Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 01

Biibili inuuninni qanoq iluaqutigisinnaaviuk?

Biibili inuuninni qanoq iluaqutigisinnaaviuk?

Inuuneq, naal­liuutit, toqu siunis­sarlu pil­lugit tamangajat­ta apeq­qutis­saqar­tar­pugut. Aam­ma naam­mat­tunik inuuniutis­saqas­sanerluta ilaqutariit­tul­lu qanoq pil­luarsin­naanerluta eq­qarsaatigisar­par­put. Inup­pas­suit paasisimavaat Biibilimi pitsaasunik siun­nersuuteqarlunilu inuunermi apeq­qutit pingaarutil­lit akis­sutis­sarsineqarsin­naasut. Il­lim­mi Biibili iluaqutaasin­naasoraajuk?

1. Apeqqutit suut Biibilimi akissutis­sarsineqarsin­naappat?

Apeq­qutit pingaarutil­lit uku akis­sutaat Biibili iluaqutigalugu paasineqarsin­naap­put: Inuuneq qanoq aal­lar­tip­pa? Inuunerup suna siuner­taraa? Sooq inuit pisuus­suteqan­ngitsut naal­liut­tar­pat? Toqugut­ta qanoq pisoqas­sava? Eq­qis­seqatigiin­nis­saq kis­saatigineqar­pat, taava sooq sorsut­toqar­tuar­pa? Nunarsuarmi siunis­saq qanoq is­sava? Biibilimi kajumis­saar­neqar­pugut apeq­qutit taamaat­tut akis­sutis­sarsioq­qul­lugit, tamak­kulu inup­pas­suit naam­maginar­tumik akis­sutis­sarsisimavaat.

2. Biibili ulluinnarni qanoq iluaqutigisinnaaviuk?

Biibilimi pitsaasunik siun­nersuuteqar­poq. As­sersuutigalugu ilaqutariit qanoq pil­lualivis­sin­naaneran­nut tun­ngatil­lugu siun­nersuuteqar­poq. Aam­ma naner­tisimanitsin­ni suut iluaqutaasin­naanersut qanorlu sulif­fitsin­nik qatsus­sinaveersaarsin­naasugut sam­mineqar­put. Tamak­ku al­lar­pas­suil­lu pil­lugit Biibilimi ilin­niar­titsis­sutigineqar­tut Biibililersaarum­mi matumani misis­sueqatigiin­nitsin­ni paasis­savatit. Una up­per­narsis­sagunar­pat: “Allakkat Illernartut [Biibilimi allassimasut] ... tamarmik iluaqutaapput.” – Timuutiusimut 2. 3:16.

Biibililer­saarut una Biibilimut taartaanani Biibilimik misis­sueq­qis­saarnis­samut kajumis­saarutaavoq. Taamaat­tumik allas­simaf­fiit ilin­niagas­sani innersuus­sutigineqartut atuartakkit ilik­kak­kan­nullu naleq­qiut­tarlugit.

ITISILIINEQ

Inuit Biibili qanoq iluaqutigisimaneraat paasiniaruk. Aam­ma misis­suk­kit sooq Biibilimi atuak­kavit paasinis­saan­nut ikior­neqaruit iluaqutigis­sagit Biibilimil­lu atuar­tar­neq qanoq nuan­naarutigilersin­naagit.

3. Biibilimit siulersortis­sin­naavutit

Biibili qaam­mar­tar­tumut qaam­maaris­sumut as­sersuun­neqarsin­naavoq. Aalajangiil­luar­nis­samut siunis­samilu qanoq pisoqarumaar­neranik paasin­nin­nis­samut Biibili iluaqutigisin­naavar­put.

Tussiaat 119:105 atuarsiuk apeq­qutil­lu uku eq­qar­torlugit:

  • Tus­siaasior­tup inuunermini Biibili qanoq ator­paa?

  • Il­lim­mi Biibili qanoq isumaqarfigaajuk?

4. Apeqqutitit Biibilimi akissutis­sarsisin­naavatit

Maluginiaruk ar­nap apeq­qutit pingaarutil­lit ukior­pas­suar­ni eq­qarsaatigisarsimasani Biibilimi qanoq akis­sutis­sarsigai. VIDEO takusiuk apeq­qutil­lu tul­liut­tut eq­qar­torlugit.

