TOQUK­KUT asasamik an­naasaqarsimaguit im­maqa aam­ma il­lit misigis­suser­pas­suit aq­qusaarsimavatit: Aliasun­neq, kiserlior­neq susin­naan­ngitsutul­lu misigineq. Im­maqa aam­ma kamas­saqarlutil­lu sioorasarlutil­lu im­minut pisuutit­tar­putit. Aam­ma eq­qarsaatigisarsimasin­naavat inuuneq suli nuan­nersor­taqar­nersoq.

Isumaqas­san­ngilatit aliasuk­kavit san­ngiitsuusutit. Ersersiin­nar­pat toqusoq qanoq asatigigit. Aliasun­neril­li atoruminar­nerulersin­naava?

Aliasuk­kun­naar­neq ajuleruit siun­nersuutit uku im­maqa tup­pal­lersaatigisin­naavatit:

IMMINUT ALIASUFFISSAQARTIGIT

Inuit aliasut­tar­nerat as­sigiin­ngit­tar­put sivisoqatigiit­tar­natil­lu. Qianerli misigis­sutsinut ar­tor­nar­tunut oqilial­laataasar­poq. Vanes­sa, is­suariigar­put, ima oqar­poq: “An­niaatin­nik oqilial­latsitsisariaqarama qis­sasiin­nar­tar­punga.” Sofía nuk­kaminik tas­san­ngaan­naq toqusoorsimasoq ima oqar­poq: “Pisimasoq eq­qarsaatigigaangak­ku an­ner­nar­taqaaq, soorlu tas­sa ikimik aseruut­toorsimasumik saliineq. Ikeq an­ner­narujus­suar­tar­poq, salin­neqar­nermigul­li mamik­kiar­tor­tar­poq.”

EQQARSAATITIT MISIGISSUTSITILLU EQQARTORTAKKIT

Ilaan­nik­kut kisimiik­kusut­tas­saguit paasinar­poq. Aliasun­nin­nili oqaloqateqar­tan­ngik­kuit ar­tor­nar­pal­laas­saaq.  Jared 17-inik ukiulik ataataminik an­naasaqarsimasoq ima eq­qaamasalik­kersaar­poq: “Misigis­sutsik­ka al­lanut oqalut­tuarisar­pak­ka. Paasinar­tulior­tuaan­narunan­ngilanga, oqaaser­taliigin­nar­nerli iluaqutaasaqaaq.” Janicep, al­laaserisami siul­lermi eq­qaaneqar­tup, iluaqutaasoq al­la una eq­qaavaa: “Al­lanik oqaloqateqar­neq tup­pal­ler­nangaar­poq. Paasineqar­tutut kisimiin­ngitsutul­lu misigisar­punga.”

IKIORTISSARSIORIT

Psykologi ima oqar­poq: “Aliasut­tut an­naasaqaq­qam­mer­nermin­ni ikin­ngutimin­nit ilaqut­tamin­nil­lu ikior­neqar­nis­samin­nik akuersisut toqusoor­nermi misigis­sutsit as­sigiin­ngitsut oqin­nerusumik qaangeriar­tor­tar­paat.” Ikin­ngutitit ilisimatik­kit qanoq ikiorsin­naagaatsit. Ikiuerusus­sap­put, im­maqali qanoq ikius­sanerlutit naluaat. – Us­satit 17:17.

GUUTIMUT QANINNERULERIT

Tina ima oqar­poq: “Uiga kræfterluni tas­san­ngaan­naq toqum­mat oqaloqatigisin­naajun­naarak­ku suut tamaasa Guutimut oqaatigisaler­pak­ka! Ul­laat tamaasa qin­nuigisar­para ul­lup anigor­nis­saanut ikioq­qul­lunga. Guutip sin­nilis­suarmik ikior­paanga.” Tarsha 22-nik ukioqarluni ar­naminik an­naasaqar­toq ima oqar­poq: “Ul­lut tamaasa Biibilimik atuar­tar­nera tup­pal­lersaatigiuar­para, qiim­maal­lan­nar­tunim­mi eq­qarsaateqalis­sutigisar­para.”

TOQUSUNIK MAKITITAANISSAQ TAKORLOORTARUK

Tina ima nangip­poq: “Aal­laq­qaam­mut toqusunik makititaanis­saq tup­pal­lersaatigin­ngilara, taamanimi uiga pisariaqar­tip­para – er­nimalu ataatar­tik pisariaqar­tip­paat. Maan­nali ukiut sisamat qaangiut­tut neriuut taman­na eq­qarsaatigiuaan­nar­para. Piner­tusaas­sutigaara. Takoq­qin­nis­saa takorloor­tar­para, taman­nalu toq­qis­sis­sutigalugulu nuan­naalis­sutigisar­para!”

Aliasun­nerit ingerlaan­naq atoruminarsinavian­ngilaq. Vanes­sal­li misigisaa toq­qis­sial­laataasin­naavoq. Ima oqar­poq: “Isumaqarsin­naavutit anigun­ngisaan­nas­sal­lugu, ul­lul­li atoruminarsiumaar­put.”

Eq­qaamajuk im­maqa an­naasat maqaasiun­naan­ngik­kaluarlugu inuunerit suli nuan­nersor­taqar­toq. Guutip asan­nit­tumik ikiuineratigut qanimut ikin­nguteqar­neq inuunerlu siuner­taqar­toq suli nuan­naarutigisin­naavat. Qanit­tuk­kul­lu Guutip toqusimasut makitissavai. Kis­saatigaa asasat eqitaaq­qis­sagit. Taamanik­kus­samut naas­saan­ngitsumik uum­matik­kut an­niaataarutis­saatit!