قۇداي پاتشالىعى جەر بەتىنە قاشان بيلىك ەتەدى؟
يسا پايعامباردىڭ كەيبىر ٸزباسارلارى قۇداي پاتشالىعى جەر بەتىنە قاشان بيلىك ەتەتىنىن سۇراعاندا، يسا ولارعا مۇنىڭ ناقتى ۋاقىتىن بىلە المايتىندارىن ايتادى (ەلشىلەردىڭ ىستەرى 1:6، 7). ٴبىراق بۇعان دەيىن ول ٸزباسارلارىنا «قۇداي پاتشالىعىنىڭ تاياپ قالعانىن» جانە جەر بەتىن باسقاراتىن ۋاقىتى جاقىنداعانىن قالاي بىلۋگە بولاتىنىن ايتقان ەدى: ولار بەلگىلى ٴبىر وقيعالاردىڭ ٴبارى ٴبىر ۋاقىتتا ورىندالىپ جاتقانىن كورگەندە، قۇداي پاتشالىعىنىڭ بيلىك ەتەتىنىن كەزى كەلگەنىن تۇسىنە الاتىن (لۇقا 21:31).
يسا الدىنا الا ايتىپ كەتكەن وقيعالار
يسا پايعامبار بىلاي دەگەن: «ۇلت ۇلتقا قارسى، مەملەكەت مەملەكەتكە قارسى اتتانادى، قاتتى جەر سىلكىنىستەرى، ٴتۇرلى جەرلەردە اشارشىلىق پەن ىندەتتەر بولادى» (لۇقا 21:10، 11). ادامنىڭ ساۋساق سىزىقتارى ساۋساق تاڭباسىن قۇرايتىنداي، بۇل وقيعالاردىڭ ٴبارى بىرگە انىق تا ايقىن ٴبىر بەلگىنى قۇرايدى. ساۋساق تاڭباسىنا قاراپ ونىڭ يەسىن جاڭىلماي انىقتاۋعا بولادى. ٴدال سول سياقتى، يسا پايعامبار ايتقان وقيعالاردىڭ ٴبىر ۋاقىتتا ورىندالۋىنا قاراپ «قۇداي پاتشالىعىنىڭ تاياپ قالعانىن» بىلۋگە بولادى. بۇگىندە سول وقيعالاردىڭ ٴبارى ٴبىر ۋاقىتتا ٵرى دۇنيەجۇزى بويىنشا ورىندالىپ جاتىر دەپ ايتا الامىز با؟ ٴيا! قازىر بۇعان دالەل كەلتىرىپ كەتەيىك.
1. سوعىستار
1914-جىلى تاريحتا بۇرىن-سوڭدى بولماعان، ادامزاتتى قان قاقساتقان سوعىس بۇرق ەتتى! تاريحشىلار بۇل جىلدى الەمدى وزگەرتكەن جىل دەپ اتايدى، ويتكەنى سول جىلى العاش رەت دۇنيەجۇزىلىك سوعىس بولدى. تانكىلەر، اۋە بومبالارى، پۋلەمەتتەر، ۋلى گازدار مەن قىرىپ-جوياتىن باسقا دا قارۋلار بۇعان دەيىن وسى سوعىستاعىداي مۇنشالىق كوپ قولدانىلماعان. مۇنىڭ ارتى ەكىنشى دۇنيەجۇزىلىك سوعىسقا ۇلاسىپ، الەمگە يادرولىق قارۋلار ەندى. قاندى قاقتىعىستار 1914-جىلدان بەرى الەمنىڭ ٴتۇرلى جەرلەرىندە ورىن الىپ، ميلليونداعان ادامنىڭ ٶمىرىن قيۋدا.
2. جەر سىلكىنىستەرى
«بريتان ەنسيكلوپەدياسىنىڭ» مالىمدەۋى بويىنشا، جىل سايىن 100 شاقتى جويقىن جەر سىلكىنىسى بولادى ەكەن. ال قۇراما شتاتتاردىڭ گەولوگيالىق قىزمەتىنىڭ ەسەبىنە ساي، «1900-جىلدان بەرى جۇرگىزىلىپ كەلە جاتقان ەسەپ بويىنشا، جىل سايىن 16 داي اسا قۋاتتى ٴزىلزالا بولادى دەپ كۇتىلەدى». كەيبىرەۋلەر «جەر سىلكىنىستەرىن انىقتايتىن ساپالى قۇرالدار پايدا بولعاندىقتان، ٴزىلزالالار كوبەيىپ كەتكەندەي كورىنەدى» دەيتىن شىعار. الايدا مىناعان ەش داۋ جوق: جەردىڭ تۇكپىر-تۇكپىرىندە بولىپ جاتقان جويقىن ٴزىلزالالار ادامدارعا بۇرىن-سوڭدى بولماعانداي كوپ قاسىرەت اكەپ، ومىرلەرىنەن ايىرىپ جاتىر.
3. اشارشىلىق
سوعىس، جەمقورلىق، ەكونوميكالىق قيىندىقتار، اۋىلشارۋاشىلىعىن دۇرىس ۇيىمداستىرماۋ مەن تابيعاتتىڭ قاتاڭ جاعدايلارىنا بەيىمدەلمەۋدىڭ كەسىرىنەن الەمدە اشارشىلىق ۇدەپ تۇر. دۇنيەجۇزىلىك ازىق-تۇلىك باعدارلاماسى 2018-جىلعا جاساعان شولۋىندا بىلاي دەيدى: «بۇكىل الەم بويىنشا 821 ميلليون ادام تاماققا جارىماي جۇرسە، ونىڭ 124 ميلليونى مۇلدەم اش». جەتكىلىكتى تۇردە ٴنارلى اس قابىلداماعاندىقتان، جىل سايىن شامامەن 1، 3 ميلليون بالا ٶلىم قۇشادى. 2011-جىلى الەم بويىنشا بالا ٶلىمىنىڭ 45 پايىزى اشتىقتىڭ كەسىرىنەن بولعان.
