PILLUARNEQ PIGISANUT TUNNGATINNEQARTARTOQ TUSARTARPIUK? Inuit mil­lionil­lit taamatut isigin­nit­taaseqarlutik nalunaaqut­tap-akun­ner­pas­suini suleruloor­tar­put. Aningaasal­li pigisal­lu ataavar­tumik pil­lualersitsisar­pat? Up­per­narsaatinit suna erser­pa?

Journal of Happiness Studies naaper­torlugu pisariaqar­titavut tun­ngaviusut matus­susereeraangatsigit pigeriik­kat ilaneri pil­luar­nerulis­sutaaval­laar­neq ajor­put. Matumani aningaasat ajor­nar­torsiutinut pisuun­ngil­lat. Tas­sami “[aningaasanik] noq­qaas­suteqar­neq pil­luan­ngin­nermut at­tuumas­suteqar­poq”. (Atuagas­siaq Monitor on Psychology) Tamatumun­nga as­singusumik Biibilimi ima al­las­simavoq: ‘Aningaaserituujuneq ajor­tunut tamanut sorlaavoq; tamatuman­nga pileritsatsitaal­lutik inuit ilaat im­min­nut amerlasuunik erloqis­sutis­sior­put.’ (1 Timotheusi 6:9, 10) Suunuku erloqis­sutaaler­tar­tut?

PISUUSSUTIT NAKKUTIGISASSAAMMATA ISUMAKULUNNEQ SINISSAARUNNERLU. “Sulisar­toq sinil­luar­tar­poq neril­luarsimagaangami nerisakilaarsimagaluaraangamiluun­niit. Angul­li pisooq pisuus­sutaasa sinitsaalior­tar­paat.” – Oqaluus­sisar­tup oqaasii 5:11.

PILLUALISSUTAASORISAQ PILLUALISSUTAANNGIMMAT PAKATSINEQ. Aningaasaateqarusun­neq kis­saataam­mat naam­matsif­feqan­ngitsoq aningaaseritooq pakatsisar­poq. “Pisuus­sutinik nuan­narin­nit­toq pis­sarsiaminik naam­matsiuitsuuvoq.” (Oqaluus­sisar­tup oqaasii 5:9, Testamentitoqaq 1990-imi naqitigaq) Aam­ma inuk pisuus­sutinik perusungaarami pil­luar­nis­samut pingaarutil­lit, soorlu ilaqut­tat, ikin­ngutit anersaak­kul­lu it­tut, pif­fis­saqarfigil­luan­ngitsoor­tar­pai.

ANINGAASAT NALEERUKKAANGATA ILUANAARUTAANNGIKKAANGATALU ERLOQIUMMERNEQ. “Pisuun­ngor­niar­neq noq­qaas­sutigeqinagu, sianis­sutsit atorun­naarsis­savaat; isitit pisuus­sutinut saatsik­kuk­kit peerutereersimas­sap­put, sulunil­lutim­mi nat­toralit­tut qul­larsareersimas­sap­put.” – Us­satit 23:4, 5.

NAAMMAGINNINNEQ. ‘Sun­nguamik nas­sataqarata silarsuarmut matumun­nga pisimagat­ta aam­ma sun­nguamik nas­sataqar­nata silarsuaq man­na qimat­tus­saavar­put. Nerisas­saqarlutalu atisas­saqarut­ta tamak­ku naam­magis­savavut.’ (1 Timotheusi 6:7, 8) Inuit naam­magin­nit­tuusut naam­magit­taal­lioq­qajaasar­natil­lu sin­ngaq­qajaaneq ajor­put. Akis­saqar­tin­ngisamin­nik piumasaqar­neq ajoramik pisariaqan­ngitsumik isumakulun­natil­lu uip­pakajaar­tan­ngil­lat.

TUKKORTUUNEQ. “Tunisineq pil­luar­nar­neruvoq tigusinermit.” (Apustilit Suliaat 20:35) Inuit tuk­kor­tuusut pil­luar­tuup­put al­lanik nuan­naar­titsisaramik, tun­nius­sin­naasatik an­nikik­kaluaraangataluun­niit. Aningaasanik pisiarineqarsin­naan­ngitsut – asan­nin­neq, ataq­qineqar­neq tuk­kor­tuusunil­lu ikin­nguteqar­neq – iluarusuutigisar­paat! – Lukasi 6:38.

INUNNIK PIGISANIIT PINGAARNERUTITSINEQ. “Naatitanit nerisas­siat asan­nin­ner­taqar­tut pitsaanerup­put us­sim­mik pual­larsak­kamik nerisas­sianit uumis­suiner­taqar­tunit.” (Us­satit 15:17) Asan­nit­tumik at­tavigiin­neq pigisanit naleqar­nerungaar­poq. Pil­luarsin­naaq­qul­luta asan­nin­neq pingaaruteqarluin­nar­poq.

Sabinap, Amerika Kujal­lermiup, Biibilimi najoq­qutas­siat pingaaruteqar­nerat ilik­kar­paa. Uiminit qiman­neqarami paninilu marluk inuus­sutis­saqarumal­lutik ilungersor­tariaqar­poq. Marlun­nik sulif­feqar­poq ul­laas­sak­kul­lu sisamanut makit­tarluni. Ulapingaaraluarluni Biibilimik atuaq­qis­saar­taler­niarluni aalajanger­poq. Qanoq kinguneqar­tumik?

Aningaasaqar­niar­nera al­lan­ngorani isigin­nit­taasia al­lan­ngorujus­suar­poq! Anersaak­kut pisariaqar­titani pigamigit pil­lualer­poq. (Mat­thæusi 5:6) Ilumoor­tunik ikin­nguteqaler­poq up­peqatimi akor­nan­ni. Ilik­kak­kanilu al­lanut oqalut­tuarigaangamigit tunisinerup pil­luar­nar­tua misigisar­paa.

“Ilisimas­suseq eq­qor­tuutitaavoq suliamigut,” Biibilimi al­las­simavoq. (Mat­thæusi 11:19) Naam­magin­nin­nerup tuk­kor­tuunerul­lu aam­mat­taaq inun­nik pigisanit pingaar­nerutitsinerup ‘suliaan­nit’, tas­sa kingunerinit, erser­poq tamak­ku pil­lualivis­sutaasar­tut!