ಯೆಶಾಯ 35:1-10
35 ಕಾಡು ಮತ್ತು ಬರಡು ಭೂಮಿ ಸಂಭ್ರಮಪಡುತ್ತೆ,+ಬಯಲು ಪ್ರದೇಶ ಉಲ್ಲಾಸಿಸ್ತಾ ಹೂಗಳಿಂದ ಕಂಗೊಳಿಸುತ್ತೆ.+
2 ಅದು ತಪ್ಪದೇ ಅರಳುತ್ತೆ,+ಸಂತೋಷದಿಂದ ಹರ್ಷಧ್ವನಿಗೈಯುತ್ತೆ.
ಲೆಬನೋನಿನ ಘನತೆಯನ್ನ,+ಕರ್ಮೆಲಿನ+ ಮತ್ತು ಶಾರೋನಿನ ವೈಭವವನ್ನ+ ಅದಕ್ಕೆ ಕೊಡಲಾಗುತ್ತೆ.
ಯೆಹೋವನ ಮಹಿಮೆಯನ್ನ, ನಮ್ಮ ದೇವರ ಭವ್ಯತೆಯನ್ನ ಅವರು ನೋಡ್ತಾರೆ.
3 ಬಲಹೀನವಾಗಿರೋ ಕೈಗಳನ್ನ ಬಲಪಡಿಸಿ,ನಡುಗ್ತಿರೋ ಮೊಣಕಾಲುಗಳನ್ನ ದೃಢಪಡಿಸಿ.+
4 ಚಿಂತೆಯಲ್ಲಿ ಇರುವವರಿಗೆ* ಹೀಗೆ ಹೇಳಿ“ಧೈರ್ಯವಾಗಿರಿ, ಹೆದರಬೇಡಿ.
ನೋಡಿ! ನಿಮ್ಮ ಶತ್ರುಗಳಿಗೆ ಸೇಡು ತೀರಿಸೋಕೆ,ಪ್ರತೀಕಾರ ತಗೊಳ್ಳೋಕೆ ಸ್ವತಃ ನಿಮ್ಮ ದೇವರೇ ಬರ್ತಾನೆ.+
ಆತನು ಬಂದು ನಿಮ್ಮನ್ನ ರಕ್ಷಿಸ್ತಾನೆ.”+
5 ಆ ಸಮಯದಲ್ಲಿ ಕುರುಡನಿಗೆ ಕಣ್ಣು ಕಾಣಿಸುತ್ತೆ,+ಕಿವುಡನಿಗೆ ಕಿವಿ ಕೇಳಿಸುತ್ತೆ.+
6 ಆ ಸಮಯದಲ್ಲಿ ಕುಂಟ ಜಿಂಕೆ ತರ ಜಿಗಿತಾನೆ,+ಮೂಕ* ಖುಷಿಯಿಂದ ಕೂಗ್ತಾನೆ.+
ಮರುಭೂಮಿಯಲ್ಲಿ ನೀರು ಉಕ್ಕಿ ಬರುತ್ತೆ,ಬಯಲು ಪ್ರದೇಶದಲ್ಲಿ ತೊರೆಗಳು ಹರಿಯುತ್ತೆ.
7 ಬೆಂಗಾಡು ಗಿಡಗಳಿರೋ ಕೆರೆ ತರ ಆಗುತ್ತೆ,ಬತ್ತಿದ ನೆಲದಲ್ಲಿ ನೀರಿನ ಬುಗ್ಗೆಗಳು ಹುಟ್ಟಿಕೊಳ್ತವೆ,+ಗುಳ್ಳೆನರಿಗಳು ವಿಶ್ರಾಂತಿ ತಗೊಳ್ತಿದ್ದ ಸ್ಥಳದಲ್ಲಿ+ಹಸಿರುಹುಲ್ಲು, ಆಪುಹುಲ್ಲು ಮತ್ತು ಪಪೈರಸ್‌ ಮೊಳಕೆ ಒಡೆಯುತ್ತೆ.
8 ಒಂದು ಹೆದ್ದಾರಿ ಇರುತ್ತೆ,+ಹೌದು, ಪವಿತ್ರ ದಾರಿ ಅನ್ನೋ ದಾರಿ ಇರುತ್ತೆ.
ಯಾವ ಅಶುದ್ಧನೂ ಅದ್ರಲ್ಲಿ ಪ್ರಯಾಣ ಮಾಡಲ್ಲ.+
ಯೋಗ್ಯರು ಮಾತ್ರ ಅದ್ರಲ್ಲಿ ನಡಿತಾರೆ,ಯಾವ ಮೂರ್ಖನೂ ದಾರಿತಪ್ಪಿ ಅದ್ರಲ್ಲಿ ಬರಲ್ಲ.
9 ಸಿಂಹ ಅಲ್ಲಿರಲ್ಲ,ಕ್ರೂರವಾಗಿರೋ ಕಾಡುಮೃಗಗಳು ಅಲ್ಲಿಗೆ ಬರಲ್ಲ.
ಅವು ಅಲ್ಲೆಲ್ಲೂ ಕಾಣಲ್ಲ.+
ಬಂದಿವಾಸದಿಂದ ಬಿಡುಗಡೆಯಾಗಿ ಬಂದವರು ಮಾತ್ರ ಅಲ್ಲಿ ನಡಿತಾರೆ.+
10 ಯೆಹೋವ ಯಾರನ್ನ ಬಿಡಿಸ್ತಾನೋ ಅವರು ಸಂತೋಷದಿಂದ ಜೈಕಾರ ಹಾಕ್ತಾ ಚೀಯೋನಿಗೆ ವಾಪಸ್‌ ಬರ್ತಾರೆ.+
ಯಾವತ್ತೂ ಅಳಿದುಹೋಗದ ಸಂತೋಷ ಅನ್ನೋ ಕಿರೀಟ ಅವ್ರ ತಲೆಗಳ ಮೇಲೆ ಇರುತ್ತೆ.+
ಸಂಭ್ರಮ, ಸಂತಸ ಅವರದ್ದಾಗುತ್ತೆ,ಗೋಳಾಟ, ನರಳಾಟ ಅವ್ರನ್ನ ಬಿಟ್ಟು ಓಡಿಹೋಗುತ್ತೆ.+
