ماسىحشىلەردىڭ اعىمدارى نەگە سونشا كوپ؟
كيەلى كىتاپتىڭ جاۋابى
ادامدار يسا پايعامباردىڭ ۇيرەتكەن تالىمدەرىن نەگىزگە الىپ، ماسىحشىلەردىڭ (حريستيانداردىڭ) ٵرتۇرلى اعىمدارىن قۇردى. الايدا كيەلى كىتاپتا ماسىحشىلىكتىڭ ٴبىر عانا شىنايى جولى بار ەكەنى ايتىلعان. نەگە بۇلاي دەيتىنىمىزدىڭ ٷش سەبەبىن قاراستىرىپ كورەيىك:
يسا پايعامبار ٶزىنىڭ ۇيرەتكەن تالىمدەرى «شىندىق» ەكەنىن ايتقان جانە كيەلى جازبالاردا ونىڭ ٸزىن قۋعان العاشقى ماسىحشىلەردىڭ «شىندىق جولىندا جۇرگەندەرى» جازىلعان (جوحان 8:32؛ پەتىردىڭ 2-حاتى 2:2؛ جوحاننىڭ 2-حاتى 4؛ جوحاننىڭ 3-حاتى 3). وسىدان كورىنەتىندەي، يسا پايعامباردىڭ تالىمدەرىنە قايشى كەلەتىن ىلىمدەردى ۇستاناتىنداردى شىنايى ماسىحشىلەردىڭ قاتارىنا جاتقىزا المايمىز.
سونداي-اق كيەلى كىتاپتا ماسىحشىلەردىڭ «ايتقاندارى ٴبىر جەردەن شىعۋ» كەرەك ەكەنى ايتىلعان (قورىنتتىقتارعا 1-حات 1:10). الايدا ەڭ نەگىزگى دەگەن ٴدىني ۇستانىمدارعا كەلگەندە، مىسالى «ٴماسىحشى قانداي بولۋ كەرەك؟» دەگەن سياقتى ماسەلەدە، ماسىحشىلەردىڭ كوپتەگەن اعىمدارىنىڭ ويلارى ٴبىر جەردەن شىقپايدى. ەندەشە سولاردىڭ بارلىعى بىردەي تۋرا جولدا دەپ ايتا الامىز با؟ (پەتىردىڭ 1-حاتى 2:21).
بۇگىندە يسا پايعامباردىڭ الدىن الا ايتىپ كەتكەن سوزدەرى ورىندالىپ جاتىر. كوپ ادام اۋىزدارىمەن «ونىڭ ٸزباسارلارىمىز» دەپ ايتقانمەن، وسيەتتەرىن ورىندامايدى. سوندىقتان يسا پايعامبار ولاردان باس تارتادى (ماتاي 7:21—23؛ لۇقا 6:46). سونداي-اق ٶز ماقساتتارىن كوزدەگەن ٴدىنباسىلارى شىنايى عيباداتتى ارامداپ، كەيبىرەۋلەردى اداستىرۋدا (ماتاي 7:15). ال باسقالارى كيەلى جازبالارداعى شىندىقتان گورى، قۇلاقتارىنا جاعاتىن نارسەلەردى ايتاتىن ٴماسىحشى سىماقتاردىڭ قاتارىنا قوسىلۋدى ٴجون كورەدى (تىموتەگە 2-حات 4:3، 4).
بيداي مەن ٵرامشوپ جايلى استارلى اڭگىمەسىندە يسا پايعامبار جولدانتايۋشىلىقتىڭ بەلەڭ الاتىنىن ايتقان (ماتاي 13:24—30، 36—43). وسى استارلى اڭگىمەدەن كورىنەتىندەي، ۇزاق ۋاقىت بويى شىنايى ماسىحشىلەر مەن جالعان ماسىحشىلەردىڭ اراسىنداعى ايىرماشىلىق اسا بايقالماۋ كەرەك-ٴتىن. ٴدال يسا ايتىپ كەتكەندەي-اق، ەلشىلەر دۇنيەدەن وتكەن سوڭ، جولدانتايۋشىلىق كەڭ ەتەك الدى (ەلشىلەردىڭ ىستەرى 20:29، 30). ۇستاناتىن نانىمدارىندا قانداي دا ٴبىر ايىرماشىلىقتار بولعانمەن، ٴماسىحشى سىماقتاردىڭ قايسىسى دا «شىندىق جولىنان تايعانى» انىق (تىموتەگە 2-حات 2:18).
سونداي-اق يسا پايعامبار شىنايى جانە جالعان ماسىحشىلەردىڭ ايىرماشىلىعى تۇبىندە ايقىن بولاتىنىن دا ايتىپ كەتتى. بۇل ٴبىزدىڭ كۇندەرىمىزدە، «وسى زاماننىڭ اقىرىندا»، ورىن الۋدا (ماتاي 13:30، 39).
قىزىقتى بولار مالىمەتتەر
ٴجيى قويىلاتىن سۇراقتار
ەحوبا كۋاگەرلەرى ماسىحشىلەر مە؟
ٴبىزدىڭ نەگە ماسىحشىلەر دەپ اتاناتىنىمىزدى جانە ماسىحشىلەر ٴدىنىن ۇستاناتىن باسقا اعىمداردان قانداي ايىرماشىلىعىمىز بار ەكەنىن قاراستىرىپ كورىڭىز.
ESSENTIAL BIBLE TEACHINGS
قۇداي تاعالا بارلىق ٴدىندى قۇپ كورە مە؟
كوپ ادامنىڭ ويىنشا، ٴدىننىڭ جامانى جوق.
سان ٴتۇرلى تاقىرىپتار
ٴدىن دە اقشا تابۋدىڭ كوزى مە؟
كەيبىر شىركەۋدىڭ ۋاعىزداۋشىلارى شىرىگەن باي، ال شىركەۋگە باراتىنداردىڭ كوپشىلىگى كەدەي تۇرادى.
ٴجيى قويىلاتىن سۇراقتار
ەحوبا كۋاگەرلەرى دىندەرىنىڭ شىنايى ەكەنىنە سەنىمدى مە؟
يسا قۇتقارىلۋعا جەتكىزەتىن جولدىڭ كوپ ەكەنىن ايتقان با؟
ٴبىز جونىندە
قاۋىم كەزدەسۋىنە كەلىڭىز
ٴبىزدىڭ كەزدەسۋلەرىمىز جايلى تولىعىراق ٴبىلىڭىز. وزىڭىزگە جاقىن جەردەگى كەزدەسۋدىڭ مەكەنجايىن تابىڭىز.