“Qilaap Naalagaaf­fiata matuersaatai” inuit ‘Guutip naalagaaf­fianut iser­nis­samik’ periarfis­sin­nis­saan­nut oqar­tus­saas­sutsimut as­sersuutaap­put. (Mat­thæusi 16:19; Apustilit Suliaat 14:22) a “Qilaap Naalagaaf­fiata matuersaatai” Jiisusip Petrusimut tun­niup­pai. Tas­sa inuit aalajaatsut Guutip anersaavanik il­ler­nar­tumik tunineqar­nermik­kut Qilaap Naalagaaf­fianut iser­nis­samik im­mik­kut pisin­naatitaaf­feqalersin­naaneran­nik paasitin­nis­saat Petrusip oqar­tus­saaf­figiler­paa.

Matuersaatit Petrusip atugai kikkunnit iluaqutigineqarpat?

 Petrusip oqar­tus­saas­suseq Guutimit pisani inuit eqimat­tat pingasut Guutip naalagaaf­fianut iser­nis­samik periarfis­sin­nis­saan­nut ator­paa:

1.   Juutit juutinngortullu. Jiisusip toqunerata kingunin­ngua Petrusip juuter­pas­suit up­per­tut Jiisusi Guutimit Naalagaaf­fim­mi naalak­kersuisus­satut toq­qak­katut akuereq­qul­lugu kajumis­saar­pai. An­naan­neqas­sagunik qanoq ilior­tariaqar­neran­nik Petrusip paasitip­pai. Taamaalil­luni Guutip naalagaaf­fianut iser­nis­samik periarfis­sip­pai, inuil­lu tuusintil­lit Petrusip ‘oqaasii ilas­sivaat’. – Apustilit Suliaat 2:38-41.

2.   Samariamiut. Petrusi kingusin­nerusuk­kut Samariamiunut aal­lar­tin­neqar­poq. b Apustili Johan­nesi peqatigalugu Samariamiut ‘anersaamik il­ler­nar­tumik peq­qul­lugit’ qin­nuk­kamigit Qilaap Naalagaaf­fiata matuersaataasa aap­paat ator­paa. (Apustilit Suliaat 8:14-17) Samariamiut taamaalil­lutik Guutip naalagaaf­fianut iser­nis­samut periarfis­sin­neqar­put.

3.   Guutimik nalusut. Jiisusip toqunerata kingor­na ukiut pingasut af­farlu qaangiut­tut Guutimik nalusut (juutiun­ngitsut) Guutip naalagaaf­fianut iser­nis­samik aam­ma periarfis­saqar­nerat Guutip Petrusimut paasinarsisip­paa. Petrusip Guutimik nalusunut oqaluus­sinermigut matuersaatit ilaat ator­paa, taamaalil­lunilu anersaamik il­ler­nar­tumik tunineqar­nis­samut, kristumiun­ngor­nis­samut siunis­samilu Guutip naalagaaf­fianut iser­nis­samut periarfis­sip­pai. – Apustilit Suliaat 10:30-35, 44, 45.

‘Guutip naalagaaffianut iserneq’ qanoq paasisariaqarpa?

 ‘Guutip naalagaaf­fianut iser­tut’ Jiisusi qilam­mi naalak­kersueqatigis­savaat. ‘Is­siavis­saarsuar­ni is­sianis­saat’ aam­ma ‘nunamut kun­ngiunis­saat’ Biibilimi siulit­tuutigineqar­poq. – Lukasi 22:29, 30; Saq­qum­mersitat 5:9, 10, tastamantitâĸ.

Qilaap Naalagaaffiata matuersaatai pillugit kukkusumik isummernerit

 Kukkusoq: Petrusip Qilaap Naalagaaf­fiata matuersaataanik atuinis­saa qilaap utaq­qivaa.

 Eqqortoq: Qilaap Naalagaaf­fiata matuersaatai Jiisusip eq­qar­toramigit Petrusi ima oqarfigaa: “[Nunami] qilersuk­katit qilan­nis­saaq qilersorsimas­sap­put. Nunamilu qilerus­saak­katit qilan­nis­saaq qilerus­saarsimas­sap­put.” (Mat­thæusi 16:19) Inuit ilaat oqaatsit taak­ku Biibilimin­ni atuareerlugit isum­mer­tar­put qilak qanoq ilius­sasoq Petrusip aalajanger­taraa. Biibilil­li al­las­simaq­qaarfiini grækerisut oqaluutinit ersersin­neqar­poq qilam­mi aalajangerneqareersut Petrusip maleruassagai.

 Biibilimi al­las­simaf­fin­nit al­lanit ersersin­neqar­poq Petrusi Qilaap Naalagaaf­fiata matuersaataanik atuinermini qilam­mut naalatsigitit­toq. As­sersuutigalugu matuersaatit pingajuat atoramiuk Guutip ilitsersuus­sutaanik maleruaavoq. – Apustilit Suliaat 10:19, 20.