Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 02

Biibili neriuutissaqartitsivoq

Biibili neriuutissaqartitsivoq

Nunarsuarmi sumi tamani ajor­nar­torsiutit pis­sutigalugit aliasut­toqarlunilu er­numasoqarlunilu an­niar­toqar­tar­poq. Il­lit taamatut misiginikuuit? Imaas­sin­naavoq nap­paat asasan­nil­luun­niit toqusoor­neq pis­sutigalugu naal­liuuteqar­tutit. Im­maqa ima eq­qarsar­putit: ‘Inuuneq oqin­nerulis­sanerluni?’ Taman­na Biibilimi tup­pal­ler­nar­tumik akineqar­poq.

1. Biibili qanoq neriuuteqalersitsiva?

Biibilimi nas­suiar­neqar­poq nunarsuarmi sooq taama ajor­toqar­tigisoq. Aam­ma nuan­nersumik tusagas­saqar­titsivoq, tas­sa ungasin­ngitsuk­kut Guutip ajor­nar­torsiutaasut tamaasa aaq­qis­sagai. Neriorsuutit Biibilimeersut ‘siunis­saqartitsil­lutillu neriuutis­saqalersitsip­put’. (Jeremia 29:11, 12 atuarsigit). Neriorsuutit taak­ku maan­nak­kut ajor­nar­torsior­nin­ni piner­tusaar­nis­samut, isumal­luar­tuunis­samut nuan­naar­tuar­nis­samul­lu iluaqutigisin­naavatit.

2. Biibili naapertorlugu siunissami pissutsit qanoq ikkumaarpat?

Biibilimi neriorsuutigineqar­poq siunis­sami ‘toqu, aliasunneq, nillianeq anniarnerlu atuukkun­naassasut’. (Saq­qum­mersitat 21:4 atuarsiuk). Ajor­nar­torsiutit erloqinar­tut – soorlu piitsuus­suseq, naaper­tuil­luan­ngitsulior­nerit, nap­paatit toqulu – atuuk­kun­naas­sap­put. Biibilimi neriorsuutigineqar­poq inuit nunarsuarmi paratiisiusumi naas­saan­ngitsumik pil­luarlutik inuujumaar­tut.

3. Neriorsuutit Biibilimeersut eqquukkumaarnerat qanoq upperilersinnaaviuk?

Inup­pas­suit neriut­tar­put ajun­ngitsumik atugaqarumaarlutik, taman­nali qulak­keersin­naan­ngilaat. Neriorsuutil­li Biibilimeersut eq­quuk­kumaar­nerat qular­nan­ngilaq. Taman­na up­per­narsineqarsin­naavoq ‘Allakkat Illernartut misissoqqis­saartarnerisigut’. (Apustilit Suliaat 17:11) Biibili misis­soq­qis­saaruk­ku nalilersin­naalis­savat siunis­saq pil­lugu neriorsuutai up­perisin­naanerlugit.

ITISILIINEQ

Siunis­saq pil­lugu Biibilimi neriorsuutigineqar­tut ilaat misis­suk­kit. Neriuut Biibilimeersoq qanoq iluaqutigineqarsimasoq takuuk.

4. Naalliuuteqarnani naassaanngitsumik inuusoqarsinnaasoq Biibilimi neriorsuutigineqarpoq

Biibilimi neriorsuutigineqar­tut matuma ataani al­las­simasut atuak­kit. Sorliit nuan­nerunar­tin­ner­paavigit? Sooq?

Neriorsuutit ilaat eq­qar­toreerus­sigit taak­kunun­nga tun­ngatil­lugu allas­simaffiit innersuus­sutigineqartut atuarsigit apeq­qutil­lu uku eq­qar­torlugit:

  • Al­las­simaf­fiit taak­ku iluaqutigisin­naasoraagit? Ilaqut­tan­nut ikin­ngutin­nul­lu iluaqutaasin­naas­sap­pat?

UKU ATUUK­KUN­NAAS­SAPPUT:

UKU ATUUTILIS­SAPPUT:

  • Anniaateqar­neq, utoq­qalil­luni san­ngiil­lineq toqulu. – Esaja 25:8.

  • Nap­parsimaneq innar­luuteqar­nerlu. – Esaja 33:24; 35:5, 6.

  • Peq­qin­neq nukis­saqarluar­nerlu. – Jobi 33:25.

  • Eqqun­ngitsumik pineqar­tar­neq. – Esaja 32:16, 17.

  • Naam­mat­tunik nerisas­saqar­neq, ilorrisimaar­nar­tumik angerlarsimaf­feqar­neq nalerisimaar­nar­tumillu sulif­feqar­neq. – Esaja 65:21, 22.

