Naalungiarsuup inuunerani minutsit siul­liit 60-it pingaaruteqarluin­nar­put. Sooq? Anaanaasup inoorlaamut timik­kut at­taveqar­nera pif­fis­sami tamatumani meeq­qap timik­kut misigis­sutsik­kul­lu ineriar­tor­nis­saanut pingaaruteqarluin­narmat. *

Anaanaasup inoorlaaq asan­nit­tumik isumaginis­saanut suna kajumis­sis­sutigaa? Profes­sori Jeannette Crenshaw nas­suiaavoq anaanaasup oxytocin-imik hormoneqarluar­nera pis­sutaal­luni “er­ninermi kingor­na inoorlaamik at­tuuan­nin­nermini, isiginermini milutsitsinerminilu misigis­susii sak­kor­tuneruler­tar­tut”. (The Journal of Perinatal Education) Taman­na ilutigalugu hormoni al­la piuler­toq iluaqutigalugu “anaanaasup inoorlaaq qisuariarfigisar­paa” taas­sumin­ngalu isumagin­nil­lualis­sutigisarlugu. Sooq taman­na maluginiar­nar­pa?

Anaanaasup inoorlaal­lu qanimut at­taveqatigiin­nerat Pin­ngor­titsisitsin­nit Jehovamit asan­nit­tumit pilersitaavoq. * Kun­ngip Daavip ‘anaanami timaata iluanit aninini’ anaanaminil­lu pak­kusimaneqarluni toq­qis­sisimanini Jehovamut ima ataq­qinaataatip­paa: “Inun­ngor­nin­nil­li ilin­nut isumageq­qusaavunga, anaanama iluaniil­lungali il­lit Guutigaak­kit.” – Tus­siaat 22:10, 11.

UNA EQQARSAATIGIUK: Guutip anaanaasoq naalungiarsuutiminik asan­nit­tumik nak­kutigin­nis­sin­naatil­lugu pisariaqar­titaanil­lu isumagin­nis­sin­naatip­pagu, taava aam­ma uagut, ‘Guutimut qitor­naasugut’, inut­tut pisariaqar­titavut isumagiumaarai ilimanar­poq, ilaa? – 1 Johan­nesi 3:2.

Jiisusi Kristusi ima ilin­niar­titsivoq: “Qupaloraarsuit marluk skil­lingimik akilersil­lugit tunineqar­tan­ngin­ner­pat? Taak­kua ilaat ataaserluun­niit nunamut nak­kar­navian­ngilaq Ataatarsi najor­tiginagu. Ilis­simi nutsasiluun­niit tamarmik kisis­simap­put. Taamaat­tumik erseqinasi, ilis­si qupaloraarsup­pas­suar­nit pingaar­neruvusi.” – Mat­thæusi 10:29-31.

Tim­miaaq­qat, ingam­mik nunamut nak­kar­tut, inuit amerlanersaan­nit malugineqar­neq ajor­put. Ataatat­tali qilam­miusup tamarluinnaasa malugisar­pai! Tim­mis­sat – amerlagaluarunilluunniit – inun­nit naleqar­nerun­ngisaan­nar­put. Taamaat­tumik ilin­niagas­sar­taa imaap­poq: Isumaqaqinak Guutip il­lit malugin­ngik­kaatit. Soqutigil­luin­nar­paatil­li!

 Allassimaffiit qularunnaarsitsisut

• “Naalak­kap isai tamagin­nut an­ngusimap­put, ajor­tut ajun­ngitsul­lu nak­kutigaat.” – USSATIT 15:3.

• “Naalak­kap isaasa sam­mivigaat iluar­tut, ikioq­qul­lutik nil­lianerat siutaasa tusar­tar­paat.” – TUSSIAAT 34:16.

• “Un­neq­qaris­sutsit qiim­mat­taatigalugulu tipaatsuutigis­savara. An­nikil­lior­nera takoreer­pat, an­nikil­liuutin­ni ikior­parma.” – TUSSIAAT 31:8.

Guutip ingerlal­luar­nis­sar­put soqutigil­luin­naraa asan­nil­lunilu nak­kutigigaatigut ilisimagutsigu taman­na inuunitsin­nik al­lan­ngor­titsisin­naava? Aap, ilumut ilisimasaqar­nerup al­lan­nguisitsisin­naanera pil­lugu Hannah, * Tuluit Nunaanneersoq, ima nas­suiaavoq:

“Qas­seeriarujus­suarlunga Jehovamit asaneqan­ngitsutut qin­nutik­kalu akineqan­ngitsut misigisar­punga. Isumaqaraluar­punga up­per­nikin­nera pis­sutaasoq. Pingaaruteqan­ngitsutut, pil­lar­neqar­tutut soqutigineqan­ngitsutulu misigisar­punga. Guutip isumas­sun­ngik­kaanga misigivunga.”

Maan­nali Hannah Jehovamit malugineqarlunilu asaneqar­nini qulariun­naarsimavaa. Misigis­susii qanoq al­lan­ngorsimap­pat? Ima nas­suiaavoq: “Al­lan­ngoriar­tuaar­punga. Eq­qaamavara ukior­pas­suit matuma sior­na Biibili tun­ngavigalugu Jiisusip uter­titsis­sutitut pil­liutaa pil­lugu oqalugiaat uan­nut sun­niuteqangaar­toq, Jehovap uan­nik asan­nin­neranik qularun­naarsitsisoq. Qin­nutik­kalu akineqaraangata qul­lilisar­punga Jehovap ilumut asagaanga paasisarak­ku. Aam­ma Biibilimik atuaq­qis­saar­tar­nik­kut up­peqatimalu ataatsimeeqatigisar­nerisigut Jehovap, kinaas­susia uagul­lu pil­luta misigis­susii pil­lugit suli al­lanik ilik­kagaqar­tar­punga. Maan­na tamat­ta Jehovamit najor­neqar­tar­ner­put, asaneqar­ner­put inut­tul­lu ataasiak­kaatut isumagineqar­ner­put takul­luar­nerusin­naavara.”

Hannah-p oqaasii qiim­maal­lan­nar­put. Qanorli qulak­keersin­naaviuk Guuti il­lit misigis­sutsin­nik paasin­nil­lunilu eq­qaaman­nit­toq? Al­laaserisani tul­liut­tuni apeq­qut taman­na sam­mineqas­saaq.