پەتىردىڭ 1-حاتى 2:1—25
2 سوندىقتان بار جاماندىق اتاۋلىدان، بار جالعاندىق پەن ەكىجۇزدىلىكتەن جانە كۇنشىلدىكتەن، سونداي-اق وزگەنى قارالاۋدىڭ قاي تۇرىنەن دە اۋلاق بولىڭدار+.
2 جاڭا تۋعان نارەستە ىسپەتتى+، قۇداي ٴسوزىنىڭ تازا سۇتىنە قۇشتار بولىڭدار. سوندا ودان ٴنار العاندارىڭنىڭ ارقاسىندا ٶسىپ، قۇتقارىلا الاسىڭدار+.
3 سەبەبى يەمىزدىڭ ىزگى ەكەندىگىنىڭ ٴدامىن تاتىپ كوردىڭدەر.
4 سەندەر يەمىزگە — ادامدار باس تارتقان+، ٴبىراق قۇداي تاڭداعان ٵرى ٶزى ٷشىن باعالى ساناعان ٴتىرى تاسقا+ — كەلگەندە،
5 كيەلى ٴدىني قىزمەتكەر بولىپ، يسا ٴماسىح ارقىلى قۇدايعا ۇنامدى رۋحاني قۇرباندىقتار+ ۇسىنۋلارىڭ+ ٷشىن سەندەردەن دە، ٴتىرى تاستاردان، رۋحاني ٷي سوعىلادى+.
6 ويتكەنى جازبادا مىناداي ٴسوز بار: «مىنە، مەن سيونعا تاڭداۋلى تاستى، ىرگەتاس ەتىپ باعالى بۇرىشتىق تاستى، قويىپ جاتىرمىن. وعان سەنىم ارتقان اركىمنىڭ ٷمىتى اقتالادى+».
7 سوندىقتان سەندەر ٷشىن ول باعالى، ويتكەنى سەندەر سەنەسىڭدەر. ٴبىراق سەنبەيتىندەر ٷشىن «قۇرىلىسشىلار باس تارتقان+ وسى تاس نەگىزگى بۇرىشتىق تاسقا* اينالدى»+
8 جانە ول — «سۇرىندىرەتىن تاس، قۇلاتاتىن جارتاس»+. ولار سوزگە مويىنسۇنباعاندىقتان سۇرىنەدى. مۇنداي ادامداردىڭ اقىرى وسىنداي بولارى الدىن الا بەلگىلى ەدى.
9 ال سەندەر وزدەرىڭدى تۇنەكتەن ٶزىنىڭ تاماشا جارىعىنا شاقىرعاننىڭ+ «كەرەمەت قاسيەتتەرىن بارلىق جەردە جاريالاۋ ٷشىن+ تاڭدالعان ٴناسىل، پاتشا ٵرى ٴدىني قىزمەتكەرلەر، قاسيەتتى حالىق+ جانە قۇدايدىڭ ەرەكشە مەنشىگىسىڭدەر+».
10 كەزىندە قۇدايدىڭ حالقى ەمەس ەدىڭدەر، ال ەندى ونىڭ حالقىسىڭدار+. سەندەرگە مەيىرىمدىلىك كورسەتىلمەگەن ەدى، ال ەندى كورسەتىلىپ وتىر+.
11 جاتجەرلىك ٵرى ۋاقىتشا تۇرعىندار رەتىندە ٶمىر ٴسۇرىپ جۇرگەن+ قىمباتتى باۋىرلاستار، سەندەردى جاندارىڭمەن ايقاسىپ جاتقان+ ٴتان قالاۋىنىڭ جەتەگىندە بولماۋعا شاقىرامىن+.
12 وسى دۇنيەدەگى ادامدار اراسىندا ٴجۇرىس-تۇرىستارىڭ بۇدان بىلاي دا ۇلگىلى بولسىن+. سوندا سەندەردى جاماندىق جاساۋشىلار دەپ جازعىراتىن ولار يگى ىستەرىڭدى ٶز كوزدەرىمەن كورىپ+، قۇداي تەكسەرەتىن كۇنى ونى ماداقتايتىن بولادى.
