Deus da-nu un grandi prezenti, ki é kapasidadi di pâpia ku el na orason i fla-l modi ki nu sta xinti. Proféta Davidi fla na orason: ‘Ó Kel ki ta obi orason, na bo ta txiga algen di tudu tipu.’ (Salmo 65:2 ) Má, modi ki nu debe faze orason pa Deus obi-nu i pa el abensua-nu?

Nos orason ki nu ta faze pa Deus ta da-nu xansi di konta-l tudu kel ki sta na nos korason. (Salmo 62:8 ) Deus Tudu-Poderozu gosta di obi orason ki nu ta faze di tudu nos korason.

Deus ten txeu titlu, má el ten sô un nómi. El fla: ‘Ami é Jeová. Kel-li é nha nómi’. (Isaías 42:8 ) Nómi Jeová ta parse más di 7 mil bês na Skrituras Sagradu. Txeu proféta uza nómi di Deus pa pâpia ku el. Abraon fla: ‘Jeová, pur favor, dexa-m kontinua ta pâpia’. (Génesis 18:30 ) Nos tanbê nu debe uza nómi di Deus, Jeová, óras ki nu ta faze orason.

Deus ta ntende kuzê ki nu ta pensa i ki nu ta xinti, ka ta nporta ki língua ki nu ta pâpia. Se Palavra ta fla-nu: “Déus ka ta faze skodjénsa di algen, má di tudu kantu di mundu E ta seta ken ki ta ruspeta-L y ki ta faze kel ki é justu.” — Atus 10:34, 35, Bíblia na Prugrésu di Traduson pa Lingua Kabuverdianu, BPK.

Má, pa nu resebe bensons di Deus, nu meste faze más di ki sô orason. Na kes otu artigu, nu sta ben odja kuzê más ki nu meste faze.