  • Sorsun­neq. – Tus­siaat 46:10.

  • Eqqis­seqatigiil­luin­nar­neq. – Esaja 32:18.

  • Nikal­lor­nar­tunik eqqaa­masaqar­neq eqqar­saateqar­nerlu. – Esaja 65:17.

  • Pitsaaner­paanik avatangiiseqarluni naas­saan­ngitsumik inuuneq. – Tus­siaat 37:29.

5. Biibilimi neriorsuutit iluaqutigisinnaavatit

Inup­pas­suit ajor­nar­torsiutit nikal­lus­sutigalugil­luun­niit kamas­saatigisar­paat. Taak­kua ilaat ilungersorlutik aaq­qiiniar­tar­put. Pis­sutsil­li aaq­qin­neqarumaar­neran­nik neriorsuut Biibilimeersoq inuit qanoq iluaqutigisar­neraat paasiniaruk. VIDEO takusiuk apeq­qutil­lu tul­liut­tut eq­qar­torlugit.

VIDEO: Naapertuilluan­ngis­sutsimut akiuuk­kusup­punga (4:07)

  • Rafikap naaper­tuil­luan­ngitsuliorfigineqar­neq nuan­niil­liuutigisani suna videumi oqalut­tuaraa?

  • Naak eq­qun­ngitsulior­nerit takusar­tak­kani aaq­qin­neqan­ngik­kaluar­tut Biibili qanoq iluaqutigaa?

Siunis­saq pil­lugu neriorsuutit Biibilimeersut up­perigutsigit ajor­nar­torsioraluarut­taluun­niit isumal­luar­tuul­lutalu pil­luarsin­naavugut. Ussatit 17:22 aamma Romamiut 12:12 atuarsigit apeq­qutil­lu uku eq­qar­torlugit:

  • Biibilip neriorsuutaanik up­perin­nin­neq maan­na inuunin­ni iluaqutaasin­naasoraajuk? Sooq taama isumaqar­pit?

OQARTOQARTARPOQ: “Siunis­saq pil­lugu Biibilimi neriorsuutigineqar­tut tupin­nangaarmata up­periuminaap­put.”

  • Sooq nam­mineq up­per­narsinis­saat pingaaruteqar­pa?

EQIKKAANEQ

Siunis­saq nuan­nersoq pil­lugu Biibilimi neriorsuuter­pas­suaqar­poq. Taak­ku neriuuteqalis­sutigigatsigit maan­na inuunitsin­ni iluaqutigaagut.

Uteqqiineq

  • Sooq neriorsuutit Biibilimeersut ilisimaneqar­tariaqar­pat?

  • Siunis­saq pil­lugu Biibilimi qanoq al­las­simasoqar­pa?

  • Siunis­saq pil­lugu nuan­nersumik neriuuteqar­neq maan­na qanoq iluaqutigisin­naaviuk?

Iliuuserisassatit

NAMMINEQ MISISSUGASSATIT

Ajor­nar­torsiuteqar­nin­ni neriuuteqar­neq qanoq iluaqutigisin­naanerlugu paasiniaruk.

“Sumi neriuut tutsuiginartoq nassaassaava?” (Iteritsi!, apriilip 22-at, 2004)

Katsorsar­neqarsin­naan­ngitsumik nap­paatil­lit siunis­saq pil­lugu neriuut qanoq iluaqutigisin­naagaat paasiniaruk.

“Katsorsarneqarsin­naan­ngitsumik nappaateqaruma Biibili iluaqutigisin­naavara?” (Nit­tar­tak­katsin­ni al­laaserisaq)

Musikvideo isigin­naar­til­lugu il­lit ilaqut­tatil­lu nunarsuarmi Biibilip neriorsuutigisaani inuususi takorlooruk.

Paratiisi takorloorpara (3:37)

Pis­sutsinik al­lan­ngor­titsiumasup siunis­samut neriuut Biibilimeersoq paasigamiuk inuunerminik al­lan­nguinera pil­lugu atuarit.

“Maanna pissutsinik allan­ngortitsiniaasariaqar­tutut misigiun­naarpunga” (Napasuliaq Alapernaarsuiffik-mi al­laaserisaq)

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNERMUT AALLARNIUT

Biibili neriuutissaqartitsivoq

Kalaallisut
Biibili neriuutissaqartitsivoq
https://cms-imgp.jw-cdn.org/img/p/1102021812/univ/art/1102021812_univ_sqr_xl.jpg
lffi ilinniagassaq 2
AAJUK
Biibili neriuutissaqartitsivoq
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarnermut aallarniut
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarnermut aallarniut