Guutip timer­put im­minut tupin­nar­tumik katsorsarsin­naatil­lugu pin­ngor­tip­paa. Inuk peq­qis­soq kileraangat, kimil­lak­kaangat kapigaangal­luun­niit “ikinik angisuunik mikisunil­lu mamitsisus­sanik timi tul­leriiaar­tunik pisoqar­titsisar­poq”. (Johns Hopkins Medicine) Timi aanaarun­naarsitsiniarluni, taq­qat nerut­torsar­niarlugit, iki mamisar­niarlugu timil­lu ipiutaasar­tai mat­tusar­niarlugit ingerlaan­naq iliuuseqar­tar­poq.

UNA EQQARSAATIGIUK: Pin­ngor­titsisup timer­put timik­kut ikinik mamitsitsisin­naatip­pagu, misigis­sutsik­kut ikinik ajorun­naarsitsinis­samik neriorsuutaa aam­ma up­perisin­naavar­put, ilaa? Tus­siaasior­toq ima al­lap­poq: “Katsorsar­pai sequmis­simasumik uum­matil­lit, ikiilu mat­tuserlugit.” (Tus­siaat 147:3) Sior­natigut maan­nak­kul­luun­niit pisimasut misigis­sutsik­kut an­niaatigiguk­kit Jehovap illit ikitit – maan­nak­kut siunis­samilu – mat­tuser­tarumaarai qanoq up­perilersin­naaviuk?

Guuti ima neriorsuivoq: “Siooraqinak ilagigak­kit, erseqinak, uangaagama il­lit Guutit. Nakus­satsip­pak­kit ikiorlutil­lu, as­san­nik ajugaasar­tumik najum­mivak­kit.” (Esaja 41:10) Inuk Jehovamit asaneqar­nerminit ilisiman­nit­toq qamuuna eq­qis­sisimasuuvoq an­nikil­liuutinil­lu as­sigiin­ngitsunik naam­magalugit atuinis­saminut nukis­saqar­tarluni. Apustilip Paulusip qamuuna eq­qis­sisimaneq taman­na tas­saanerar­paa ‘eq­qis­sineq Guutimit pisoq siuneqas­suser­nit tamanit an­nerungaar­toq’. Imalu nangip­poq: “Tamaasa pis­satsitsisik­kut atus­sal­lugit sapin­ngilak­ka.” – Filip­pimiut 4:4-7, 9, 13.

Allassimaffiit inuit siunissaat pillugu Jehovap neriorsuutaanik upperinninnerulersitsipput. Saq­qum­mersitat 21:4, 5-imi al­las­simavoq Jehova suniarnersoq aam­ma sooq taamaalius­sasoq up­perisin­naagip­put:

• ‘Qul­liit tamaasa inuit isaan­nit al­lar­terumaar­pai.’ Inun­nit suusupagineqaraluarut­taluun­niit Jehovap an­niaataarutsil­lutalu isumakuluutaarutsis­savaatigut.

• Qilam­mi naalan­nas­sutsimini ‘is­siavis­saarsuarmi is­siasup’ pin­ngor­titanut tamanut Kun­ngiusup Ajugaqan­ngitsup pis­saanini oqar­tus­saaninilu naal­liuutinik pitsaaliuinermut uagutsin­nil­lu ikiuinermut atus­savai.

• Jehova up­per­narsaavoq neriorsuutini ‘up­per­narlutil­lu ilumoor­tuusut’. Tas­sa Jehovap neriorsuutini eq­qor­tis­sin­naal­lugit atini qular­naveeq­qutigalugu up­per­narsaavoq.

“Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata. Is­siavis­saarsuarmilu is­siasoq oqar­poq: ‘Takuat, suut tamaasa nutaan­ngor­tip­pak­ka!’ Oqar­porlu: ‘Al­lagit, oqaatsit tamak­ku up­per­narlutil­lu ilumoormata.’” – Saq­qum­mersitat 21:4, 5.

Silarsuaq takus­saasoq Biibililu Ataatat­ta qilam­miusup pis­susiinik ersersitsip­put. Pin­ngor­titarsuaq Guutimut qanimut ikin­ngutaasin­naasutut ilisarisimaleq­qul­lugu kajumis­saarisutul­lusooq ip­poq, Biibilimilu erseq­qis­sumik ima al­las­simavoq: “Guuti qanin­niarsiuk, taava taan­na ilis­sin­nut qanil­lis­saaq.” (Jaaku 4:8) Apustilit Suliaat 17:27-mi ima al­las­simavoq: ‘Ilatsin­nit kimil­luun­niit ungasin­ngilaq.’

Guutimik ilisarisiman­nin­niar­nerujar­tor­til­lutit ‘isumas­soraatit’ up­perinerujar­tus­savat. (1 Petrusi 5:7) Jehovamik taamatut tatigin­nin­nerup suna iluaqutis­sar­taraa?

Toru Japanimiu sam­meriar­tigu. Anaanaminik kristumiuusumik perorsar­neqaraluarluni yakuza, Japanimi mafia, akuuf­figiler­paa. Ima oqalut­tuar­poq: “Taamani isumaqar­punga Guutip uumigigaanga inuil­lu peqatigisar­tak­kama toqunerat uan­nut pil­laataasoq.” Toru nas­suer­poq peqatigisar­tak­kani eq­qarsaatinilu pis­sutigalugit “naak­kit­taatsun­ngorlunilu misigit­taatsun­ngorluni”. Anguniagarisimasani pil­lugit ima oqar­poq: “Uan­nit tusaamasaanerusumik toqutsisutut ilisimaneqalerlunga inuusut­tuul­lunga toqorusup­punga.”

Torul­li nulianilu, Hannah, Biibilimik atuaq­qis­saar­tareerlutik Toru inuunermini isik­kumigul­lu al­lan­nguerujus­suar­poq.  “Uiga al­lan­nguisoq malun­nar­poq,” Han­nah oqalut­tuar­poq. Maan­na Toru qularani ima oqarsin­naavoq: “Guuteqar­poq tamatsin­nik im­mik­kut isumas­suil­luar­tumik. Guutip toqunis­sar­put kis­saatigin­ngilaa, kuk­kus­sutivul­lu ilumut peq­qis­simis­sutigigutsigit isumak­keerfigin­nik­kusup­poq. Kimul­luun­niit oqalut­tuarisin­naan­ngisavut kialuun­niil­lu paasisin­naan­ngisai Guutimut oqalut­tuarisin­naavavut. Siunis­sami qanit­tumi Jehovap ajor­nar­torsiutit, naal­liuutit an­nikil­liuutil­lu tamaasa atorun­naarsis­savai. Maan­nangaarlumi ilimagin­ngin­ner­paasatsitut ikiorsin­naavaatigut. Nikal­lungagaangat­ta asan­nil­luni ikior­tar­paatigut.” – Tus­siaat 136:23.

Soorlu Torup misigisaanit erser­toq Guutip alianar­tut tamaasa atorun­naarsis­sin­naavai – qanit­tuk­kul­lu taamaaliorumaar­poq. ‘Qul­liliner­nil­lu tamanik al­lar­teriumaarluni’ neriorsuinera siunis­samut tutsuiginar­tumik neriuutis­saqalersitsivoq, maan­nangaarlu pitsaanerusumik inuunis­satsin­nut taman­na iluaqutigisin­naavar­put. Aap, silarsuarmi naal­liun­nar­tor­pas­suaqaraluar­toq Guutip asan­nil­luni isumas­suinera iluaqutigisin­naavar­put.