Thaburi 98:1-9
-
Jehova, Mũhonokia na Mũtuanĩri Ciira mũthingu
-
Ũhonokio wa Jehova kũmenyithanio (2, 3)
-
Rwĩmbo.
98 Inĩrai Jehova rwĩmbo rwerũ.+
Tondũ nĩ ekĩte maũndũ ma magegania.+
Guoko gwake kwa ũrĩo, guoko gwake gũtheru, nĩ kũrehete ũhonokio.*+
2 Jehova nĩ amenyithanĩtie ũhonokio wake;+Nĩ aguũrĩtie ũthingu wake kũrĩ ndũrĩrĩ.+
3 Nĩ aririkanĩte wendo* wake o na wĩhokeku wake harĩ nyũmba ya Isiraeli.+
Ituri ciothe cia thĩ nĩ cionete ũhonokio wa Ngai witũ.*+
4 Anĩrĩrai nĩ ũndũ wa ũhootani mũgooce Jehova, inyuĩ thĩ yothe.
Canjamũkai na mwanĩrĩre mũkenete na mũine nyĩmbo cia kũgooca.+
5 Inĩrai Jehova nyĩmbo cia kũmũgooca mũkĩhũũraga kĩnanda kĩa mũgeeto,Mũmũgooce na kĩnanda kĩa mũgeeto na rwĩmbo rwega.
6 Hamwe na tũrumbeta na mũgambo wa coro,+Anĩrĩrai nĩ ũndũ wa ũhootani mbere ya Jehova, o we Mũthamaki.
7 Iria nĩ rĩrurume o na kĩrĩa gĩothe kĩiyũrĩte thĩinĩ warĩo,O na thĩ* na arĩa maikaraga thĩinĩ wayo.
8 Njũũĩ nĩ ihũũre hĩ;Irĩma nĩ cianĩrĩre ikenete irĩ hamwe+
9 Mbere ya Jehova, tondũ nĩ aroka* gũtuĩra thĩ ciira.
Nĩ agaatuanĩra ciira na ũthingu thĩinĩ wa thĩ ĩrĩa ĩikaragwo*+
Nacio ikundi cia andũ acituĩre ciira na kĩhooto.+
Tũũhoro twa magũrũ-inĩ
^ Kana “nĩ gũtũmĩte ahootane.”
^ Kana “wendo mwĩhokeku.”
^ Kana “ũhootani wa Ngai witũ.”
^ Kana “bũrũri ũrĩa ũrĩ maciaro.”
^ Kana “nĩ okĩte.”
^ Kana “bũrũri ũrĩa ũrĩ maciaro.”