13 ادام بالاسى ورناتقان بيلىك اتاۋلىنىڭ بارىنە يەمىز ٷشىن مويىنسۇنىڭدار+: جوعارى بيلىك يەسى بولعاندىقتان پاتشاعا+ دا،
14 جاماندىق ىستەيتىندەردى جازالاپ، ال جاقسىلىق جاسايتىنداردى ماقتاۋعا جىبەرىلگەن ونىڭ اكىمدەرىنە دە باعىنىڭدار+!
15 ويتكەنى قۇداي سەندەردىڭ يگى ىستەرىڭ ارقىلى اقىلسىز ادامداردىڭ ناداندىقپەن ايتقان سوزدەرىنە توسقاۋىل قويعاندارىڭدى قالايدى+.
16 سەندەر ەركىن ادامسىڭدار+، ٴبىراق ەركىندىكتەرىڭدى جامان ىستەرىڭدى جاسىرۋ* ٷشىن ەمەس+، قۇدايدىڭ قۇلدارى رەتىندە پايدالانىڭدار+.
17 اركىمگە ٴتيىستى قۇرمەت كورسەتىڭدەر+، بارلىق باۋىرلاستاردى* سۇيىڭدەر+، قۇدايدان قورقىڭدار+، پاتشانى قۇرمەتتەڭدەر+.
18 قىزمەتشىلەر قوجايىندارىن بارىنشا قۇرمەتتەپ، ولارعا باعىنسىن+! تەك مەيىرىمدى دە پاراساتتىلارىنا عانا ەمەس، كوڭىلىنەن شىعۋ قيىندارىنا دا سولاي ەتسىن.
19 ەگەر الدەكىم قۇداي الدىندا تازا ار-ۇجدانعا يە بولعىسى كەلگەندىكتەن قيىندىق كورىپ، ادىلەتسىز جاپا شەگىپ جاتسا، بۇل قۇدايعا ۇنامدى+.
20 ويتكەنى كۇنا جاساعاندارىڭ ٷشىن سوققى جەپ، سوعان ٴتوزىپ جۇرسەڭدەر، مۇنىڭ نەسى ماقتاۋعا تۇرارلىق+؟ ال جاقسىلىق جاساعاندارىڭ ٷشىن ازاپ شەگىپ، سوعان ٴتوزىپ جۇرسەڭدەر، بۇل قۇدايعا ۇنامدى+.
21 سەندەر وسىعان شاقىرىلدىڭدار، ويتكەنى ٴماسىح سەندەرگە بولا ازاپ شەگىپ+، ونىڭ ىزىمەن تۋرا جۇرۋلەرىڭ ٷشىن ۇلگى قالدىردى+.
22 ول ەشبىر كۇنا جاساعان ەمەس+، اۋزىنان جالعان ٴسوز دە شىققان ەمەس+.
23 ول جۇرت وزىنە ٴتىل تيگىزگەندە+، ولاردى عايباتتامادى+؛ ازاپ شەككەندە+، جابىرلەۋشىلەرىن قورقىتپادى، قايتا، ٶزىن ٵدىل سوتتاۋشىعا سەنىپ تاپسىردى+.
24 كۇنادان ارىلىپ، ٵدىل ٶمىر سۇرە الۋىمىز ٷشىن، ول ٴبىزدىڭ كۇنالارىمىزدى ٶز تانىمەن بورەنەگە+ كوتەردى+. «سەندەر ونىڭ جاراقاتتارى ارقىلى ساۋىقتىڭدار»+.
25 ويتكەنى سەندەر اداسقان قوي سەكىلدى ەدىڭدەر+، ال ەندى جاندارىڭنىڭ باعۋشىسى+ ٵرى قورعاۋشىسىنا قايتا ورالدىڭدار.