VIDEO: Neriuutaarutin­ngisaan­narit! (1:48)

  • Videumi isigin­naak­katsin­ni ar­nap apeq­qutit suut eq­qarsaatigisarsimavai?

  • Biibilimik atuaqateqar­tar­nini qanoq iluaqutigaa?

Biibilimi kajumis­saar­neqar­pugut apeq­quteqar­taq­qul­luta. Matiusi 7:7 atuarsiuk apeq­qul­lu una eq­qar­torlugu:

  • Apeq­qutit eq­qarsaatigisar­tak­katit suut Biibilimi akis­sutis­sarserusus­sin­naavigit?

5. Biibilimik atuarneq nuan­narilersin­naavat

Inup­pas­suit Biibilimik atuar­tar­ner­tik nuan­naralugulu iluaqutigaat. VIDEO takusiuk apeq­qutil­lu tul­liut­tut eq­qar­torlugit.

VIDEO: Biibilimik atuarneq (2:05)

  • Inuusut­tut videumi takusat­ta atuar­neq qanoq igivaat?

  • Taavami sooq Biibilimik atuar­neq nuan­naraat?

Biibilimi tup­pal­lersaatis­sin­neqarlutalu neriuutis­sin­neqar­pugut. Romamiut 15:4 atuarsiuk apeq­qul­lu una eq­qar­torlugu:

  • Biibilimeersunik tup­pal­lersaatis­sin­neqarlutil­lu neriuutis­sin­neqarusup­pit?

6. Ikiorneqarlutit Biibili paasisinnaavat

Inup­pas­suit paasisimavaat nam­mineerlutik Biibilimik atuar­tar­nerup saniatigut atuak­kamin­nik eq­qar­tueqateqar­tar­ner­tik iluaqutigisarlugu. Apustilit Suliaat 8:26-31 atuarsigit apeq­qul­lu una eq­qar­torlugu:

Angut Etiopiamiu atuak­kaminik paasin­nis­saguni ikior­neqar­tariaqar­poq. Inup­pas­suit paasisimavaat Biibilimik eq­qar­tueqateqar­tar­ner­tik iluaqutigisarlugu

OQARTOQARTARPOQ: “Biibilimik atuar­neq pif­fis­saajaataan­naavoq.”

  • Il­lit qanoq isumaqar­pit? Sooq taama isumaqar­pit?

EQIKKAANEQ

Biibilimi pitsaasunik siun­nersuuteqar­poq apeq­qutil­lu pingaarutil­lit akineqarlutik. Aam­ma inun­nut tup­pal­lersaatis­siil­lunilu neriuutis­siivoq.

Uteqqiineq

  • Biibili inuunin­ni qanoq iluaqutigisin­naaviuk?

  • Apeq­qutit suut Biibilimi akis­sutis­sarsineqarsin­naap­pat?

  • Suut Biibilimi paaserusup­pigit?

Iliuuserisassatit

NAMMINEQ MISISSUGASSATIT

Siun­nersuutit Biibilimeersut ul­lumik­kut qanoq ator­neqarsin­naanersut atuaruk.

“Biibilimi ilinniartitsis­sutit iluaqutaajuaan­narput” (Napasuliaq Alapernaarsuiffik nr. 1 2018)

Angutip meeraanerminiil­li misigis­sutsimigut ar­torsaateqar­tarsimasup Biibili qanoq iluaqutigisimaneraa videumi takuuk.

Inuuninni qanoq pillualersunga (2:53)

Ilaqutariin­nut siun­nersuutit Biibilimeersut atuak­kit.

“Ilaqutariit iluaqutissaat aqqaneq-marluk” (Iteritsi! nr. 2 2018)

Biibili naaper­torlugu nunarsuaq kiap pis­saaneqarfigigaa paasiniaruk.

Sooq Biibili misissussavara? – Tamaat (3:14)

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNERMUT AALLARNIUT

Biibili inuuninni qanoq iluaqutigisinnaaviuk?

Kalaallisut
Biibili inuuninni qanoq iluaqutigisinnaaviuk?
https://cms-imgp.jw-cdn.org/img/p/1102021811/univ/art/1102021811_univ_sqr_xl.jpg
lffi ilinniagassaq 1
AAJUK
Biibili inuuninni qanoq iluaqutigisinnaaviuk?
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarnermut aallarniut
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarnermut aallarniut