimpi.”
