شىندىقتىڭ شىڭىنا جەتۋ مۇمكىن بە؟
شىندىق شىرمالعان مىنا زاماندا اقيقات پەن جالعاننىڭ اراجىگىن اجىراتۋ كۇننەن-كۇنگە قيىن بوپ بارادى. ادامدار شىندىق پەن فاكتىلەردەن گورى وزدەرىنىڭ سەزىمدەرى مەن كوزقاراستارىن جوعارى قويىپ جاتىر a. مىسالى، سوڭعى كەزدەرى وسى جاعدايدى ٴدال سيپاتتايتىن «پوست-شىندىق» دەگەن ۇعىمدى ٴجيى ەستىپ ٴجۇرمىز. بۇل ٴسوز شىندىقتى تابۋ مۇمكىن ەمەس دەگەن كوپشىلىكتىڭ كوزقاراسىن ايقىن ەتەدى.
نەگىزىندە، بۇل ۇعىم — جاڭا ۇعىم ەمەس. شامامەن 2000 جىل بۇرىن ريم ٵمىرشىسى پونتي پيلات يسا پايعامباردى سىناپ-مىنەپ، ودان: «شىندىق دەگەن نە؟»— دەپ سۇراعان ەدى (جوحان 18:38). شىندىعىندا، پيلاتتى بۇل سۇراقتىڭ جاۋابى قىزىقتىرماسا دا، ونىڭ قويعان سۇراعى ومىرلىك ٴمانى بار سۇراق ەدى. كيەلى كىتاپ بۇل سۇراققا كوڭىل توياتىنداي جاۋاپ بەرەدى ٵرى نەنىڭ شىندىق، نەنىڭ جالعان ەكەنىن اجىراتۋعا كومەكتەسەدى.
شىندىق بار ما ٶزى؟
ٴيا، بار. كيەلى كىتاپتا «شىندىق» دەگەن ٴسوز ناقتى فاكتىلەرگە ٵرى مورالدىق تۇرعىدان دۇرىس بولىپ تابىلاتىن نارسەلەرگە قاتىستى قولدانىلادى. كيەلى كىتاپ ٵبسوليۋتتى شىندىقتىڭ قاينار كوزى — ەحوبا b قۇداي دەپ ۇيرەتەدى. وندا ەحوبا «شىندىقتىڭ قۇدايى» دەپ اتالعان (ٴزابۇر 31:5). كيەلى كىتاپتا قۇداي اشقان شىندىقتار جازىلعان جانە وندا شىندىق جارىقپەن سالىستىرىلعان. شىندىق قارا تۇنەك باسقان مىنا زاماندا جارىق سەكىلدى ٴبىزدى جەتەلەپ جۇرەدى (ٴزابۇر 43:3؛ جوحان 17:17).
شىندىقتى قالاي تابۋعا بولادى؟
قۇداي ٴبىزدىڭ سوقىر سەنىمنىڭ جەتەگىندە كەتكەنىمىزدى قالامايدى. قايتا، كيەلى كىتاپتىڭ شىندىعىنا كوز جەتكىزۋگە شاقىرادى. بۇل ٷشىن سەزىمدەرىمىزگە سۇيەنبەي، اقىل-ويىمىزدى ىسكە قوسۋىمىز كەرەك (ريمدىكتەرگە 12:1). سونداي-اق ەحوبا ٴبىزدىڭ ونى «بارلىق اقىل-ويىمىزبەن ٴسۇيىپ«، وعان جاقىنداعانىمىزدى قالايدى (ماتاي 22:37، 38؛ ەلشىلەردىڭ ىستەرى 17:11).
وتىرىك قايدان شىقتى؟
وتىرىكتىڭ باستاۋى — قۇدايدىڭ جاۋى شايتان ٸبىلىس. كيەلى كىتاپتا ول «وتىرىكتىڭ اكەسى» دەپ اتالعان (جوحان 8:44). ول العاشقى ادام جۇبىنا قۇداي تۋرالى جالعان سويلەدى (مۇسانىڭ 1-جازباسى 3:1—6، 13، 17—19؛ 5:5). سودان بەرى شايتان جوقتى بار قىلىپ، قۇداي جايلى شىندىقتى جاسىرىپ كەلەدى (ايان 12:9).
نەگە بۇگىن وتىرىك ارامشوپشە قاۋلاپ كەتكەن؟
كيەلى كىتاپتا «سوڭعى كۇندەر» دەپ اتالعان ٴبىزدىڭ زامانىمىزدا شايتاننىڭ اسەرى كۇننەن-كۇنگە كۇشەيۋدە. سوندىقتان ادامدار الداپ-ارباۋ ٷشىن، پايدا كورۋ ٷشىن بەتتەرى بۇلك ەتپەي وتىرىك ايتا بەرەدى (تىموتەگە 2-حات 3:1، 13). كوپ دىندەر دە وتىرىك ايتادى. كيەلى كىتاپتا ٴبىزدىڭ زامانىمىزداعى ادامدار جايلى «قۇلاقتارىنا جاعاتىندى ايتاتىن ۇستازداردى اينالاسىنا جينايدى» جانە «شىندىققا قۇلاق سالمايدى» دەپ الدىن الا ايتىلىپ كەتكەن (تىموتەگە 2-حات 4:3، 4).
