Nĩ kĩĩ Kĩngĩteithia Famĩlĩ Kũgĩa na Gĩkeno?
Hihi ũngiuga nĩ . . .
-
wendo?
-
mbeca?
-
kĩndũ kĩngĩ?
ŨRĨA BIBILIA YUGAGA
“Gũkena-rĩ, nĩ arĩa maiguaga kiugo kĩa Ngai na magakĩrũmia!”—Luka 11:28, New World Translation in Kikuyu.
ŨRĨA ŨNDŨ ŨCIO ŨNGĨGŨTEITHIA
Kũgĩa na wendo wa ma.—Aefeso 5:28, 29.
Gũkoragwo na gĩtĩo kĩa ma.—Aefeso 5:33.
Kũgĩa na ũgitĩri wa ma.—Mariko 10:6-9.
HIHI KŨNA NO TWĨTĨKIE ŨRĨA BIBILIA YUGAGA?
Ĩĩ, nĩ ũndũ wa itũmi itanyihĩire igĩrĩ:
-
Ngai nĩwe Kĩhumo kĩa famĩlĩ. Bibilia yugaga atĩ Jehova Ngai nĩwe “ũheete famĩlĩ ciothe rĩĩtwa.” (Aefeso 3:14, 15) Na njĩra ĩngĩ, mũbango wa famĩlĩ wathondekirũo nĩ Jehova. Nĩkĩ ũndũ ũcio nĩ wa bata?
Ta wĩcirie: Ũngĩkenio nĩ irio irĩ na cama na wende kũmenya kĩrĩa ciĩkĩrĩtwo-rĩ, ũngĩũria ũ? Hatarĩ nganja, nĩ ũrĩa ũkũrugĩte.
Ũndũ ũmwe na ũcio, nĩguo ũmenye kĩrĩa gĩtũmaga famĩlĩ ĩgĩe na gĩkeno, nĩ wega kũũria Jehova, tondũ nĩwe Kĩhumo kĩa mũbango wa famĩlĩ.—Kĩambĩrĩria 2:18-24.
-
Ngai nĩ akũrũmbũyagia. Andũ thĩinĩ wa famĩlĩ no magunĩke mangĩrũmĩrĩra ũtaaro wa Jehova, ũrĩa aheanĩte kũgerera Bibilia. Nĩkĩ? “Tondũ nĩ amũrũmbũyagia.” (1 Petero 5:6, 7) Jehova no ende mũno ũgaacĩre, na ũtaaro wake hĩndĩ ciothe nĩ ũrutaga wĩra!—Thimo 3:5, 6; Isaia 48:17, 18.
TA WĨYŨRIE
Nĩ kĩĩ kĩngĩgũteithia ũtuĩke mũthuri, mũtumia, kana mũciari mwega?
Bibilia nĩ ĩcokagia kĩũria kĩu thĩinĩ wa AEFESO 5:1, 2 na AKOLOSAI 3:18-21.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Hihi Bibilia no Ĩndeithie Kũgĩa na Famĩlĩ ĩrĩ na Gĩkeno?
Motaaro moimĩte Bibilia-inĩ nĩ mateithĩtie andũ milioni nyingĩ kũgĩa na gĩkeno thĩinĩ wa famĩlĩ ciao.
ARAHŨKAI!
Famĩlĩ Iria Igaacĩrĩte—Kũnyitanĩra
Hihi ũrĩa mũhikanĩtie nake akoragwo ahaana o ta mũndũ mũraikarania nake tu?
ŨHORO WITŨ
Wagĩrĩirũo Kwĩruta Bibilia Nĩkĩ?—Video Yothe
Bibilia nĩ ĩcokagĩria andũ milioni nyingĩ mũno thĩinĩ wa thĩ ciũrĩa iria nditũ mũno ũtũũro-inĩ. Wee no wende gũcokerio ciũria icio?
ŨHORO WITŨ
Hoya Ũceererũo
Arĩrĩria ciũria cia Bibilia hamwe na mũndũ ũngĩ, kana wĩrute makĩria ũhoro wĩgiĩ Aira a Jehova.
