တနံၣ်ဘၣ်တနံၣ်န့ၣ် ယဟိဝၤပှၤအုၣ်အသးတဖၣ် ဒီးပှၤလၢအကကွဲၢ်တဖၣ် လၢဟီၣ်ခိၣ်ဒီဘ့ၣ်န့ၣ် မၤဝဲတၢ်သ့ၣ်နီၣ်ထီၣ်ယ့ၣ်ၡူး အတၢ်သံအမူး ဒ်ယ့ၣ်ၡူးမၤလိာ်တ့ၢ်ဝဲအသိး. (လူၤ ၂၂:၁၉) မူးပွဲတခါအံၤန့ၣ် ကမၤစၢၤပှၤဒ်သိး ပကနၢ်ပၢၢ်ထီၣ်လၢ ယ့ၣ်ၡူးအတၢ်ဟ့ၣ်လုၢ်ထီၣ် သးသမူလၢ ပှၤဟီၣ်ခိၣ်ဖိအဂီၢ်န့ၣ် မ့ၢ်တၢ်လၢ အရ့ဒိၣ်ဝဲထဲလဲၣ်. တကးဒံးဘၣ် ကမၤစၢၤပှၤ ဒ်သိးပကသ့ၣ်ညါဘၣ်လၢ ယ့ၣ်ၡူးအတၢ်ပှ့ၤက့ၤန့ၣ် ကကဲဘျုးလၢပဂီၢ် လၢဆၢကတီၢ်ခဲအံၤ ဒီးခါဆူညါဒ်လဲၣ်စ့ၢ်ကီး.—ယိၤဟၣ် ၃:၁၆.

 နလဲၤထီၣ် တၢ်သ့ၣ်နီၣ်ထီၣ်က့ၤအမူးမ့ၢ်ဂ့ၤ တလဲၤဘၣ်မ့ၢ်ဂ့ၤ နဒိးန့ၢ်ဘၣ်အဘျုးလၢ ယ့ၣ်ၡူးအတၢ်ပှ့ၤက့ၤ ကသ့ဒ်လဲၣ်. ယ့ၣ်ၡူးတဲဝဲလၢ ပကဘၣ်မၤ တၢ်လၢအရ့ဒိၣ်ခံမံၤ–

1.  ၁. မၤလိ ကစၢ်ယွၤအဂ့ၢ် ဒီးယ့ၣ်ၡူးအဂ့ၢ်. ယ့ၣ်ၡူးဃ့ထုကဖၣ် လၢအပါအအိၣ်လၢ “ဒ်သိး ပှၤကန့ၢ်ဘၣ် တၢ်မူအထူအယိာ်အဂီၢ် အဝဲသ့ၣ် ကဘၣ်သ့ၣ်ညါထီၣ်နၤ လၢအမ့ၢ် ကစၢ်ယွၤ အမ့ၢ်အတီထဲ တဂၤဧိၤ ဒီးယ့ၣ်ၡူးခရံာ်လၢ နဆှၢလီၤအီၤ တဂၤန့ၣ်လီၤ.”—ယိၤဟၣ် ၁၇:၃.

2.  ၂. မၤထွဲတၢ်လၢ နမၤလိဘၣ်အီၤတဖၣ်. ယ့ၣ်ၡူးတဲဝဲလၢ ပကဘၣ်မၤထွဲ တၢ်လၢအဝဲ သိၣ်လိဝဲတဖၣ်. အဒိ ဖဲအဝဲစံၣ်တဲၤတဲလီၤတၢ်လၢ တၢ်လူၢ်ခိၣ် ဘူးကဝံၤအခါ အစံးပတြၢၤဝဲ ပှၤလၢအ ‘ဒိကနၣ် အကလုၢ်ဒီးမၤထွဲဝဲ.’ (လူၤကၣ် ၆:၄၆-၄၈) ဒီးဘၣ်တဘျီ အဝဲတဲဝဲလၢ “သုမ့ၢ်သ့ၣ်ညါ တၢ်ဂ့ၢ်တဖၣ်အံၤ ဒီးသုမ့ၢ် မၤထွဲအီၤန့ၣ် သုကသးခုလီၤ.”—ယိၤဟၣ် ၁၃:၁၇.

 နအဲၣ်ဒိးသ့ၣ်ညါအါထီၣ် ကစၢ်ယွၤ ဒီးယ့ၣ်ၡူးအဂ့ၢ်ဧါ. နကဘၣ်မၤထွဲ တၢ်လၢနမၤလိအီၤတဖၣ် ဒ်လဲၣ်န့ၣ် နအဲၣ်ဒိးသ့ၣ်ညါဧါ. မ့မ့ၢ် ဒ်န့ၣ်န့ၣ် တၢ်ဂ့ၢ်လၢတၢ်ဖီလာ်တဖၣ်အံၤ ကမၤစၢၤနၤ.

