Thaburi 46:1-11
Kũrĩ mũrũgamĩrĩri. Thaburi ya ariũ a Kora.+ Kũringana na mũinĩre wa Alamothu.* Rwĩmbo.
46 Ngai nĩ rĩũrĩro ritũ na hinya witũ,+Ũteithio wonekaga na ihenya hĩndĩ ya mĩtangĩko.+
2 Nĩkĩo o na thĩ ĩngĩgarũrũka, ithuĩ tũtingĩtigĩra,O na irĩma ingĩgwa thĩinĩ wa iria kũrĩa kũriku,+
3 O na maĩ ma rĩo mangĩruruma na marute mũhũyũ,+O na irĩma ingĩthingitha nĩ ũndũ wa nditi yamo. (Sela)
4 Kũrĩ na rũũĩ rũrĩa tũrũũĩ twaruo tũtũmaga itũũra rĩa Ngai rĩkene,+Gĩikaro kĩrĩa gĩtheru na kĩrĩ riri kĩa Ũrĩa ũrĩ Igũrũ Mũno.
5 Ngai arĩ thĩinĩ wa itũũra rĩu;+ rĩtingĩanangwo.
Ngai nĩ ekũrĩteithia o rũcinĩ gũgĩkĩa.+
6 Ndũrĩrĩ ciarĩ na ngũĩ, namo mothamaki makĩng’aũranio;Akĩanĩrĩra na mũgambo mũnene, nayo thĩ ĩgĩtweka.+
7 Jehova mũnene wa ita arĩ hamwe na ithuĩ;+Ngai wa Jakubu nĩwe rĩũrĩro ritũ irũmu. (Sela)
8 Ũkai mwĩyonere ciĩko cia Jehova,Ũrĩa ekĩte maũndũ ma kũgegania thĩinĩ wa thĩ.
9 Aniinaga mbaara kũndũ guothe thĩinĩ wa thĩ.+
Oinangaga ũta na agathũkangia itimũ;Acinaga ngaari cia mbaara* na mwaki.
10 “Mwĩnyihiei na mũmenye atĩ niĩ nĩ niĩ Ngai.
Nĩ ngaatũũgĩrio gatagatĩ-inĩ ka ndũrĩrĩ;+Nĩ ngaatũũgĩrio thĩinĩ wa thĩ.”+
11 Jehova mũnene wa ita arĩ hamwe na ithuĩ;+Ngai wa Jakubu nĩwe rĩũrĩro ritũ irũmu.+ (Sela)