Vava mase bezolaziananga yo zitisa muntu yo nkwandi, disadisanga mwana mu sansukila mu mpila yambote. (Kolosai 3:14, 19) Mase mambote bezolanga wan’au yo kubasanisina nze una Yave wa Nzambi kavanga kwa Mwan’andi.—Tanga Matai 3:17.

O S’eto kuna zulu owanga e selo yandi vava besambanga yo sia e sungididi mu mana mekubatokanesanga. Diau dimosi mpe, mase bafwete tanginina mbandu a Yave vava wan’au bevovanga. (Yakobo 1:19) Bafwete bakulanga e ngindu za wan’au ye mana mekubatokanesanga.—Tanga Ntalu 11:11, 15.

Yeno mase luna ye wisa kia sikidisa e nsiku muna nzo. (Efeso 6:1) Nulanda e mbandu a Nzambi. Yave osonganga zola kwa wan’andi muna sikidisa yo toma kiesesa e nsiku miandi ye mfwilu balenda baka avo bakolamene mio. (Etuku 3:3) Kansi, vana fulu kia kubakomekena vo banlemvokela, Nzambi osonganga e nluta balenda vua muna lemvokela nsiku miandi.—Tanga Yesaya 48:18, 19.

Kala ye kani dia sadisa o wan’aku bazola Nzambi. Muna mpila yayi, bevanga oma mansongi kana nkutu vo ke luna vamosi ko. Nze una Nzambi kelongelanga muna mbandu, nusadisa wan’eno bazola Nzambi muna kubasonga mbandu ambote.—Tanga Nsiku 6:5-7; Efeso 4:32; 5:1.