Jesus okwa li a fa peni?
Enyamukulo lopaMbiibeli
Kape na oo e shii kutya Jesus okwa li a fa peni molwaashi Ombiibeli inai popya olupe laye. Osho otashi ulike kutya olupe laJesus halo la fimana. Ashike Ombiibeli oya popya ngoo kutya okwa li a fa peni.
Olupe laye: Jesus okwa li a Omujuda notashi dulika a li a fyuulula omalupe aina. (Ovaheberi 7:14) Osha yela kutya okwa li e na olupe le likalekelwa. Pomhito imwe okwa li a dula okuyaukila kuJerusalem meholeko. (Johannes 7:10, 11) otaku ti ka li nokuli a didilikwa mo kovalongwa vaye. Dimbuluka kutya Judas Iskariot okwa li e na oku mu didilika mo eshi ongudu yovanhu ya li ye uya oku mu manga po. — Mateus 26:47-49.
Oule weexwiki daye: Itashi dulika Jesus a kale e na eexwiki dile molwaashi Ombiibeli oya popya kutya “omulumenhu ngeenge ta kala e neexwiki dile, ote lififa ohoni.” — 1 Ovakorinto 11:14.
Eendjedi daye: Jesus okwa li e na eendjedi. Okwa li a landula omhango yOshijuda oyo kwa li ya shilika ovalumenhu va ha ‘kulule eendjedi davo momunghulo.’ (Leviticus 19:27; Galatians 4:4) Shikwao vali, Ombiibeli oya popya yo shi na sha neendjedi daJesus monghedi yexunganeko lokuhepekwa kwaye. — Jesaja 50:6.
Olutu laye: Ope na omauyelele oo taa ulike kutya Jesus okwa li e na olutu li na oukolele. Pefimbo loukalele waye, okwa li ha ende oinano ile. (Mateus 9:35) Okwa li a wapeka otembeli yOvajuda oikando aishe ivali, a undwila poshi oitaafula yovakumaani voimaliwa nokutaataa mo oimuna nongola. (Lukas 19:45, 46; Johannes 2:14, 15) Omambo o-McClintock nosho yo o-Strong’s Cyclopedia okwa ti: “Evangeli li na sha nondjokonona yaJesus otali ulike kutya okwa li e na olutu li na oukolele.” — Volume IV-E, ep 884.
Eholokepo laye lokoshipala: Eholokepo laJesus lokoshipala ola li hali ulike kutya okwa li omunanghenda. (Mateus 11:28, 29) Ovanhu vomaludi aeshe ova li have mu kongo opo e va kwafele noku va hekeleke. (Lukas 5:12, 13; 7:37, 38) Nokuli nounona ova li hava mono shipu okukala puJesus. — Mateus 19:13-15; Markus 9:35-37.
Omitotolombo di na sha neholokepo laJesus
Omitotolombo: Embo lo-The New Jerusalem Bible ola ti vamwe ohava tomhafana kutya Jesus otashi dulika a li Omu-africa molwaashi embo lEhololo ola yelekanifa eexwiki daye nolududi nosho yo eemhadi “outale voshikushu sha hanyifwa.” — Ehololo 1:14, 15,.
Oshili: Embo lEhololo ola popya pafaneko (Ehololo 1:1) Eexwiki neemhadi daJesus oda popiwa pafaneko tadi ulike komaukwatya aJesus konima eshi a nyumunwa, ndele hakeholokepo laye eshi a li kombada yedu. Eshi taku ti “eexwiki oda li ditoka to, ngaashi olududi litoka, nongaashi omongwa utoka,” Ehololo 1:14 otali popi oluvala leexwiki ndele haexwiki doovene komudidi. Osho otashi ulike kounongo waye molwaashi okwa kala ko nale. (Ehololo 3:14) Ovelise oyo itai yelekanifa vali eexwiki daJesus nolududi ashike otai di yelekanifa nolumi.
Eemhadi daJesus “oda li da fa outale voshikushu sha hanyifwa.” (Ehololo 1:15) Natango, oshipala shaye osha li “sha fa etango la yela neenghono.” (Ehololo 1:16) Molwaashi kape na omunhu e na eholokepo la fa olo la popiwa mehololo, osha yela kutya emoniko olo olopafaneko, notali ulike kuJesus oo “ha kala mouyelelelela omu itamu shiiva okwiiwa.” —1 Timoteus 6:16.
Omitotolombo: Jesus okwa li evaya noka li e na eenghono.
Oshili: Jesus okwa li e na elipangelo. Pashihopaenenwa, okwa li e liyandja kongudu yovanhu va homata ovo va li ve uya oku mu manga po. (Johannes 18:4-8) Jesus oku na okukala a li e na eenghono opo a dule okukala omuhongi woipilangi noku longifa oilongifo yokomake. — Markus 6:3.
Ndele omolwashike mbela a li a pumbwa okuhumbatifwa ko komuti waye womahepeko? Nomolwashike a li a fya tete kwaavo va valelwa pamwe naye? (Lukas 23:26; Johannes 19:31-33) Molwaashi olutu laJesus ola li la yahamekwa neenghono. Okwa lele oufiku aushe e li oupafi nokwa li yo a nyika oluhodi. (Lukas 22:42-44) Onguloshi oyo Ovajuda ova li ve mu nangela nongula eshi kwasha Ovaroma ova li ve mu hepeka. (Mateus 26:67, 68; Johannes 19:1-3) Eenghalo odo oda li de mu ningifa a fye diva.
Omitotolombo: Jesus ka li ha yolo nomunhu.
Oshili: Jesus okwa li e na omaukwatya a fa a xe, Jehova, oo Ombiibeli ya popya kutya oku li ‘Kalunga omunelao.’ (1 Timoteus 1:11; Johannes 14:9) Natango, Jesus okwa li a honga ovanhu nghee tava dulu okukala va hafa. (Matthew 5:3-9; Luke 11:28) Omauyelele aeshe oo otaa ulike kutya ehafo laJesus ola kala hali limonikila koshipala shaye.
Otashi dulika yo u hafele oikundafanwa ei
OMAHONGO OMBIIBELI A FIMANA
Ongahelipi hatu dulu okukala noushili kutya Ombibeli oi li paushili?
Ngeenge Ombibeli oya shangwa kuKalunga, oi na okukala ya yooloka ko komambo makwao.
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.