 ပတၢ်မၤလိလံာ်စီဆှံ တၢ်ရဲၣ်တၢ်ကျဲၤ လၢတလိၣ်ဟ့ၣ်စ့ဘၣ်န့ၣ် မၤစၢၤပှၤအါဂၤ ဒ်သိး ကဃုသ့ၣ်ညါ လံာ်စီဆှံ ဒီးမၤထွဲဝဲလၢ အတၢ်အိၣ်မူပူၤအဂီၢ်လံ.

•    ဒ်သိး နကသ့ၣ်ညါအါထီၣ် တၢ်မၤလိလံာ်စီဆှံ အတၢ်ရဲၣ်တၢ်ကျဲၤအံၤအဂီၢ် စံၢ်လီၤလၢ တၢ်မၤလိလံာ်စီဆှံဒီး ပှၤလၢအသိၣ်လိလံာ်စီဆှံ တဂၤဂၤ.

•    နမ့ၢ်အဲၣ်ဒိး သ့ၣ်ညါဘၣ်ဃးဒီး ပှၤမၤလိလံာ်စီဆှံဒီး ယဟိဝၤပှၤအုၣ်အသးန့ၣ် မၤသးဒ်လဲၣ်န့ၣ် ကွၢ်တၢ်ဂီၤမူ လၢအမ့ၢ် ပသးခုလၢ နကမၤလိလံာ်စီဆှံ.

 ယဟိဝၤပှၤအုၣ်အသးတဖၣ်န့ၣ် မၤဝဲတၢ်အိၣ်ဖှိၣ် တနွံခံဘျီ လၢတၢ်အိၣ်ဖှိၣ်လီၢ်. လၢတၢ်အိၣ်ဖှိၣ်ပူၤန့ၣ် ပှၤတဲသကိး လံာ်စီဆှံအဂ့ၢ် ဒီးပှၤကဘၣ် မၤထွဲအီၤဒ်လဲၣ်အဂ့ၢ်.

 ပှၤမ့ၢ်တကဲ ယဟိဝၤပှၤအုၣ်အသးသနာ်က့ ပှၤဟဲထီၣ်ဝဲ တၢ်အိၣ်ဖှိၣ်အံၤ သ့ဝဲကိးဂၤဒဲး. ဒ်နလီၢ်ကဝီၤ တၢ်အိၣ်သးအိၣ်ဝဲအသိး နဟဲထီၣ်တၢ်အိၣ်ဖှိၣ်လၢ တၢ်အိၣ်ဖှိၣ်လီၢ် မ့တမ့ၢ် နထီၣ်လၢ အ့ၤထၢၤနဲၣ်အပူၤသ့.

•    နမ့ၢ်အဲၣ်ဒိးသ့ၣ်ညါ ဘၣ်ဃးဒီး ပထီၣ်တၢ်အိၣ်ဖှိၣ်ဒ်လဲၣ်န့ၣ် ကွၢ်တၢ်ဂီၤမူလၢအမ့ၢ် ဖဲဘီမုၢ်ဘျီၣ်ဒိၣ်န့ၣ်ပှၤမၤတၢ်မနုၤလဲၣ်.

•    ဒ်သိး နကထံၣ်န့ၢ်တၢ်အိၣ်ဖှိၣ်လီၢ်လၢ အဘူးဒီးနၤအဂီၢ် စံၢ်လီၤကွၢ်ဖဲ ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်ရိဖှိၣ်.

 တၢ်ဂ့ၢ်တၢ်ကျိၤ ဒီးတၢ်ဂီၤမူတဖၣ်လၢ ဝဲးပဆဲးအံၤအပူၤန့ၣ် ကမၤစၢၤပှၤဒ်သိး ပကသ့ၣ်ညါအါထီၣ် ယ့ၣ်ၡူးအတၢ်သိၣ်လိ ဒီးအတၢ်ပှ့ၤက့ၤန့ၣ် အလုၢ်ဒိၣ်ပှ့ၤဒိၣ်ဝဲဒိၣ်မး.

 အဒိ, နမ့ၢ်အဲၣ်ဒိးသ့ၣ်ညါ ဘၣ်ဃးဒီး ပှၤတဂၤအတၢ်သံန့ၣ် ကဲဘျုးလၢ ပှၤလၢအကကွဲၢ်တဖၣ် အဂီၢ်ကသ့ဒ်လဲၣ်န့ၣ် ဖးကွၢ်တၢ်ဂ့ၢ်လၢအမ့ၢ် “ယ့ၣ်ၡူး အုၣ်က့ၤခီၣ်က့ၤပှၤဒ်လဲၣ်,” “ဘၣ်မနုၤအဃိ ယ့ၣ်ၡူးဘၣ်တူၢ်ဝဲတၢ်နးတၢ်ဖှီၣ် ဒီးဘၣ်သံဝဲလဲၣ်” ဒီးကွၢ်တၢ်ဂီၤမူလၢအမ့ၢ် ဘၣ်မနုၤအဃိ ယ့ၣ်ၡူးတူၢ်သံအသးလဲၣ်.