4. اۋرۋلار مەن ىندەتتەر
دۇنيەجۇزىلىك دەنساۋلىق ساقتاۋ ۇيىمىنىڭ باسىلىمىندا بىلاي دەلىنگەن: «XXI عاسىرعا اياق باسپاي جاتىپ-اق الەمدە اۋىر ىندەتتەر بەلەڭ الدى. تىرىسقاق، وبا، سارى قىزبا سياقتى بۇرىنعى ىندەتتەر قايتا شىعىپ، باسقا جاڭا تۇرلەرى دە پايدا بولدى. مىسالى، وكپە قابىنۋى، تۇماۋ ىندەتى، تاياۋ شىعىس تىنىس سيندرومى (MERS)، ەبولا جانە زيكا ۆيرۋستارى». ال كۇنى كەشە عانا 19-COVID پاندەمياسى جەر جاھاندى جايلادى. ٴيا، عالىمدار مەن دارىگەرلەر اۋرۋلار تۋرالى كوپ زەرتتەپ-بىلسە دە، ولاردىڭ ەمىن تابۋعا قاۋقارسىز.
5. دۇنيەجۇزىلىك ۋاعىز ٸسى
يسا پايعامبار قۇداي پاتشالىعىنىڭ كەلىپ قالعانىن بىلدىرەتىن بەلگىنىڭ تاعى ٴبىر بولىگىنە نازار اۋداردى. ول بىلاي دەدى: «پاتشالىق جايلى وسى ىزگى حابار بارلىق حالىقتار ەستۋ ٷشىن بۇكىل جەر بەتىندە ۋاعىزدالادى. سودان كەيىن وسى زاماننىڭ سوڭى كەلەدى» (ماتاي 24:14). دۇنيەدە جانتۇرشىگەرلىك وقيعالار ورىن الىپ جاتقاندا، 8 000 000 نان استام ادام قۇداي پاتشالىعى تۋرالى ىزگى حاباردى جاريالاپ ٴجۇر. ٴتۇرلى ۇلتتان شىققان ولار 240 ەلدە، 1000 نان اسا تىلدە ۋاعىزدايدى. ادامزات تاريحىندا مۇنداي جاعداي بۇعان دەيىن بولعان ەمەس!
يسا ايتقان بەلگىنىڭ ٴبىز ٷشىن قانداي ٴمانى بار؟
يسا پايعامبار ايتىپ كەتكەن بەلگىنى قۇرايتىن وقيعالار كوز الدىمىزدا ورىندالىپ جاتىر. بۇل ٴبىزدى نەگە قىزىقتىرۋ كەرەك؟ ويتكەنى يسا بىلاي دەپ ايتقان: «سەندەر دە وسىلاردىڭ بولىپ جاتقانىن كورگەندە، قۇداي پاتشالىعىنىڭ تاياپ قالعانىن بىلەسىڭدەر» (لۇقا 21:31).
جاقىندا قۇداي پاتشالىعى جەر بەتىن جاراتۋشىمىزدىڭ ەركىنە ساي وزگەرتەدى
يسا پايعامبار ايتقان بەلگىنى جانە كيەلى كىتاپتىڭ حرونولوگياسىن بىرگە الىپ قاراستىرساق، قۇداي ٶز پاتشالىعىن 1914-جىلى كوكتە ورناتقانىن بىلەمىز a. سول جىلى قۇداي ٶزىنىڭ ۇلى يسا ٴماسىحتى پاتشا ەتىپ تاعايىندادى (ٴزابۇر 2:2، 4، 6—9). جاقىندا قۇداي پاتشالىعى بارلىق ۇكىمەتتەردى جويىپ، جەر بەتىنە ٶزى بيلىك ەتەتىن بولادى. سونداي-اق بۇل پاتشالىق جەر بەتىن ادامدار ماڭگى ٶمىر سۇرەتىن جۇماققا اينالدىرادى.
يسا ۇيرەتكەن دۇعاداعى «سەنىڭ پاتشالىعىڭ كەلسىن! سەنىڭ ەركىڭ كوكتەگىدەي جەر بەتىندە دە ورىندالسىن!» دەگەن سوزدەر كوپ ۇزاماي جۇزەگە اسادى (ماتاي 6:10). قۇداي پاتشالىعى 1914-جىلى ورناعالى بەرى نەندەي ىستەر اتقارۋدا؟ بۇل پاتشالىق جەر بەتىنە تەك ٶزى بيلىك ەتەتىن كەزدە ادامزات ٷشىن نە ىستەيدى؟
a 1914-جىل تۋرالى كوبىرەك ٴبىلۋ ٷشىن، ەحوبا كۋاگەرلەرى باسىپ شىعارعان «ماڭگى باقي ٶمىردىڭ راقاتىن كورىڭىز!» كىتابىنىڭ 32-ساباعىن قاراڭىز.
قىزىقتى بولار مالىمەتتەر
كۇزەت مۇناراسى
زاماننىڭ اقىرى قاشان كەلەدى؟
يسا پايعامبار ايتىپ كەتكەن وقيعالاردىڭ بولىپ جاتقانىن كورىپ ٴجۇرسىز بە؟
كيەلى كىتاپ. سۇراقتار مەن جاۋاپتار
«سوڭعى كۇندەردىڭ» ياكي اقىرزاماننىڭ بەلگىسى قانداي؟
كيەلى جازبالاردا «زاماننىڭ اقىر سوڭى» كەلەر الدىندا بولاتىن وقيعالار مەن جاعدايلار الدىن الا جازىلعان.
