Rĩrĩa Jesu aarĩ gũkũ thĩ, nĩ oonanirie ũrĩa eendete andũ mũno, nginya akĩruta muoyo wake ũrĩ igongona nĩ ũndũ wao. (Mathayo 20:28; Johana 15:13) Ica ikuhĩ, nĩ arĩonania o rĩngĩ ũrĩa endete andũ, rĩrĩa akaahũthĩra ũnene wake arĩ Mũthamaki wa Ũthamaki wa Ngai ‘kũniina mbaara kũndũ guothe thĩinĩ wa thĩ.ʼ—Thaburi 46:9.

 Rora wone ũrĩa Bibilia ĩtaarĩirie ũrĩa Jesu ageeka:

•   “Nĩ akaahonokia athĩni arĩa makayaga makĩhoya ũteithio, o na mũndũ ũrĩa ũtarĩ hinya hamwe na ũrĩa wothe ũtarĩ na wa kũmũteithia. Andũ arĩa matarĩ hinya na arĩa athĩni nĩ akaamaiguĩra tha, na nĩ akaahonokia mĩoyo ya arĩa athĩni. Nĩ akaamahonokia matige kũhinyĩrĩrio na gwĩkwo maũndũ ma ũhinya.”—Thaburi 72:12-14.

 Tũngĩonania ngatho atĩa nĩ ũndũ wa maũndũ mothe marĩa Jesu atwĩkĩire na marĩa arĩtwĩkĩra? Thĩinĩ wa Luka 22:19, Jesu eerire arũmĩrĩri ake maririkanage gĩkuũ gĩake. Nĩ ũndũ ũcio, Aira a Jehova nĩ macemanagia hamwe o mwaka hĩndĩ ya kĩririkano gĩa gĩkuũ gĩake. Nĩ tũrakũnyita ũgeni ũkaanyitanĩra na ithuĩ hĩndĩ ya Kĩririkano gĩa gĩkuũ kĩa Jesu mũthenya wa Kiumia, Machi 24, 2024.

Etha Kĩririkano