رەينكارناسيا كيەلى كىتاپ ٸلىمى مە؟
كيەلى كىتاپتىڭ جاۋابى
جوق، بۇل كيەلى كىتاپتىڭ ٸلىمى ەمەس. كيەلى كىتاپتا «رەينكارناسيا» دەگەن ٴسوز دە، ۇعىم دا جوق. رەينكارناسيا ولمەس جان a تۋرالى ىلىمگە نەگىزدەلگەن. ٴبىراق كيەلى كىتاپتا جان دەگەنىمىز ادامنىڭ ٶزى ەكەنى ٵرى ونىڭ ولەتىنى ايتىلعان (مۇسانىڭ 1-جازباسى 2:7، سىلتەمە؛ ەزەكيەل 18:4). ولگەندە ادام تىرشىلىك ەتۋىن توقتاتادى (مۇسانىڭ 1-جازباسى 3:19؛ ۋاعىزداۋشى 9:5، 6).
رەينكارناسيا مەن قايتا ٴتىرىلۋدىڭ ايىرماشىلىعى نەدە؟
كيەلى كىتاپتاعى قايتا ٴتىرىلۋ ٸلىمى ولمەس جان تۋرالى ىلىمگە نەگىزدەلمەگەن. قايتا ٴتىرىلۋ كەزىندە ٶلىپ كەتكەن ادامدار قۇداي قۇدىرەتىمەن قايتادان ومىرگە ورالادى (ماتاي 22:23، 29؛ ەلشىلەردىڭ ىستەرى 24:15). بۇل ٸلىم ٶلىپ كەتكەن ادامدار بولاشاقتا جەردەگى جۇماقتا ٴتىرىلىپ، سوسىن ەندى قايتىپ ولمەيدى دەپ ۇيرەتەدى (پەتىردىڭ 2-حاتى 3:13؛ ايان 21:3، 4).
جاڭساق پىكىرلەر مەن كيەلى كىتاپ
جاڭساق پىكىر: كيەلى كىتاپتا ٸلياس پايعامباردىڭ شومىلدىرۋ ٴراسىمىن جاساۋشى جاقيا بولىپ كەلگەنى ايتىلعان.
شىندىق: قۇداي: «سەندەرگە ٸلياس پايعامباردى جىبەرەمىن»،— دەگەن پايعامبارلىق ايتقان. يسا بۇل سوزدەردىڭ شومىلدىرۋ ٴراسىمىن جاساۋشى جاقيادا ورىندالعانىن كورسەتتى (مالاحي 4:5، 6؛ ماتاي 11:13، 14). ٴبىراق بۇل ٸلياس تۋرا ماعىنادا جاقيا بولىپ كەلدى دەگەندى بىلدىرمەيدى. ويتكەنى جاقيانىڭ ٶزى «ٸلياس ەمەسپىن» دەپ ايتقان (جوحان 1:21). قايتا، جاقيا ىلياستىكىنە ۇقساس ٸس اتقارعان، ياعني وكىنۋ جايلى قۇدايدىڭ حابارىن جاريالاعان (پاتشالار 1-جازبا 18:36، 37؛ ماتاي 3:1، 2). سونداي-اق ول دا ٸلياس سياقتى قۇلشىنىستى ٵرى كۇش-قۋاتى مول پايعامبار بولعان (لۇقا 1:13—17).
جاڭساق پىكىر: كيەلى كىتاپتاعى «قايتادان تۋىلۋ» دەگەن ٴسوز رەينكارناسياعا نۇسقايدى.
شىندىق: كيەلى كىتاپتا «قايتا تۋىلۋ» دەپ ادامنىڭ كوزى تىرىسىندە رۋحاني جاعىنان قايتا تۋىلۋىن بىلدىرەدى (جوحان 1:12، 13). بۇل قايتا تۋىلۋ ادامنىڭ بۇرىنعى ىستەرىنىڭ سالدارى ەمەس، جارقىن بولاشاققا ٷمىت بەرەتىن قۇدايدىڭ باتاسى بولىپ تابىلادى (جوحان 3:3؛ پەتىردىڭ 1-حاتى 1:3، 4)
a ولمەس جان مەن رەينكارناسيا ٸلىمى كونە بابىلدان باستاۋ العان. عاسىرلار وتە ٷندى فيلوسوفتارى كارما ٸلىمىن قالىپتاستىردى. ٴبىر تانىمال ەنسيكلوپەدياعا ساي، كارما دەگەن — «سەبەپ-سالدار زاڭدىلىعى، ياعني ادامنىڭ قازىرگى ومىرىندە ىستەپ جاتقانى كەلەسى ومىرىنە اسەر ەتەدى» («Britannica Encyclopedia of World Religions»، 913-بەت).
قىزىقتى بولار مالىمەتتەر
ESSENTIAL BIBLE TEACHINGS
ولگەن ادامدار قانداي كۇيدە بولادى؟
كيەلى كىتاپتا كوپتەگەن ادامنىڭ ەلازار سياقتى قايتا تىرىلەتىنى ۋادە ەتىلگەن.
كيەلى كىتاپ. سۇراقتار مەن جاۋاپتار
جان دەگەن نە؟
جان ادامنىڭ ىشىندەگى ٴبىر نارسە مە؟ ادام ولگەندە، جانى ٵرى قاراي ٶمىر سۇرە بەرە مە؟
كيەلى كىتاپ. سۇراقتار مەن جاۋاپتار
قايتا ٴتىرىلۋ دەگەن نە؟
بولاشاقتا كىمدەردىڭ قايتا تىرىلەتىنىن بىلگەندە تاڭعالارسىز.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.