Kuna kwa Esi Efeso 5:1-33
5 Dianu vo, nukala atanginini a Nzambi+ nze wan’anzolwa,
2 nukangalela muna zola,+ wauna o Kristu katuzolela*+ yo kuyitambika muna wete dieto* se lukau ye kimenga, kia nsunga zambote kuna kwa Nzambi.+
3 O mavangu ma zumba* yo usafu wa mpila zawonso ye loko ke dilendi yikwa nkutu ko vovo nuina,+ wauna ufwanukini kwa nkangu wavelela;+
4 ngatu mambu mansoni yovo moko ya uzowa ngatu nsaka za usafu+—mambu mena vo ke mansongi ko—kansi nuvutulanga matondo kwa Nzambi.+
5 Kadi nuzeye ediadi yo toma dio sungamena yeno kibeni vo, kana munta-zumba*+ yovo mundembi-velela yovo nkwa loko,+ i sia vo, nsambidi a teke, kena ye vua ko muna Kintinu kia Kristu ye kia Nzambi.+
6 Ke nuyambula muntu ko kanuvuna muna mvovo miakondwa mfunu, kadi muna mambu mama i mukwizila makasi ma Nzambi kwa wan’akolami.
7 Dianu vo, ke nukadi yau ntwadi ko;
8 kadi nuakala nze tombe, kansi owau nuina nze ntemo+ muna Mfumu.+ Nukangalelanga nze wan’a ntemo,
9 kadi e mbongo a ntemo i mawonso mambote, mansongi ye maludi.+
10 Nuvavanga zaya mana meyangidikanga+ o Mfumu;
11 nuyambula kala yau entwadi muna mavangu ma tombe+ makondwa o mfunu; kansi nusenzeka mo.
12 Kadi mana bevangilanga kuna kinsweki diansoni nkutu muna mo yika.
13 Mambu mawonso masenzamene,* ntemo osenzekele mo, kadi mawonso mana masenzamene i ntemo.
14 I kuma diavovelwa vo: “Ongeye olele, sikama, fuluka muna mafwa,+ Kristu okutemena.”+
15 Dianu vo, nutoma tala e mpila nukangalelanga, ke nukangadi nze mazowa ko, kansi nze akwa ngangu kaka,
16 Nutoma sadilanga e ntangw’eno,*+ e kuma kadi e lumbu yambi.
17 Muna diadi, ke nukadi nze minkondwa-ngangu ko, kansi nuvavanga zaya owu wina luzolo lwa Yave.*+
18 Ke nukolwa vinyu ko,+ ina ifilanga muna mavangu ma usafu,* kansi nuzala kaka yo mwanda.
19 Nuvovaziana muna nkunga, nusanisina Nzambi, muna nkunga mia kimwanda, nuyimbila+ yo landa nkunga+ muna ntima mieno kuna kwa Yave,*+
20 ntangwa zawonso twatondanga+ Nzambi eto ye Se muna mambu mawonso, muna nkumbu a Mfumu eto Yesu Kristu.+
21 Nusakalela muntu yo nkwandi+ muna vumi wa Kristu.
22 Yambula nkento kasakalela nkaz’andi+ nze kuna kwa Mfumu,
23 kadi yakala i ntu a nkaz’andi+ wauna Kristu kenena se ntu a nkutakani,+ yandi i mvuluzi a nitu yayi.
24 Wauna e nkutakani isakalelanga Kristu, akento mpe bafwete sakalelanga akazi au muna mawonso.
25 Akala, nuzolanga akazi eno+ wauna Kristu kazolela e nkutakani yo kukiyekola mu kuma kia nkutakani,+
26 wavaula yo, wavelelesa yo muna nsukul’a maza ma Diambu dia Nzambi,+
27 kimana kakitula e nkutakani se ya nkembo vana ndose andi, yakondwa e tona yovo fu ngatu mambu mena wau,+ kansi yakala kaka yavelela yo kondwa e mbi.+
28 Diau dimosi mpe, o yakala kafwete zolanga nkaz’andi wauna kezolelanga e nitu a yandi kibeni. Yakala ona ozolanga nkaz’andi, zola kekukizolanga,
29 kavena muntu ko omenganga e nitu andi, kansi odikilanga yo lunga-lunga yo wauna Kristu kevanganga kwa nkutakani,
30 e kuma kadi oyeto tu yîkwa ya nitu andi.+
31 “Muna kuma kiaki, o yakala osisa se diandi yo ngudi andi yo tatidila nkaz’andi, yau awole bekala se nitu mosi.”+
32 E mbumba yayi yavauka+ yanene kikilu. Mpovele wo muna kuma kia Kristu ye nkutakani.+
33 Dianu vo, konso yakala vovo nuina kafwete zolanga nkento andi+ nze yandi kibeni; vo i nkento kafwete toma zitisanga yakala diandi.+
Mvovo vana yand'a lukaya
^ Nanga, “kanuzolela.”
^ Nanga, “wete dieno.”
^ Muna Kingerekia, por·nei′a. Tala Nsas’a Mvovo, “Mavangu ma Zumba.”
^ Tala Nsas’a Mvovo, “Mavangu ma Zumba.”
^ Yovo “matumbilu.”
^ Mvovo wa sina: “Nusumbanga e ntangwa.”
^ Yovo “umpumbulu.”
