Ka ngompela mu gole lingwe ne lingwe, Bafakazi ba Jehova kose ne dzimiliyoni dza ba laletsa mu shango yose ba no shangana ku kumbula lufu gwa Jesu, se kwa a ka ba pa ndaulo. (Luka 22:19) Shingikalo iyeyi i no ti thusa ku bokela bukulu gwe cha ta ka thamigwa na Jesu ha e dusa buchilo gugwe ili chibayilo che bathu bose. Kakale ichecho cho ti lakidza kuti chibayilo chiche cho dwani mu tili—ngwenu ne mu chibaka chi nowo zha.—Johani 3:16.

 Ha ili kuti wa ka uli yapo ku Chikumbuludzo che gole ileli kene wa ka bo u sipo, chibayilo cha Jesu chi nga ku batsha chini? Jesu wa kati ta ka fanila thama zwithu zwikulu zwibili:

1.  1. Zwidiye nekwa Ndzimu na Jesu. Ha e tembezela Tate babe ba kudzimu, Jesu wa kati: “Ogu ndigo butjilo gusingapele, kuti bazibe kuti ndimwi moga Ndzimu we malebeswa, bazibe na Jesu Kirisiti iye wamakatuma.”—Johani 17:3.

2.  2. Shingisa cha u no zwidiya. Jesu wa ka tshambilidza kuti ta ka fanila ku shingisa zwidiyo zwizwe mu buchilo gwedu. Ha ti lakidzila, wa ka widza Zwidiyo zwizwe zwe ku Dombo ne boka nngwe ne nngwe u no “hwa matama [awe] kaalondolodza.” Ne zila i no fanana, mu nako ingwe wa kati: ‘Ha muziba zwithu izwezwi kakale muzwishinga, mowoshatha.’—Johani 13:17.

 A u nga da ku zwidiya kwa ka paphidzika ne kwe Ndzimu na Jesu? A u no shaka kumbuludziwa kuti u nga shingisa chini cha u no zwidiya? Zwithu zwingwe zwi nga ku batsha ndi yezwe.

 Course yedu ye mahala ye ku zwidiya Baibili ya ka batsha bathu banjinji ku zwidiya chi mu Baibili ne ku chi shingisa mu buchilo gwabo.

•   Zhula mu page yedu ye Course ye ku Batshiwa ku Zwidiya Baibili ngono u zwidiye kwa ka paphidzika ne kwe ndongoloso yayo.

•   Lingilila vidiyo i noyi U no Amuchigwa mu Thuto Iyo ye Baibili ku bona kuti ku zwidiya Baibili ne Bafakazi ba Jehova ko thamiwa chini.

 Bafakazi ba Jehova ba no shangana ka bili mu viki ingwe ne ingwe mu ndawo yabo ye ku namata i no dangwa kuyi Holo ye Bushe. Mu dzithuto idzedzi, to lebesana ne kwe Baibili ne se kwa ti nga i shingisa mu machilo edu.

 Nngwe ne nngwe u nga zha mu dzithuto idzedzi; a ku to sheteka kuti u bo u li Mfakazi kuti u be yapo mu dzili. Ku yenda ne chimo che ndawo ya u no gala mu ili, u nga na u ka bo yapo mu dzili ne bukuko kene u shingisa videoconference.

•   Lingilila vidiyo i noyi Ko Shingikani ku Holo ye Bushe? ku bona kuti ko shingikalani ku dzithuto idzedzi.

•   Ku bona ndawo ye dzithuto dzi pejo nawe zhula mu page ye Zwidiyo Zwe Gubungano Zwe Bafakazi ba Jehova.

 Bunji gwe misholo ne dzividiyo dzi mu website iyeyi dzi nga ku thusa ku zwidiya ne kwe dzithuto dza Jesu kose ne bukulu gwe lufu gugwe gwe ku zwidusa chibayilo.

 Ha ti lakidzila, ku zwidiya kuti ko khoneka chini kuti lufu gwe nlume u ngompela gu khone ku batsha dzimiliyoni dze bathu, bala nsholo u no ti “Jesu o re Boloka Jang?” ne u no ti “Goreng Jesu a Ile a Boga A ba A Swa?” kene lingilila vidiyo i no ti Ini Jeso a Ka Fa?