شىندىق نە ٷشىن قاجەت؟
شىندىق بولماسا، ادامدارعا ٴبىر-بىرىنە سەنىم ارتۋ قيىن بولادى. ٶزارا سەنىم بولماسا، دوستىق تا بولمايدى، قوعام دا قۇلدىرايدى. كيەلى كىتاپتىڭ ايتۋىنشا، ٴبىزدىڭ عيباداتىمىز شىندىققا نەگىزدەلۋ كەرەك. قۇدايدىڭ دا قالايتىنى وسى. كيەلى كىتاپتا: «[قۇدايعا] عيبادات ەتەتىندەر كيەلى رۋحقا جانە شىندىققا ساي عيبادات ەتۋى ٴتيىس»،— دەپ جازىلعان (جوحان 4:24). كيەلى كىتاپتاعى شىندىقتار سىزگە جالعان ٴدىني ىلىمدەردى انىقتاۋعا جانە ولاردىڭ قۇرىعىنان شىعۋعا كومەكتەسەدى. بۇل جايلى «قۇدايدان الىستاتاتىن جالعان ۇعىمدار» دەگەن ماقالالار توپتاماسىنان وقي الاسىز.
قۇداي نەگە مەنىڭ شىندىقتى بىلگەنىمدى قالايدى؟
قۇداي ٴسىزدىڭ قۇتقارىلعانىڭىزدى قالايدى. بۇل ٷشىن ول تۋرالى شىندىقتى ٴبىلۋىڭىز شارت (تىموتەگە 1-حات 2:4). ەگەر قۇدايدىڭ دۇرىس پەن بۇرىسقا قاتىستى نورمالارىن ٴبىلىپ، ولاردى ۇستاناتىن بولساڭىز، ونىڭ دوسى بولا الاسىز (ٴزابۇر 15:1، 2). ادامدار شىندىقتى ٴبىلۋ ٷشىن قۇداي يسا پايعامباردى جەرگە جىبەردى. سوندىقتان دا ٴبىز يسا پايعامباردىڭ وسيەتتەرىنە قۇلاق اسۋىمىز كەرەك (ماتاي 17:5؛ جوحان 18:37).
قۇداي وتىرىكتىڭ تۇبىنە بالتا شابا ما؟
قۇداي ادامداردىڭ وتىرىك ايتىپ، ٴبىر-ٴبىرىن پايدالانعاندارىن جەك كورەدى. ول وتىرىك ايتۋىن قويمايتىن ادامداردىڭ كوزىن قۇرتامىن دەپ ۋادە ەتەدى (ٴزابۇر 5:6). سوندا «شىنشىلدىڭ ٴسوزى ماڭگىلىك» دەگەن سوزدەر جۇزەگە اسادى (ناقىل سوزدەر 12:19).
a 2016-جىلى وكسفورد سوزدىگىندە «پوست-شىندىق» جىل ٴسوزى دەپ جاريالاعان.
b ەحوبا دەگەن — قۇداي تاعالانىڭ ٴتول ەسىمى (ٴزابۇر 83:18). «ەحوبا دەگەن كىم؟» دەگەن ماقالانى قاراڭىز.
قىزىقتى بولار مالىمەتتەر
كۇزەت مۇناراسى
كيەلى جازبالار — اقيقاتتىڭ ناق كوزى
كيەلى كىتاپتاعى سوزدەرگە تولىقتاي سەنۋگە بولاتىنىنا ەش كۇماندانباساڭىز بولادى.
ESSENTIAL BIBLE TEACHINGS
كيەلى كىتاپتىڭ قۇدايدان ەكەنىن قايدان بىلەمىز؟
كيەلى كىتاپتىڭ اۆتورى قۇداي بولسا، ول دۇنيەدەگى ەڭ ەرەكشە كىتاپ بولۋى ٴتيىس.
كيەلى كىتاپتىڭ ماڭىزدى تالىمدەرى
قۇدايمەن دوس بولۋ مۇمكىن بە؟
عاسىرلار بويى ادامدار جاراتۋشىسى جايلى بىلگىسى كەلگەن. كيەلى جازبالار بىزگە قۇدايمەن دوس بولۋعا كومەكتەسەدى. بۇل دوستىق ونىڭ ەسىمىن بىلۋدەن باستالادى.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
