Kumno ban kham їoh jingmyntoi na kine ki jinghikai jong ka Baibl
Pule badno badno kiba lah ban ïarap ïa phi: Phi lah ban ong ïa ito iba ai ïa phi kane ka kot ban ïa pule Baibl lang bad phi, ne thoh sha ngi lyngba ka website, jw.org.
KA BYNTA BA NYNGKONG
Pule ïa kawei pa kawei ka paragraph lem bad ki jingkylli ha ki dak rben (1) bad ïa ki dkhot Baibl (2) ba thoh “pule” kiba ban ïa ki mat ba kongsan. Don ruh kiwei kiwei ki dkhot kiba phi lah ban pule.
KA BYNTA BA HAPDENG
Ka jingthoh ha kaba sdang (3) jong ka bynta Wad Shuh Shuh ka batai ïa kaei kaba ngin ïa kren. Ki Phangrit (4) ki batai ïa kaei kaba ngin ïa pule. Pule ïa ki dkhot Baibl, jubab ïa ki jingkylli, bad peit ïa ki video (5).
Peit ïa ki dur bad ïa ki jingthoh ba don hapoh jong ki (6), nangta sa pyrkhat kumno ban jubab ïa ka bynta Don Kiba Ong (7).
KA BYNTA BA KHATDUH
Ki Mat Ba Kongsan bad Ka Jingpynkynmaw (8) ka batai lyngkot ïa ka lynnong baroh kawei. Thoh ïa ka tarik ba mynno la pyndep ïa ka lynnong. Ka Thong (9) ka pynshlur ïa phi ban pule shuh ne ban pyndonkam ïa ki jinghikai ba phi la ïoh. Lada phi kwah, phi lah ruh ban pule ne peit ïa ki video kiba don ha ka bynta Pule Shuh Shuh (10) kaba don kiwei ruh ki jingtip na ka bynta jong phi.
Kumno ban wad ïa ki dkhot Baibl
Ïa ki dkhot Baibl la thoh da ka kyrteng jong ka Kitab (1), ka lynnong (2), bad ka dkhot ne ki dkhot (3). Kum ka nuksa, Ïoannis 17:3 ka thew ïa ka kitab u Ïoannis, ka lynnong kaba 17, ka dkhot kaba 3.
