Ngana 18:1-24
18 Ndiona okuyivambulanga zolela ya yandi kibeni kevavanga;Ovezanga ngangu zawonso zavimpi.
2 O zowa ke yangalelanga umbakuzi ko;Oyangalelanga vaikisa mana mena mu ntim’andi.+
3 Avo yimpumbulu izidi, o luvezo mpe lwizidi,O luvezo i lutwasanga e nsoni.+
4 E mvovo mia nu’a muntu i maza masina,E nto a ngangu i nkukul’a maza.+
5 Ke diambote ko mu sia e mpambula muna wete dia kimpumbulu+Ngatu yambula vana ndungidi kwa nsongi.+
6 E mvovo mia zowa, ntantani mitwasanga,+Nu’andi uyangumunanga nkindu.+
7 O nu’a zowa i lufwasu lwandi,+E befo yandi i ntambu a moyo andi.
8 E mvovo mia nkwa makumbu mina nze madia mantomo;+Meminukanga mu sazu yo lelomoka yamuna kati kwa vumu.+
9 Ndiona osadilanga muna kimoloMpangi a mfwasi.+
10 E nkumbu a Yave i nzo yandá yangolo.+
O nsongi otininanga mo yo taninua.*+
11 E kimvuama kia mvuama i mbanz’andi angolo;Muna ngindu zandi kina nze yaka kia lutaninu.+
12 O muntu vitila kabwa, o ntim’andi wa lulendo,+Lulembamu luvitanga nkembo.+
13 Ovana e mvutu lembi teka wá,Dia uzowa ye nsoni.+
14 O nkwa unkabu olenda zizidila mayela,+Kansi nani olenda zizidila ntim’a kosomoka?*+
15 O ntima wa nkwa umbakuzi uvuanga nzayilu,+O kutu kwa nkwa ngangu kuvavanga nzayilu.
16 O lukau lwa muntu lukunziulwilanga e nzila;+Lukunsadisanga mu lwaka kwa akwa tunda.
17 Ndiona ovita fundanga nkwandi, omonekanga vo ndungidi kena yau,+Yavana kilwaka nkwandi kantungulula.*+
18 E nkas’a mienze ifokolanga e ntantani+Yo zenga e diambu vana vena mbeni zankuma.
19 Olembeka mpangi ofwemene disundidi mpasi ke mu baka mbanz’a ngolo ko,+Vena ye ntantani zina nze mbindi za mavitu ma mbanz’angolo.+
20 Muna mbongo a mvovo miandi,* o muntu ozadisa vumu kiandi;+Yo yukuta muna mbongo a befo yandi.
21 O lufwa ye moyo una muna wisa kia lubini;+Awana bezolanga lo sadila, bedia mbongo andi.+
22 Ndiona osolwele nkento ambote, osolwele lekwa kiambote,+Yo vua dienga dia Yave.+
23 O nsukami ododokelanga mvuama muna kunlomba lusadisu,Kansi o mvuama okumvananga e mvutu za lutiangu.
24 Vena ye akundi bevavanga kota nsoki kwa muntu yo nkwandi,+Kansi vena ye nkundi ona otatidilanga lutila mpangi.+
Mvovo vana yand'a lukaya
^ Mvovo wa sina: “osiwa vana fulu kiazangama,” i sia vo, fulu ke kilendi lwaka muntu ko, ovuluzwa.
^ Yovo “vuvu kia dimbuka.”
^ Yovo “katoma kunyuvula.”
^ Yovo “mia nu’andi.”
